Ahmdabad News:અમદાવાદ ગ્રામ્ય વિસ્તારમાં નશીલા પદાર્થોની હેરાફેરી અટકાવવા માટે પોલીસ મહાનિરીક્ષક વિધી ચૌધરી અને પોલીસ અધિક્ષક ઓમ પ્રકાશ જાટની સૂચના મુજબ SOG દ્વારા કાર્યવાહી કરવામાં આવી હતી.
SOG ને મળેલી બાતમીના આધારે સાણંદના ડરણ ગામના ડાભીવાસમાં રેઇડ કરવામાં આવી. આ દરમિયાન ગોવિંદભાઇ લાલાભાઇ ડાભીના મકાન સામેથી એક સફેદ ઈકો કાર (GJ-38-BF-9184) માંથી કોડિન યુક્ત કફ સિરપની 830 બોટલ મળી આવી. FSL અધિકારીની હાજરીમાં તપાસ કરતા આ સિરપ NDPS એક્ટ હેઠળ પ્રતિબંધિત હોવાનું જાણવા મળ્યું.પોલીસે કુલ 1,65,170 રૂપિયાની કિંમતની કફ સિરપ અને 5 લાખની કિંમતની ઈકો કાર મળી કુલ 6,65,170 રૂપિયાનો મુદ્દામાલ જપ્ત કર્યો છે.
આ મામલે આરોપી રણછોડભાઇ ભુપતભાઇ ડાભી (રહે. ડરણગામ) ફરાર છે. ચાંગોદર પોલીસ સ્ટેશનમાં NDPS એક્ટની કલમ 8(C), 21(C), 29 હેઠળ ગુનો નોંધવામાં આવ્યો.
સેવન્થ ડે સ્કૂલનું કરોડોનું શંકાસ્પદ ટ્રાન્જેક્શન?: અમદાવાદની 133 ગ્રાન્ટેડ શાળાઓ પર સરકારી બોજો દાખલ કરવાની તૈયારી, જાણો શું છે સમગ્ર મામલો
