દુનિયાની મોટી હેન્ડસેટ કંપનીઓમાંથી એક Samsung ભારતમાં ટૂંક સમયમાં જ પોતાનો નવો સ્માર્ટફોન લોન્ચ કરવા જઈ રહી છે. કંપની દ્વારા Samsung Galaxy M47 5Gને ભારતીય માર્કેટમાં લોન્ચ કરવાની તૈયારીઓ પૂરી કરી લેવામાં આવી છે. ઈ-કોમર્સ પ્લેટફોર્મ Amazon પર આ સ્માર્ટફોન માટે એક ખાસ માઇક્રોસાઇટ પણ લાઈવ કરી દેવામાં આવી છે. આ નવો સ્માર્ટફોન ભારતમાં 29 જૂને લોન્ચ કરવામાં આવશે, જેમાં ગ્રાહકોને ઘણા આધુનિક અને શાનદાર ફીચર્સ જોવા મળશે.
ડિસ્પ્લે અને ડિઝાઇન
Samsung Galaxy M47 5G સ્માર્ટફોનમાં 6.7-ઇંચની સુપર AMOLED સ્ક્રીન આપવામાં આવશે, જે 120Hz સુધીના રિફ્રેશ રેટને સપોર્ટ કરશે. આ ફોનની સ્ક્રીનની સુરક્ષા માટે તેમાં Corning Gorilla Glass Victus+નું પ્રોટેક્શન આપવામાં આવ્યું છે. આ સાથે જ કંપનીનો દાવો છે કે, આ સ્માર્ટફોન 4x સ્ક્રેચ રેઝિસ્ટન્ટ છે, એટલે કે તેના પર સરળતાથી લીસોટા કે સ્ક્રેચ નહીં પડે. ફોનની પાછળની તરફ ગોળી આકારનું (pill-shaped) રીઅર કેમેરા મોડ્યુલ જોવા મળશે, જે સેમસંગની નવી Galaxy A સિરીઝ જેવું જ દેખાય છે. આ ફોનને માર્કેટમાં બે સુંદર કલર્સ - Blaze Blue અને Rogue Redમાં લોન્ચ કરવામાં આવશે.
આ પણ ખાસ વાંચો : લક્ઝરી કાર ડિઝાઇનર કંપનીએ તૈયાર કર્યો આ પ્રીમિયમ સ્માર્ટફોન : Infinix Note 60 Pro Pininfarina Editionમાં મળશે કાર્બન ફાઇબર ડિઝાઇન
પ્રોસેસર અને શાનદાર સોફ્ટવેર
આ નવો સ્માર્ટફોન પાવરફુલ ઓક્ટા-કોર Snapdragon ચિપસેટ દ્વારા સંચાલિત હશે, જે ફોનને સુપર ફાસ્ટ સ્પીડ આપશે. સોફ્ટવેરની વાત કરીએ તો, આ ફોન Android 16 પર આધારિત સેમસંગના One UI 8.5 પર ચાલશે. આ સ્માર્ટફોનમાં યુઝર્સને AIના કેટલાક ખાસ ટુલ્સ પણ વાપરવા મળશે. સૌથી મોટી અને મહત્વની વાત એ છે કે, સેમસંગે આ સ્માર્ટફોન માટે 6 વર્ષના OS અપગ્રેડ અને 6 વર્ષના Security અપડેટ્સ આપવાની જાહેરાત કરી છે, જે તેને લાંબા સમય સુધી સુરક્ષિત અને નવો રાખશે.
આ પણ ખાસ વાંચો : સ્માર્ટ ટીવી ખરીદતી વખતે લોકો કરે છે સૌથી મોટી ભૂલ : ટીવી ખરીદતા પહેલા આ ફીચર્સ વિશે ચોક્કસ જાણી લો
પાવરફુલ કેમેરા સેટઅપ
કેમેરા પ્રેમીઓ માટે Samsung Galaxy M47 5Gમાં ટ્રિપલ રીઅર કેમેરા સેટઅપ આપવામાં આવ્યું છે. જેમાં ઓપ્ટિકલ ઇમેજ સ્ટેબિલાઇઝેશન (OIS) સપોર્ટ સાથે 50mpનો મુખ્ય કેમેરો મળશે. તેની સાથે 5mpનો અલ્ટ્રા-વાઇડ કેમેરો અને 2mpનો ત્રીજો કેમેરો સામેલ હશે. સેલ્ફી અને વીડિયો કોલિંગ માટે ફોનની આગળના ભાગમાં 12mpનો કેમેરો આપવામાં આવ્યો છે. કંપનીના જણાવ્યા અનુસાર, આ સ્માર્ટફોનથી યુઝર્સ 4K હાઇ-ક્વોલિટી વીડિયો પણ રેકોર્ડ કરી શકશે.
આ પણ ખાસ વાંચો : Meta નું CRED માં 900 મિલિયન ડોલરનું રોકાણ : ગુજરાતી મૂળના કુણાલ શાહ હવે WhatsAppના નવા બોસ
બેટરી અને ફાસ્ટ ચાર્જિંગ સ્પીડ
આ આગામી સ્માર્ટફોનમાં પાવરફુલ બેટરી આપવામાં આવશે, જે 45W વાયર્ડ ફાસ્ટ ચાર્જિંગને સપોર્ટ કરશે. આ ઉપરાંત, આ ફોનમાં બાયપાસ ચાર્જિંગનો સપોર્ટ પણ મળશે, જે ગેમિંગ અથવા હેવી યુઝ દરમિયાન ફોનને ગરમ થતો અટકાવશે અને બેટરી લાઇફ લાંબી રાખવામાં મદદ કરશે.
Samsung Galaxy A27 5G પણ ટૂંક સમયમાં આવી શકે છે
આ લોન્ચિંગની સાથે જ સેમસંગ પોતાનો બીજો મિડ-રેન્જ સ્માર્ટફોન Samsung Galaxy A27 5G પણ ટૂંક સમયમાં લોન્ચ કરી શકે છે. આ ફોન Snapdragon 6 Gen 3 ચિપસેટથી સજ્જ હોઈ શકે છે અને તે ગયા વર્ષે રજૂ કરાયેલા Samsung Galaxy A26ની જગ્યા લેશે. આ ફોનમાં પણ 6.7-ઇંચની AMOLED ડિસ્પ્લે, 50mpનો મુખ્ય કેમેરો, 5mpનો અલ્ટ્રા-વાઇડ કેમેરો અને 2mpનો મેક્રો કેમેરો મળવાની સંભાવના છે.
