ગુજરાતમાં મોંઘું થયું પેટ્રોલ-ડીઝલ : બજેટ પછી ક્યાંક મોંઘું તો ક્યાંક સસ્તું થયું તેલ; જાણો તમારા રાજ્યમાં શું છે ભાવ?

Petrol Diesel Price: વૈશ્વિક બજારમાં ફરી એકવાર ક્રૂડ ઓઇલના ભાવમાં રવિવારે ઘટાડો નોંધાયો છે. આ સાથે દેશના ઘણા રાજ્યોમાં પેટ્રોલ અને ડીઝલના ભાવમાં ફેરફાર થયો છે. જોકે, દેશના ચાર મુખ્ય મહાનગરો દિલ્હી, મુંબઈ, કોલકાતા અને ચેન્નાઈમાં પેટ્રોલ અને ડીઝલના ભાવ સ્થિર રહ્યા છે. બીજી તરફ, આંતરરાષ્ટ્રીય બજારમાં 2 ફેબ્રુઆરીએ WTI ક્રૂડનો ભાવ 0.27 ટકા એટલે કે 0.20 ડોલર ઘટીને $72.53 પ્રતિ બેરલ થયો. જ્યારે બ્રેન્ટ ક્રૂડનો ભાવ 0.29 ટકા એટલે કે 0.22 ડોલર ઘટીને $75.67 પ્રતિ બેરલ થયો.

આ રાજ્યોમાં સસ્તું થયું પેટ્રોલ અને ડીઝલ
ગુડ રિટર્ન્સની વેબસાઇટ અનુસાર રવિવારે દેશના ઘણા રાજ્યોમાં પેટ્રોલ અને ડીઝલના ભાવમાં ફેરફાર થયો છે. આ સમયગાળા દરમિયાન આંધ્રપ્રદેશમાં પેટ્રોલ 10 પૈસા સસ્તું થઈને 109.64 રૂપિયા અને ડીઝલ 10 પૈસા ઘટીને 97.47 રૂપિયા પ્રતિ લિટર થયું. જ્યારે અરુણાચલ પ્રદેશમાં તેલનો ભાવ 28-26 પૈસા ઘટીને અનુક્રમે 90.67-80.21 રૂપિયા પ્રતિ લિટર થયો છે. કેરળમાં પેટ્રોલના ભાવમાં 18 પૈસાનો ઘટાડો થયો છે અને તે 107.30 રૂપિયા પ્રતિ લિટરના ભાવે વેચાઈ રહ્યું છે. જ્યારે ડીઝલનો ભાવ 30 પૈસા ઘટીને 96.18 રૂપિયા પ્રતિ લિટર થયો છે.

મણિપુરમાં પેટ્રોલ 6 પૈસા સસ્તું થઈને 99.15 રૂપિયા અને ડીઝલ 5 પૈસા ઘટીને 85.21 રૂપિયા પ્રતિ લિટર થયું છે. બીજી તરફ મેઘાલયમાં પેટ્રોલનો ભાવ ત્રણ પૈસા ઘટીને 96.20 રૂપિયા અને ડીઝલ 18 પૈસા સસ્તું થઈને 87.73 રૂપિયા પ્રતિ લિટર થઈ ગયો છે. રવિવારે ઓડિશામાં પેટ્રોલ 18 પૈસા સસ્તું થઈને 100.93 રૂપિયા અને ડીઝલ 18 પૈસા ઘટીને 92.51 રૂપિયા પ્રતિ લિટર થયું. પંજાબમાં પેટ્રોલ 7 પૈસા ઘટીને 97.47 રૂપિયા અને ડીઝલ 7 પૈસા ઘટીને 87.96 રૂપિયા પ્રતિ લિટર થયું છે. જ્યારે તમિલનાડુમાં તેલનો ભાવ ક્રમશ; 43-42 પૈસા સસ્તું થઈને 100.80- 92.39 રૂપિયા પ્રતિ લિટર થયો છે.

અહીં મોંઘુ થયું તેલ
બિહારમાં આજે પેટ્રોલ 5 પૈસા મોંઘુ થઈને 105.58 રૂપિયા અને ડીઝલ 4 પૈસા મોંઘુ થઈને 92.41 રૂપિયા પ્રતિ લિટર થયું છે. બીજી તરફ છત્તીસગઢમાં ઇંધણનો ભાવ ક્રમશ; 2-3 પૈસા મોંઘું થયું છે અને તે 100.47- 93.42 રૂપિયા પ્રતિ લિટરના ભાવે વેચાઈ રહ્યું છે. ગોવામાં પેટ્રોલનો ભાવ 61 પૈસા વધીને 97.30 રૂપિયા અને ડીઝલ 58 પૈસા મોંઘુ થઈને 89.03 રૂપિયા પ્રતિ લિટર થયો છે.

હવે ગુજરાતમાં પેટ્રોલ 6 પૈસા મોંઘુ થઈને 94.83 રૂપિયા અને ડીઝલ 5 પૈસા વધીને 90.50 રૂપિયા પ્રતિ લિટર થયું છે. જ્યારે હિમાચલ પ્રદેશમાં પેટ્રોલ 9 પૈસા અને ડીઝલ 5 પૈસા મોંઘુ થયું છે અને અનુક્રમે 94.87-87.31 રૂપિયા પ્રતિ લિટરના ભાવે વેચાઈ રહ્યું છે. જમ્મુ-કાશ્મીરમાં પેટ્રોલ 22 પૈસા મોંઘુ થઈને 95.70 રૂપિયા અને ડીઝલ 21 પૈસા મોંઘુ થઈને 81.53 રૂપિયા પ્રતિ લિટર થયું છે.

ચાર મુખ્ય મહાનગરોમાં ઇંધણના ભાવ
રાજધાની દિલ્હી સહિત ત્રણ મહાનગરોમાં છેલ્લા ઘણા મહિનાઓથી પેટ્રોલ અને ડીઝલના ભાવ સ્થિર રહ્યા છે. જ્યારે ચેન્નાઈમાં ઇંધણના ભાવ દરરોજ બદલાઈ રહ્યા છે. રવિવારે ચેન્નાઈમાં પેટ્રોલ 43 પૈસા ઘટીને 100.80 રૂપિયા પ્રતિ લિટર થયું. જ્યારે ડીઝલનો ભાવ 42 પૈસા ઘટીને 92.39 રૂપિયા પ્રતિ લિટર થયો છે. બીજી તરફ દિલ્હીમાં આજે પણ તેલનો ભાવ 94.77-87.67 રૂપિયા પ્રતિ લિટર ચાલી રહ્યો છે. જ્યારે મુંબઈમાં પેટ્રોલ 103.50 રૂપિયા અને ડીઝલ 90.03 રૂપિયા પ્રતિ લિટર પર યથાવત છે. કોલકાતામાં પેટ્રોલ અને ડીઝલ અનુક્રમે રૂ. 105.01 અને રૂ. 91.82 પ્રતિ લિટર પર યથાવત છે.