Saptrang Creators Fest 2026 : અમદાવાદમાં આગામી સમયમાં ગુજરાતનો સૌથી મોટો 'સપ્તરંગ ક્રિએટર્સ ફેસ્ટ 2026' યોજાવા જઈ રહ્યો છે. વિશ્વ સંવાદ કેન્દ્ર દ્વારા આયોજિત આ કાર્યક્રમ ડિજિટલ ક્રાંતિના યુગમાં નવા અને ઉભરતા ક્રિએટર્સને એક મજબૂત પ્લેટફોર્મ પૂરું પાડવાના ઉદ્દેશ્ય સાથે તૈયાર કરવામાં આવ્યો છે. હાલમાં આ મહોત્સવની ભારે તૈયારીઓ ચાલી રહી છે.
કાર્યક્રમની વિગત
આ ભવ્ય કાર્યક્રમનું આયોજન 5 મી એપ્રિલે અમદાવાદની ડૉ. બાબા સાહેબ આંબેડકર ઓપન યુનિવર્સિટી ખાતે કરવામાં આવશે. જેમાં 10,000 થી વધુ ફોલોઅર્સ ધરાવતા ક્રિએટર્સ માટે પ્રગતિની શ્રેષ્ઠ તકો ઊભી કરવામાં આવશે. અત્યાર સુધીમાં 1400 થી વધુ ક્રિએટર્સે આ ફેસ્ટ માટે રજીસ્ટ્રેશન કરાવ્યું છે, જે તેની લોકપ્રિયતા દર્શાવે છે.
એવોર્ડ અને સન્માન
સપ્તરંગ ક્રિએટર્સ ફેસ્ટમાં પ્રતિભાશાળી ક્રિએટર્સને બિરદાવવા માટે ખાસ એવોર્ડ સેરેમની રાખવામાં આવી છે. કુલ 16 અલગ-અલગ કેટેગરીમાં 32 એવોર્ડ આપીને ક્રિએટર્સને સન્માનિત કરવામાં આવશે. આ સન્માન દ્વારા ડિજિટલ ક્ષેત્રે ઉત્કૃષ્ટ કાર્ય કરનારા યુવાનોને પ્રોત્સાહન મળશે.
વર્કશોપ અને કેટેગરી
માત્ર એવોર્ડ જ નહીં, પરંતુ ક્રિએટર્સના કૌશલ્ય વર્ધન માટે અહીં માસ્ટર ક્લાસ અને વર્કશોપનું પણ ખાસ આયોજન કરવામાં આવ્યું છે. 10,000 થી એક લાખ ફોલોઅર્સ ધરાવતા ક્રિએટર્સને 'નામ' કેટેગરીમાં અને એક લાખથી વધુ ફોલોઅર્સ ધરાવતા ક્રિએટર્સને 'ચાર ક્રિએટર્સ' તરીકે ઓળખ આપવામાં આવી છે.
