સુપ્રીમ કોર્ટે પોડકાસ્ટર રણવીર અલાહાબાદિયાને ફટકાર લગાવી હતી અને કહ્યું હતું કે તે તેનું મન ગંદકીથી ભરેલું છે. આવા વર્તનની નિંદા થવી જોઈએ. કોર્ટે એમ પણ કહ્યું હતું કે "આખો સમાજ તેમના શબ્દોથી શરમ અનુભવે છે, આપણે આ અંગે શું સાંભળવું જોઈએ?"
જોકે, સુપ્રીમ કોર્ટે રણવીર અલાહાબાદિયાની ધરપકડ પર સ્ટે મૂક્યો છે પરંતુ તેમને તપાસમાં સંપૂર્ણ સહકાર આપવાનો નિર્દેશ આપ્યો હતો. સુપ્રીમ કોર્ટમાં અરજદાર વતી વરિષ્ઠ વકીલ અભિનવ ચંદ્રચુડ હાજર રહ્યાં હતા. યુટ્યૂબર રણવીર અલાહાબાદિયા વતી સુપ્રીમ કોર્ટમાં હાજર રહેલા વકીલ અભિનવ ચંદ્રચુડે કહ્યું કે તેઓ મજાકને ધિક્કારે છે પરંતુ શું તે ફોજદારીના ગુનાના સ્તરે પહોંચે છે તે એક અલગ પ્રશ્ન છે.
શું કહ્યું રણવીરના વકીલે?
"રણવીરના વકીલ અભિનવ ચંદ્રચુડે કહ્યું," 45 મિનિટના શોમાંથી 10 સેકન્ડની ક્લિપને કાઢીને વિવાદ ઊભો થયો હતો". આ શો એડલ્ટ લોકો માટે હતો. તેણે કોર્ટને જણાવ્યું હતું કે રણવીરની માતા ડૉક્ટર છે અને કેટલાક લોકો દર્દી બનીને આવે છે અને અપશબ્દો કહે છે. "એક સહ-આરોપીને એસિડ હુમલાની ધમકી આપવામાં આવી છે. નૂપુર શર્માના કેસમાં આવું જ થયું હતું.
શું છે મામલો?
રણવીર અલ્હાબાદિયાએ યુટ્યૂબ શો 'ઇન્ડિયાઝ ગોટ લેટન્ટ "માં માતા-પિતા વિશે વિવાદાસ્પદ ટિપ્પણી કરી હતી. વીડિયો વાયરલ થયા બાદ રણવીર સામે દેશભરમાં કેસ દાખલ કરવામાં આવ્યા હતા. સમય રૈના, રણવીર અલ્હાબાદિયા, આશિષ ચંચલાની, જસપ્રીત સિંહ અને અપૂર્વા મુખીજા સામે FIR નોંધવામાં આવી છે.
રણવીરનો વકીલ કોણ છે?
અરજદાર વતી વરિષ્ઠ વકીલ અભિનવ ચંદ્રચુડ હાજર રહ્યા હતા. અભિનવ ચંદ્રચુડ ભારતના પૂર્વ મુખ્ય ન્યાયાધીશ ડી. વાય. ચંદ્રચૂડના પુત્ર છે. તેમણે સ્ટેનફોર્ડ યુનિવર્સિટી અને હાર્વર્ડ લૉ સ્કૂલમાં અભ્યાસ કર્યો હતો. તેઓ બોમ્બે હાઈકોર્ટમાં વરિષ્ઠ વકીલ છે. જો કે, તેમણે તેમના પિતાના કાર્યકાળ દરમિયાન સુપ્રીમ કોર્ટમાં કોઈ કેસ લડ્યો ન હતો. અભિનવ જાણીતા વકીલની સાથે સાથે કાનૂની લેખક પણ છે.
જુલાઈમાં ઓસ્ટ્રેલિયાના પ્રવાસે જશે પીએમ મોદી: મેલબોર્નમાં હજારો ભારતીયો સાથે ભવ્ય કાર્યક્રમની તૈયારી
