અમેરિકાની સ્કૂલ ગોળીઓના અવાજથી ધ્રુજી : અનેક ઘાયલ, ફાયરિંગ કરનારે આત્મહત્યા કરી

વોશિંગ્ટન: અમેરિકાના મિનિયાપોલિસમાં એક કેથોલિક સ્કૂલ અને ચર્ચમાં ગોળીબાર થયાના અહેવાલો છે. એવું કહેવામાં આવી રહ્યું છે કે ગોળીબાર કરનારે લોકોને નિશાન બનાવ્યા બાદ આત્મહત્યા કરી હતી. રાજ્યના ગવર્નરે આ ઘટનાને 'ભયાનક' ગણાવી છે. આ ઘટનામાં ઘણા લોકો માર્યા ગયા છે. મિનેસોટાના ગવર્નર ટિમ વોલ્ઝના જણાવ્યા અનુસાર, ગોળીબાર એન્યુએન્શન ચર્ચમાં થયો હતો, જ્યાં એક સ્કૂલ પણ છે. એવું કહેવામાં આવી રહ્યું છે કે આ ઘટનામાં ઘણા લોકો ઘાયલ પણ થયા છે.

એફબીઆઈના અધિકારીઓ ઘટનાસ્થળે હાજર છે. યુએસ ટુડેએ રિચફિલ્ડ પોલીસ વિભાગને ટાંકીને કહ્યું કે આ ઘટનામાં 2 લોકો માર્યા ગયા અને 17 થી વધુ ઈજાગ્રસ્ત હોવાના અહેવાલ છે. રિચફિલ્ડ પોલીસે સોશિયલ મીડિયા પોસ્ટમાં જણાવ્યું હતું કે, "કાળો પોશાક પહેરેલો અને રાઇફલથી સજ્જ એક વ્યક્તિ ઘટનાસ્થળે હાજર હતો."

પોલીસ, એફબીઆઈ અને અન્ય ફેડરલ એજન્ટો અને એમ્બ્યુલન્સ શાળામાં પહોંચ્યા ત્યારે, ફોન પર જવાબ આપનાર એક વ્યક્તિએ કહ્યું કે વિદ્યાર્થીઓને બહાર કાઢવામાં આવી રહ્યા છે. મિનેસોટાના સૌથી મોટા ઈમરજન્સી વિભાગ, હેનેપિન હેલ્થકેરના પ્રવક્તાએ જણાવ્યું હતું કે તેઓ ઈમરજન્સીનો સામનો કરી રહ્યા છે અને કોઈ વધારાની માહિતી આપી નથી.