હવામાન વિભાગના જણાવ્યા અનુસાર ગુજરાતમાં કાળઝાળ ગરમી વચ્ચે આગામી દિવસોમાં એટલે કે 30 એપ્રિલ સુધી તાપમાનમાં વધારો થઈ શકે છે.રાજ્યના મોટાભાગના શહેરોમાં દિવસ દરમિયાન લોકો ઘરની બહાર નીકળી રહ્યા નથી. દરમિયાન, હવામાન વિભાગે જણાવ્યું હતું કે આગામી મહિનાના શરૂઆતના દિવસોમાં રાજ્યનું તાપમાન વધુ વધી શકે છે.
મે મહિનામાં ગુજરાતમાં ફરી એકવાર કમોસમી વરસાદની સંભાવના છે. ગુજરાતમાં 8 મેની આસપાસ વરસાદ અને વાવાઝોડાની અપેક્ષા છે. ઉત્તર ગુજરાત, સૌરાષ્ટ્ર અને મધ્ય ગુજરાતમાં વરસાદની અપેક્ષા છે. આ પછી મેથી 4 જૂન સુધી અરબી સમુદ્રમાં ચક્રવાત સર્જાશે. તોફાનના કારણે રાજ્યમાં વરસાદ પણ પડી શકે છે. કચ્છના કેટલાક ભાગોમાં 45 કિમી પ્રતિ કલાકની ઝડપે પવન ફૂંકાવાની પણ શક્યતા છે.
— IMD Ahmedbad (@IMDAHMEDABAD) April 27, 2025
ક્યારે પડી શકે વરસાદ?
ઉત્તર ગુજરાત, અમદાવાદ, ગાંધીનગર અને સૌરાષ્ટ્રના કેટલાક જિલ્લાઓમાં 28 એપ્રિલથી હળવો વરસાદ થવાની સંભાવના છે. તેથી ઉત્તર ભારત અને ગુજરાતમાં 8 મેના રોજ વરસાદની આગાહી કરવામાં આવી છે. ચક્રવાતી પવનોના વિસ્તારની રચનાને કારણે વાતાવરણમાં આવેલા ફેરફારોને કારણે વરસાદની સંભાવના વ્યક્ત કરવામાં આવી છે. હવામાન વિભાગના જણાવ્યા અનુસાર આગામી દિવસોમાં એટલે કે મે મહિનામાં પ્રિ-મોન્સુન એક્ટિવિટી બેથી ત્રણ વખત જોવા મળી શકે છે. એપ્રિલ મહિનામાં પ્રિ-મોન્સુન એક્ટિવિટી થવાની શક્યતા ઓછી છે. 14મીથી 18મી મે વચ્ચે પ્રિ-મોન્સુન એક્ટિવિટી થશે.
ગઈકાલે હવામાન કેવું હતું
ગઈકાલના હવામાન અંગે માહિતી આપતાં હવામાન વિભાગે જણાવ્યું હતું કે, ગુજરાતના અનેક વિસ્તારોમાં આકરી ગરમી પડી હતી. રાજ્યમાં સૌથી વધુ તાપમાન રાજકોટમાં 44 ડિગ્રી નોંધાયું હતું. આ ઉપરાંત દીવ, દમણ અને દાદરા નગર હવેલીમાં તાપમાન સામાન્ય કરતા વધુ નોંધાયું હતું.
