ગૂગલે જાણીતા યુટ્યુબર અને નાસાના ભૂતપૂર્વ એન્જિનિયર માર્ક રોબર સાથે પાર્ટનરશિપમાં ખાસ પ્રોજેક્ટ શરૂ કર્યો છે. જેથી હવે યુઝર્સને સ્પેસમાં તેમની સેલ્ફી ક્લિક કરવાની તક મળશે. આ પ્રોજેક્ટ Google દ્વારા CrunchLabs અને T-Mobile સાથે પાર્ટનરશીપમાં શરૂ કરવામાં આવ્યો છે. આનાથી પૃથ્વી પરના લોકોને અવકાશમાં મોકલવામાં આવેલા નાના સેટેલાઇટ દ્વારા ખાસ પ્રકારની સેલ્ફી ક્લિક કરવાનો ઓપ્શન મળશે અને તમે તમારી સેલ્ફી પણ સબમિટ કરી શકશો. માર્ક રોબરે એક ખાસ પ્રકારનો ક્યૂબસેટ ઉપગ્રહ ડિઝાઇન કર્યો છે, જે સ્પેસએક્સના ફાલ્કન 9 રોકેટનો ઉપયોગ કરીને અવકાશમાં મોકલવામાં આવ્યો હતો અને તે Transporter 12 મિશનનો ભાગ છે. આ સેટેલાઈટમાં એક ગૂગલ પિક્સેલ ડિવાઈસ પણ ઈન્સ્ટોલ કરવામાં આવ્યું છે, જેના ડિસ્પ્લે પર યુઝર્સના ફોટો બતાવવામાં આવશે અને બીજા કેમેરાથી પૃથ્વીને બેકગ્રાઉન્ડમાં રાખીને ફોટો ક્લિક કરશે.આ સ્પેસ સેલ્ફી યુઝરને આપવામાં આવશે.
યૂઝર્સે સબમિટ કરવી પડશે ફોટો
જો તમે સ્પેશિયલ સ્પેસ સેલ્ફી ક્લિક કરવા માગો છો, તો પ્રથમ સ્ટેપ તમારો ફોટો સબમિટ કરવાનો છે. આ માટે, યુઝર્સને વેબસાઇટ g.co/pixel/spaceselfie પર જવું પડશે અને રજીસ્ટ્રેશન કરાવવું પડશે. યુઝરના ઈમેલ આઈડી પર એક કોડ મોકલવામાં આવશે. જે પછી આ કોડ સાથે તમારે SpaceSelfie.com પર જઈને તમારો ફોટો અપલોડ કરવાનો રહેશે.
નક્કી કરેલી લોકેશન પર ક્લિક થશે સેલ્ફી
એકવાર ફોટો સબમિટ કર્યા પછી, યુઝરે રાહ જોવી પડશે અને મિશન સંબંધિત અપડેટ્સ ઇમેઇલ દ્વારા આપવામાં આવશે. દાવો છે કે જ્યારે સેટેલાઇટ યુઝરના લોકેશન પરથી પસાર થશે ત્યારે તે ફોટો ક્લિક કરશે. આ ફોટોમાં યુઝર દ્વારા સબમિટ કરવામાં આવેલ સેલ્ફી સ્ક્રીન પર દેખાશે અને બેકગ્રાઉન્ડમાં પૃથ્વી દેખાશે.
