ગ્લોબલ પોપ્યુલારિટી લિસ્ટમાં પીએમ મોદી સૌથી આગળ : મહાસત્તા અને મેલોનીને પાછળ છોડી, બન્યા સૌથી લોકપ્રિય નેતા

વિશ્વભરમાં ભારતીય વડા પ્રધાન નરેન્દ્ર મોદીનો લોકપ્રિયતાનો ગ્રાફ સતત ઊંચો જઇ રહ્યો છે. બિઝનેસ રિસર્ચ સંસ્થા મોર્નિંગ કન્સલ્ટ દ્વારા જાહેર કરાયેલા જુલાઈ 2025ના તાજા રિપોર્ટ મુજબ નરેન્દ્ર મોદી ફરી એકવાર વિશ્વના સૌથી લોકપ્રિય નેતા તરીકે ઉભરી આવ્યા છે.

મોદીને મળી 75 ટકા લોકપ્રિયતા

મોર્નિંગ કન્સલ્ટના રિપોર્ટ અનુસાર, વડાપ્રધાન મોદીને 75 ટકા રેટિંગ મળી છે, જે તેમનાં સર્વોચ્ચ રેટિંગ પૈકીનું એક છે. આ સર્વે વિશ્વના 20થી વધુ દેશોના નેતાઓને ધ્યાને રાખીને 4 જુલાઈથી 10 જુલાઈ વચ્ચે કરવામાં આવ્યો હતો.

અન્ય નેતાઓનું રેટિંગ

• દક્ષિણ કોરિયાના રાષ્ટ્રપતિ લી-જે મ્યુંગ 59 ટકાની રેટિંગ સાથે બીજા સ્થાને છે.

• આર્જેન્ટિનાના પ્રમુખ જેવિયર મિલી 57 ટકાની રેટિંગ સાથે ત્રીજા ક્રમે છે.

• કેનેડાના માર્ક કાર્નીને 56 ટકાની રેટિંગ મળેલી છે.

• અમેરિકાના ભૂતપૂર્વ પ્રમુખ ડોનાલ્ડ ટ્રમ્પને 44 ટકા સમર્થન મળ્યું છે, જોકે તેમનો વિરોધ કરનાર પણ 50 ટકા કરતાં વધુ છે.

સૌથી ઓછું રેટિંગ ફ્રાન્સના પ્રમુખને

• ફ્રાન્સના રાષ્ટ્રપતિ ઇમેન્યુઅલ મેક્રોનને માત્ર 18 ટકા સમર્થન મળ્યું છે, જે સૌથી ઓછું છે.

• ઇટાલી, જર્મની, તુર્કી અને બ્રાઝિલના નેતાઓ પણ 40 ટકાથી નીચેના દર પર છે.

ભાજપે ઉજવી સફળતા

ભાજપના આઈસેલ વડા અમિત માલવિયાએ સોશિયલ મીડિયા પર પીએમ મોદીના લોકપ્રિયતાના આ આંકડાઓ શેર કરતા તેમનો વિશ્વમાં વધતો દબદબો ઉજવ્યો હતો.