ભારતીય અંતરિક્ષ યાત્રી શુભાંશુ શુક્લાની પીએમ મોદી સાથે મુલાકાત : પીએમ મોદીએ ગર્મજોશીથી કર્યું સ્વાગત

વડાપ્રધાન નરેન્દ્ર મોદીએ સોમવારે (18 ઑગસ્ટ) આંતરરાષ્ટ્રીય અવકાશ મથક (ISS) પર એક્સિઓમ-4 મિશનના ભારતીય અવકાશયાત્રી ગ્રુપ કેપ્ટન શુભાંશુ શુક્લાને મળીને તેમની ઐતિહાસિક સિદ્ધિ બદલ અભિનંદન આપ્યા.

પીએમ મોદીએ શુભાંશુ શુક્લાનું ઉષ્માભર્યું સ્વાગત કર્યું, તેમને ગળે લગાવ્યા અને ખભા પર હાથ મૂકીને અભિનંદન આપ્યા. આ દરમિયાન શુક્લાએ વડાપ્રધાનને અવકાશ યાત્રાના ફોટોગ્રાફ્સ, મિશન પેચ અને ISS પરથી લીધેલા વિશિષ્ટ ચિત્રો પણ બતાવ્યા. આ મુલાકાતનો વીડિયો પણ જાહેર થયો છે.

ભારત પરત ફરતા ભવ્ય સ્વાગત

રવિવારે વહેલી સવારે શુભાંશુ શુક્લા જ્યારે ભારત પરત ફર્યા ત્યારે દિલ્હીના એરપોર્ટ પર ત્રિરંગા લહેરાવતી ભીડ અને ઢોલ-નગારા સાથે તેમનું વિશાળ સ્વાગત કરવામાં આવ્યું.

એરપોર્ટ પર કેન્દ્રીય મંત્રી જિતેન્દ્ર સિંહ, દિલ્હીની મુખ્યમંત્રી રેખા ગુપ્તા અને ઈસરોના અધ્યક્ષ વી. નારાયણન હાજર રહ્યા. શુક્લાના પિતા શંભુ દયાળ શુક્લા અને બહેન શુચિ મિશ્રા પણ લખનૌથી આવીને આ ઐતિહાસિક પળમાં સામેલ થયા.

એક્સિઓમ-4 મિશન

શુભાંશુ શુક્લા એક્સિઓમ-4 અવકાશ મિશનનો ભાગ હતા, જે 25 જૂને ફ્લોરિડાથી રવાના થયું હતું અને 26 જૂને ISS પર પહોંચ્યું હતું.

તેમની સાથે મિશનમાં હતાં:

• પેગી વ્હિટસન (યુએસએ)

• સ્લેવોજ ઉઝ્નાન્સ્કી-વિસ્નીવસ્કી (પોલેન્ડ)

• ટિબોર કાપુ (હંગેરી)

આ ચારેય અવકાશયાત્રીઓએ ISS પર 18 દિવસ સુધી વિવિધ વૈજ્ઞાનિક પ્રયોગો સફળતાપૂર્વક પૂર્ણ કર્યા.