SBI-BOB Apprentice Recruitment 2026: બેંકિંગ ક્ષેત્રમાં કારકિર્દી બનાવવાની ઇચ્છા ધરાવતા લાખો યુવાનો માટે મોટી તક સામે આવી છે. State Bank of India અને Bank of Baroda દ્વારા Apprentice ભરતી માટે 12 હજારથી વધુ જગ્યાઓ જાહેર કરવામાં આવી છે. ખાસ કરીને ફ્રેશર્સ અને તાજેતરમાં ગ્રેજ્યુએશન પૂર્ણ કરનારા ઉમેદવારો માટે આ એક મજબૂત શરૂઆત બની શકે છે. આ ભરતીમાં ઉમેદવારોને બેંકિંગ સિસ્ટમનું પ્રેક્ટિકલ ટ્રેનિંગ આપવામાં આવશે અને દર મહિને સ્ટાઇપેન્ડ પણ મળશે.
બેંકિંગ ક્ષેત્રમાં સરકારી નોકરી મેળવવી ઘણા યુવાનોનું સપનું હોય છે, પરંતુ સીધી ઓફિસર કે ક્લાર્ક ભરતીમાં સ્પર્ધા ઘણી વધારે હોય છે. આવી સ્થિતિમાં Apprentice પ્રોગ્રામ ઉમેદવારોને બેંકિંગ ક્ષેત્ર સમજવા અને અનુભવ મેળવવાનો સારો માર્ગ આપે છે. આ ટ્રેનિંગ દરમિયાન ઉમેદવારોને બ્રાન્ચ ઓપરેશન, કસ્ટમર સર્વિસ, KYC પ્રક્રિયા અને ડોક્યુમેન્ટ વેરિફિકેશન જેવા કામોમાં તાલીમ આપવામાં આવે છે.
Apprentice શું હોય છે અને તેનો ફાયદો શું?
બેંક Apprentice એક પ્રકારનો ટ્રેનિંગ પ્રોગ્રામ છે. તેમાં પસંદ થયેલા ઉમેદવારોને એક વર્ષની અવધિ માટે બેંકની બ્રાન્ચમાં કામ શીખવવામાં આવે છે. આ કાયમી નોકરી નથી, પરંતુ બેંકિંગ ક્ષેત્રમાં પ્રેક્ટિકલ અનુભવ મેળવવાની તક છે.
આ ટ્રેનિંગ દરમિયાન ઉમેદવારોને બેંકિંગ સોફ્ટવેર, ગ્રાહકો સાથે વ્યવહાર, એકાઉન્ટ સંબંધિત પ્રક્રિયા, ડેટા એન્ટ્રી અને બ્રાન્ચ મેનેજમેન્ટ વિશે શીખવામાં આવે છે. જેના કારણે ભવિષ્યમાં SBI Clerk, PO અથવા અન્ય બેંકિંગ પરીક્ષાઓ માટે તૈયારી કરતા ઉમેદવારોને મોટી મદદ મળી શકે છે.
Apprentice તરીકે શું કામ કરવું પડશે?
બેંક Apprentice તરીકે પસંદ થયેલા ઉમેદવારોને શરૂઆતમાં સરળ અને ટ્રેનિંગ આધારિત જવાબદારીઓ આપવામાં આવે છે. તેમાં મુખ્યત્વે નીચેના કામ સામેલ હોઈ શકે છે:
ગ્રાહકોને એકાઉન્ટ ખોલવામાં મદદ કરવી
બેંક ફોર્મ ભરાવવું અને માર્ગદર્શન આપવું
KYC અને ડોક્યુમેન્ટ ચકાસણીમાં સહાય કરવી
કેશ કાઉન્ટર અને ટોકન સિસ્ટમ સમજવી
બેંકિંગ સોફ્ટવેરમાં ડેટા એન્ટ્રી કરવી
ATM, પાસબુક અને ઓનલાઈન ટ્રાન્ઝેક્શન સંબંધિત પ્રશ્નોના જવાબ આપવું
આ તમામ કામગીરી દરમિયાન સિનિયર બેંક અધિકારીઓ માર્ગદર્શન આપે છે, જેથી ઉમેદવારોને વાસ્તવિક બેંકિંગ વાતાવરણમાં કામ કરવાની સમજ મળે.
કેટલો મળશે પગાર?
