પંજાબના ફિરોજપુરમાં ભયાનક રોડ અકસ્માત : મોતની ચિચિયારીઓથી ગુંજી ઉઠ્યો હાઈવે, 9ના કમકમાટીભર્યા મોત, 15થી વધુ ઘાયલ

પંજાબના ફિરોજપુર-ફાજિલ્કા હાઈવે પર મહિન્દ્રા પિકઅપ વાન અને કન્ટેનર વચ્ચે ભયાનક અકસ્માત થયો છે. જેમાં 8 લોકોના કમકમાટીભર્યા મોત નિપજ્યા છે. આ ભયાનક અકસ્માત આજે સવારે 7.45 વાગ્યાની આસપાસ બની છે. પ્રાથમિક માહિતી અનુસાર વેનમાં સવાર લોકો જલાલાબાદના રહેવાસી હતા.

મહિન્દ્રા પિકઅપમાં 15 થી વધુ વેઈટરો હતા
પંજાબના ફિરોઝપુર-ફાઝિલ્કા હાઇવે પર એક દર્દનાક રોડ અકસ્માત થયો છે. ગોલુકા પાસે મહિન્દ્રા પિકઅપ વાન અને કન્ટેનર વચ્ચે જોરદાર અથડામણ થઈ. આ અકસ્માતમાં 9 લોકોના ઘટનાસ્થળે જ મોત થયાના અહેવાલ છે. જ્યારે 11થી વધુ લોકો ઘાયલ થયાના અહેવાલ છે. આ અકસ્માત સવારે 7:45 વાગ્યાની આસપાસ થયો હતો. એવું કહેવામાં આવી રહ્યું છે કે મહિન્દ્રા પિકઅપમાં 15 થી વધુ વેઈટરો જલાલાબાદ તરફ જઈ રહ્યા હતા.

મૃતદેહોને શબઘરમાં રાખવામાં આવ્યા
મળતી માહિતી મુજબ ફિરોઝપુર ફાઝિલ્કા હાઇવે પર થયેલા અકસ્માતમાં જે લોકોના મોત થયા છે, તેમને ફાઝિલ્કાના જલાલાબાદ સિવિલ હોસ્પિટલના શબઘરમાં રાખવામાં આવ્યા છે. ઘાયલ થયેલા 11 લોકોને ફરીદકોટ મેડિકલ કોલેજ, ફિરોઝપુર હોસ્પિટલ અને જલાલાબાદ હોસ્પિટલમાં દાખલ કરવામાં આવ્યા છે. તેમની હાલત પણ ગંભીર હોવાનું કહેવાય છે.

વેઈટરો લગ્ન સમારંભમાં જઈ રહ્યા હતા
પ્રાપ્ત માહિતી અનુસાર, પિકઅપમાં બેઠેલા લોકો વેઈટર હોવાનું જાણવા મળે છે અને તેઓ લગ્ન સમારંભમાં જઈ રહ્યા હતા. આજે સવારે ફિરોઝપુરના મોહન ઉત્તર પાસે આ અકસ્માત થયો હતો. ઘટના સમયે પિકઅપમાં 15 થી વધુ લોકો હતા. ગંભીર રીતે ઘાયલ થયેલા લોકોને સ્થાનિકો અને એમ્બ્યુલન્સની મદદથી હોસ્પિટલમાં લઈ જવામાં આવ્યા હતા, જ્યાં તેમની સારવાર ચાલી રહી છે.