ક્રિસ વોક્સ ભારત સામેની ટેસ્ટ સિરીઝની છેલ્લી મેચમાં ઈજાગ્રસ્ત થયો હતો. ઓસ્ટ્રેલિયા અને ઇંગ્લેન્ડ વચ્ચે 21 નવેમ્બરથી Ashes Series રમાશે, જે પહેલા વોક્સે તેની રિકવરી અંગે અપડેટ આપ્યું છે. લંડનમાં ટેસ્ટ મેચ દરમિયાન ક્રિસ વોક્સને ડાબા ખભામાં ઈજા થઈ હતી, ત્યારબાદ તે છેલ્લા દિવસે સ્લિંગ પહેરીને બેટિંગ કરવા ઉતર્યો હતો. આ એક એવો સમય હતો જ્યારે ઇંગ્લેન્ડ જીતની ખૂબ નજીક હતું, પરંતુ ભારતીય બોલરો સામે ઇંગ્લેન્ડની ટીમ પાંચમા દિવસે મેચ હારી ગઈ હતી. આ સાથે, શ્રેણી 2-2 થી બરાબરી પર સમાપ્ત થઈ.
ઈજાની અપડેટ
જોકે, હવે ક્રિસ વોક્સને સ્લિંગની જરૂર નથી. 'The Hundred' દરમિયાન 'Sky Sports' સાથે વાત કરતા વોક્સે કહ્યું, "સ્વાભાવિક રીતે, મને હવે સ્લિંગની જરૂર નથી. મને લાગે છે કે હું હવે મારા ખભાને વધુ સારી રીતે ખસેડી શકું છું. હું સારવાર પર ધ્યાન કેન્દ્રિત કરવાનો પ્રયાસ કરીશ. હાલમાં સર્જરીની કોઈ જરૂર નથી, પરંતુ ચાલો જોઈએ કે આગળ શું થાય છે." વોક્સે કહ્યું હતું કે તે ઈજામાંથી સ્વસ્થ થવા માટે સર્જરી અથવા સારવાર પર વિચાર કરી રહ્યો છું.
ક્રિસ વોક્સનું પ્રદર્શન
ક્રિસ વોક્સે ભારત સામેની પાંચ મેચની ટેસ્ટ સિરીઝમાં 52.18 ની સરેરાશથી 11 વિકેટ લીધી હતી. આ સમગ્ર સિરીઝમાં, કુલ 181 ઓવર ફેંક્યા અને 1,086 રન આપ્યા. ક્રિસ વોક્સની આંતરરાષ્ટ્રીય કારકિર્દીના રેકોર્ડ જોઈએ તો, તેણે 62 ટેસ્ટ મેચોમાં 29.6 ની સરેરાશથી 192 વિકેટ લીધી છે. તેમાં તેને એક શતક અને સાત અર્ધ શતક સાથે 2,034 રન બનાવ્યા છે. 122 ODI મેચોમાં 173 વિકેટ લીધી હતી, જ્યારે બેટથી 1524 રન બનાવ્યા હતા. ક્રિસ વોક્સે ઇંગ્લેન્ડ માટે 33 T20 મેચ પણ રમી હતી, જેમાં તેણે 26.5 ની સરેરાશથી 31 વિકેટ લીધી હતી.