SBI અને BOB બંનેમાં Apprentice ઉમેદવારોને ટ્રેનિંગ સમયગાળા દરમિયાન દર મહિને આશરે ₹15,000 સ્ટાઇપેન્ડ આપવામાં આવશે. જોકે આ સંપૂર્ણ પગાર નથી અને તેમાં DA, HRA અથવા અન્ય સરકારી ભથ્થાંનો સમાવેશ થતો નથી. ટ્રેનિંગ પૂર્ણ થયા પછી કાયમી નોકરીની ગેરંટી પણ આપવામાં આવતી નથી.
બેંકિંગ ક્ષેત્રમાં કારકિર્દીની શરૂઆત કરવા ઇચ્છતા ઉમેદવારો માટે આ સ્ટાઇપેન્ડ સાથેનો અનુભવ ખૂબ મહત્વનો માનવામાં આવે છે. કારણ કે ઘણા ઉમેદવારો બાદમાં સરકારી બેંકની નિયમિત ભરતીમાં સફળતા મેળવે છે.
કોણ કરી શકે અરજી?
આ ભરતી માટે ઉમેદવાર પાસે કોઈપણ માન્ય યુનિવર્સિટીમાંથી ગ્રેજ્યુએશનની ડિગ્રી હોવી જરૂરી છે. સામાન્ય રીતે અગાઉનો બેંકિંગ અનુભવ માંગવામાં આવતો નથી, એટલે ફ્રેશર્સ માટે આ ખૂબ જ સારો વિકલ્પ છે.
ઉંમર મર્યાદા:
ઓછામાં ઓછી ઉંમર: 20 વર્ષ
વધુમાં વધુ ઉંમર: 28 વર્ષ
રિઝર્વ કેટેગરીના ઉમેદવારોને સરકારી નિયમો મુજબ ઉંમરમાં છૂટ આપવામાં આવશે.
SBI અને BOB ભરતીની મુખ્ય વિગતો
Bank of Baroda Apprentice Recruitment 2026
કુલ જગ્યાઓ: 5000
ટ્રેનિંગ સમયગાળો: 12 મહિના
અરજી શરૂ: 19 મે 2026
છેલ્લી તારીખ: 8 જૂન 2026
SBI Apprentice Recruitment 2026
કુલ જગ્યાઓ: 7150
ટ્રેનિંગ સમયગાળો: 1 વર્ષ
અરજી શરૂ: 19 મે 2026
છેલ્લી તારીખ: 8 જૂન 2026
કેવી રહેશે પસંદગી પ્રક્રિયા?
ઉમેદવારોની પસંદગી માટે ઓનલાઈન પરીક્ષા લેવામાં આવશે. ત્યારબાદ ડોક્યુમેન્ટ વેરિફિકેશન અને લોકલ લેંગ્વેજ ટેસ્ટ લેવામાં આવશે. કેટલીક જગ્યાએ મેડિકલ ચકાસણી પણ થઈ શકે છે.
ઓનલાઈન પરીક્ષામાં સામાન્ય જ્ઞાન, અંગ્રેજી, ગણિત, રીઝનિંગ અને કમ્પ્યુટર સંબંધિત પ્રશ્નો પૂછવામાં આવી શકે છે.
આ પણ વાંચો: વિષય પ્રમાણે વહેંચાયા હતા NEETના સવાલો? : પેપર લીક કાંડમાં નવો ખુલાસો! પુણેની પ્રોફેસર પર મોટી શંકા!
શા માટે મહત્વપૂર્ણ આ ભરતી?
દેશમાં સરકારી નોકરી માટે સ્પર્ધા સતત વધી રહી છે. ખાસ કરીને બેંકિંગ ક્ષેત્રમાં અનુભવ ધરાવતા ઉમેદવારોને વધુ પ્રાથમિકતા મળતી હોય છે. આવી સ્થિતિમાં Apprentice પ્રોગ્રામ યુવાનોને પ્રેક્ટિકલ અનુભવ સાથે બેંકિંગ ક્ષેત્રમાં એન્ટ્રી કરવાની તક આપે છે.
ઘણા ઉમેદવારો માટે આ ભવિષ્યમાં SBI Clerk, IBPS PO અથવા અન્ય બેંક પરીક્ષાઓ માટે મજબૂત આધાર બની શકે છે. ઉપરાંત, કસ્ટમર હેન્ડલિંગ અને બ્રાન્ચ ઓપરેશનનો અનુભવ ખાનગી બેંકિંગ અને ફાઇનાન્સ ક્ષેત્રમાં પણ ઉપયોગી સાબિત થઈ શકે છે.
