અમદાવાદના SP રિંગ રોડ પર, હોટલ હિલ્લોકના નજીકના ડિવાઈડર કટને ખોલાવવાની માંગ સાથે ન્યુ ત્રાગડ અને ચાંદખેડાના સ્થાનિકો ફરીથી સડક ઉપર ઉતરી આવ્યા હતા. આ કારણસર મોડી રાત્રે બે કલાક સુધી બે કિમી લાંબો ટ્રાફિક જામ સર્જાયો હતો. ટ્રાફિકના લીધે ઝુંડાલથી વૈષ્ણોદેવી તરફના માર્ગ પર વાહનોની લાઈન લાગ ગઈ હતી.
બંને તરફના માર્ગોને બ્લોક કર્યો હતો
સ્થાનિકોએ ડિવાઈડર કટ ખોલાવવાની માંગ કરતી વખતે, બંને તરફના માર્ગોને બ્લોક કરી દીધા હતા, જેના કારણે વાહનચાલકો 2થી 3 કિમી સુધી ફસાયા હતાં. આ ઘટનામાં ન માત્ર વાહનો, પરંતુ લોકોના ધક્કા-મુક્કી અને અવ્યવસ્થાનો પણ સામનો કરવો પડ્યો.
પોલીસે લોકોને દંડા બતાવ્યા!
આ મુદ્દે સ્થાનિકોનો દાવો હતો કે, તેમને કોઈ એવી કામગીરી દર્શાવતી નથી કે, જેને કારણે તેઓની સમસ્યાનો ઉકેલ મળે. જ્યારે તાત્કાલિક ઉકેલ ન મળ્યો, ત્યારે લોકો ફરીથી રસ્તા ઉપર ઉતરી આવ્યા હતા. આ તણાવના વચ્ચે, પોલીસે લોકોને દંડા બતાવ્યા હતા.
પોલીસે શું કહ્યું?
ચાંદખેડા પોલીસ અને ટ્રાફિક પોલીસ સ્થળ પર પહોંચી અને સ્થિતિને કાબૂમાં પાડી, જેના પછી ટ્રાફિકને પુનઃ વ્યવસ્થિત કરવામાં આવ્યો. PI એચ.એમ આહીરે જણાવ્યું હતું કે, "લોકો ડિવાઈડર કટ ખોલાવવા માટે રસ્તા ઉપર ભેગા થયા હતા અને માર્ગને બંધ કરી દીધો, પરંતુ અમારી ટીમે તેને તરત જ હલ કરવાનું શરૂ કર્યું હતું'.
