Penny stock of Lancer Container Lines: લેન્સર કન્ટેનર લાઇન્સના શેર રોકેટની જેમ ઉછળી રહ્યા છે. ગુરુવારે BSE પર પેની સ્ટોક 20% થી વધુ ઉછળીને 20.34 રૂપિયા પર પહોંચી ગયો. છેલ્લા પાંચ દિવસમાં લેન્સર કન્ટેનર લાઇન્સના શેરમાં ભારે ઉછાળો આવ્યો છે. કંપનીના શેર 5 દિવસમાં 72% થી વધુ ઉછળ્યો છે. જો છેલ્લા એક મહિનાની વાત કરીએ તો, કંપનીના શેરમાં 74% થી વધુનો વધારો જોવા મળ્યો છે. લેન્સર કન્ટેનર લાઇન્સે તેના શેરધારકોને એક પછી એક બોનસ શેર વહેંચ્યા છે. કંપનીએ 2018 થી ત્રણ વખત રોકાણકારોને બોનસ શેર ભેટમાં આપ્યા છે. લેન્સર કન્ટેનર લાઇન્સે પણ તેના શેર વિભાજિત કર્યા છે.
લેન્સર કન્ટેનર લાઇન્સના શેર 5 દિવસમાં 72% થી વધુ ઉછળ્યાં
લોજિસ્ટિક્સ સોલ્યુશન્સ પ્રોવાઇડર લેન્સર કન્ટેનર લાઇન્સના શેર 5 દિવસમાં 72% થી વધુ ઉછળ્યાં છે. 24 ઓક્ટોબર 2025 ના રોજ BSE માં કંપનીના શેર 11.80 રૂપિયાના ભાવે હતા. 30 ઓક્ટોબર 2025 ના રોજ લેન્સર કન્ટેનર લાઇન્સના શેર 20.34 રૂપિયા પર પહોંચી ગયા. લેન્સર કન્ટેનર લાઇન્સના શેરનું 52 અઠવાડિયાનું ઉચ્ચ સ્તર 41.34 રૂપિયા છે, જ્યારે કંપનીના શેરનું 52 અઠવાડિયામાં નીચું સ્તર 10.70 રૂપિયા છે. ગુરુવારે કંપનીનું માર્કેટ કેપ 509 કરોડ રૂપિયા સુધી પહોંચી ગયું.
કંપનીએ સતત ત્રણ વખત આપ્યા બોનસ શેર
લેન્સર કન્ટેનર લાઇન્સે તેના શેરધારકોને ત્રણ વાર બોનસ શેર ભેટમાં આપ્યા છે. કંપનીએ સૌપ્રથમ જાન્યુઆરી 2018 માં 3:5 ના ગુણોતરમાં બોનસ શેરનું વિતરણ કર્યું હતું. એટલે કે, કંપનીએ દરેક 5 શેર માટે 3 બોનસ શેર આપ્યા હતા. કંપનીએ ઓક્ટોબર 2021 માં 2:1 ના ગુણોતરમાં બોનસ શેર ભેટમાં આપ્યા હતા. એટલે કે, કંપનીએ રોકાણકારોને દરેક 1 શેર માટે 2 બોનસ શેર આપ્યા હતા. લેન્સર કન્ટેનર લાઇન્સે સપ્ટેબર 2023 માં તેનો છેલ્લો બોનસ શેર આપ્યો હતો. ત્યારપછી, કંપનીએ 2:1 ના ગુણોતરમાં બોનસ શેર આપ્યા હતા. એટલે કે, દરેક 1 શેર માટે 2 બોનસ શેર વહેંચવામાં આવ્યા હતા.
કંપનીએ શેરને બે ભાગમાં વિભાજીત કર્યા
તેના શેર પણ વિભાજીત કર્યા છે. લેન્સર કન્ટેનર લાઇન્સે ડિસેમ્બર 2022 માં તેના શરેને બે ભાગમાં વિભાજીત કર્યા છે. લેન્સર કન્ટેનર લાઇન્સે તેના 10 રૂપિયાના ફેસ વેલ્યુવાળા શેરને 5 સઉપિયાના ફેસ વેલ્યુવાળા બે શેરમાં વિભાજીત કર્યા છે. છેલ્લા એક વર્ષમાં લેન્સર કન્ટેનર લાઇન્સના શેરમાં 30% થી વધુનો ઘટાડો જોવા મળ્યો છે.
