કાચા તેલના ભાવમાં ભડકો : શું તમારા શહેરમાં મોંઘું થયું પેટ્રોલ-ડીઝલ? જાણો આજના લેટેસ્ટ રેટ્સ

Petrol Diesel Price Today: વૈશ્વિક બજારમાં ક્રૂડ ઓઈલની કિંમતોમાં સતત વધારો થઈ રહ્યો હોવા છતાં, ભારતીય ઓઈલ માર્કેટિંગ કંપનીઓએ આજે એટલે કે શુક્રવાર, 24 એપ્રિલના રોજ પણ ઈંધણના ભાવ સ્થિર રાખ્યા છે. મધ્ય પૂર્વમાં વધતા તણાવ વચ્ચે આંતરરાષ્ટ્રીય સ્તરે ક્રૂડના ભાવ નવી ઊંચાઈએ પહોંચ્યા છે, પરંતુ સ્થાનિક સ્તરે જનતાને હજુ રાહત મળી રહી છે.

ક્રૂડ ઓઈલમાં તેજી: જાન્યુઆરી પછીનો સૌથી લાંબો ઉછાળો

મિડલ ઈસ્ટ (પશ્ચિમ એશિયા) માં ચાલી રહેલા યુદ્ધ અને રાજકીય અસ્થિરતાના કારણે આંતરરાષ્ટ્રીય સ્તરે કાચા તેલના ભાવમાં ભારે ઉછાળો જોવા મળી રહ્યો છે. વૈશ્વિક સ્તરે છેલ્લા પાંચ દિવસથી ક્રૂડ ઓઈલની કિંમતોમાં સતત વધારો થઈ રહ્યો છે, જે જાન્યુઆરી મહિના પછીનો સૌથી લાંબો તેજીનો દોર માનવામાં આવે છે. અમેરિકા અને ઈરાન વચ્ચે વધી રહેલા તણાવને કારણે ખાડી દેશોમાંથી સપ્લાય ખોરવાઈ જવાની ભીતિ સેવાઈ રહી છે. હાલમાં બ્રેન્ટ ક્રૂડ 1.1% વધીને 106.20 ડોલર પ્રતિ બેરલ પર પહોંચી ગયું છે, જ્યારે WTI ક્રૂડ પણ 96.77 ડોલરની આસપાસ ટ્રેડ થઈ રહ્યું છે.

યુદ્ધવિરામ છતાં કેમ વધી રહ્યો છે તણાવ?

પશ્ચિમ એશિયામાં યુદ્ધવિરામની જાહેરાત છતાં સ્થિતિ હજુ સામાન્ય થઈ નથી. અમેરિકી રાષ્ટ્રપતિ ડોનાલ્ડ ટ્રમ્પના કડક વલણ અને ઈરાની બંદરોની ઘેરાબંધીના અહેવાલોએ બજારમાં ડરનો માહોલ ઉભો કર્યો છે. તાજેતરના અહેવાલો મુજબ, અમેરિકી સેના દ્વારા ઈરાની તેલ લઈ જઈ રહેલા એક સુપર ટેન્કરને અટકાવવામાં આવ્યું છે, જેના કારણે સપ્લાય ચેઈન પ્રભાવિત થવાની શક્યતા છે.

આ પણ વાંચો: આ IT ના શેરોમાં તોફાની તેજી! : ઇન્વેસ્ટરો માટે બમ્પર ડિવિડન્ડની કરી જાહેરાત

ગુજરાત અને અન્ય મોટા શહેરોમાં પેટ્રોલ-ડીઝલના ભાવ

ભારતના વિવિધ રાજ્યો અને શહેરોમાં ટેક્સના દર અલગ-અલગ હોવાને કારણે કિંમતોમાં તફાવત જોવા મળે છે. અમદાવાદ સહિત દેશના મુખ્ય શહેરોમાં આજનો ભાવ નીચે મુજબ છે:

• અમદાવાદ: ગુજરાતના આર્થિક પાટનગરમાં પેટ્રોલ 94.49 રૂપિયા અને ડીઝલ 90.16 રૂપિયા પ્રતિ લિટર મળી રહ્યું છે.

• દિલ્હી: રાજધાનીમાં પેટ્રોલ 94.77 રૂપિયા અને ડીઝલ 87.67 રૂપિયા પર સ્થિર છે.

• મુંબઈ: આર્થિક રાજધાનીમાં પેટ્રોલ 103.54 રૂપિયા અને ડીઝલ 90.03 રૂપિયા છે.

• હૈદરાબાદ: અહીં પેટ્રોલ સૌથી મોંઘું એટલે કે 107.46 રૂપિયા પ્રતિ લિટરના ભાવે વેચાઈ રહ્યું છે.

મહાનગરોમાં આજનો તાજો ભાવ: એક નજરે