Kolkata rape case કોલકાતામાં ફરી એક બળાત્કારની ઘટના : પીડિતાની FIRના આધારે આરોપીની કરી ધરપકડ

Kolkata:કોલકાતાના IIMમાં એક વિદ્યાર્થીની સાથે બળાત્કારનો એક સનસનાટીભર્યો મામલો સામે આવ્યો છે. ઘટનાની માહિતી મળ્યા બાદ પોલીસે આરોપી વ્યક્તિની ધરપકડ કરી છે. પોલીસની પ્રારંભિક તપાસમાં ખુલાસો થયો છે કે બિઝનેસ સ્કૂલના હોસ્ટેલમાં વિદ્યાર્થીની સાથે બળાત્કાર થયો છે. આ કેસમાં પોલીસે પીડિતાની FIRના આધારે આરોપીની ધરપકડ કરી છે. આ ઘટના શુક્રવારે બની હોવાનું કહેવાય છે. પીડિતાએ પોલીસને જણાવ્યું છે કે તેને કાઉન્સેલિંગ સત્રમાં હાજરી આપવા માટે હોસ્ટેલમાં બોલાવવામાં આવી હતી. આ પછી, પહેલા તેને નશીલા પદાર્થો આપીને બેભાન કરવામાં આવી હતી અને પછી તેના પર બળાત્કાર કરવામાં આવ્યો હતો. પોલીસના જણાવ્યા અનુસાર, આરોપીએ પીડિતાને ધમકી આપી છે કે જો તે આ ઘટના વિશે કોઈને કહેશે તો તેને ગંભીર પરિણામો ભોગવવા પડશે.
તમને જણાવી દઈએ કે થોડા દિવસો પહેલા કોલકાતામાં કાયદાનો અભ્યાસ કરતી એક વિદ્યાર્થીની સાથે પણ કોલેજ કેમ્પસમાં બળાત્કાર થયો હતો.
પોલીસે આ કેસમાં મુખ્ય આરોપી મોનોજીત મિશ્રા સહિત કુલ ચાર લોકોની ધરપકડ કરી છે. આ કેસની પણ હજુ તપાસ ચાલી રહી છે. કોલકાતામાં કાયદાની વિદ્યાર્થીની સાથે ગેંગરેપ કેસમાં પોલીસ તપાસ ચાલી રહી છે. પોલીસ સૂત્રોએ જણાવ્યું છે કે, મુખ્ય આરોપી મોનોજીત મિશ્રા ઉર્ફે 'મેંગો' મિશ્રા વિરુદ્ધ પહેલાથી જ 11 કેસ નોંધાયેલા છે. તેમાં ચોરી, છેડતી અને બળાત્કારનો સમાવેશ થાય છે. સૂત્રોના જણાવ્યા અનુસાર, મોનોજીત મિશ્રા પર આરોપ લાગ્યાના થોડા દિવસોમાં જ આ કેસોમાં જામીન મળી જતા હતા. આ જ કારણ હતું કે મોનોજીત આવી ઘટનાઓને મજાક સમજતો હતો. એવું કહેવાય છે કે રાજકીય રક્ષણ અને તેના ગુસ્સાવાળા સ્વભાવે તેને હિસ્ટ્રીસીટર અને કુખ્યાત ગુનેગાર બનાવ્યો છે.

આ રીતે પકડાયો હતો 'મેંગો' મિશ્રા
25 જૂનના રોજ લો કોલેજની વિદ્યાર્થીની પર થયેલા ગેંગરેપ કેસમાં, મુખ્ય આરોપી મોનોજીત મિશ્રાએ ગુનો કર્યા પછી, કેટલાક વિશ્વાસુ સાથીઓને કોલેજમાં રહેવા અને કાસબા પોલીસ સ્ટેશનની આસપાસ નજર રાખવા કહ્યું હતું. પોલીસ સ્ટેશન કોલેજથી લગભગ એક કિલોમીટર દૂર છે. આ પછી, મેંગો મિશ્રા અન્ય આરોપી પ્રમિત મુખર્જી અને ઝૈબ અહેમદ સાથે કોલેજથી ભાગી ગયો હતો. બીજા દિવસે સવારે, મોનોજીત કોલેજના અધિકારીને ફોન કરીને પોલીસ આવી છે કે કેમ તેમ પૂછ્યું અને તે જ દિવસે, પ્રમિતે વકીલનો સંપર્ક કર્યો અને બંનેએ કોલેજના ઘણા સિનિયર વિદ્યાર્થીઓની મદદ પણ માંગી. પરંતુ કોઈએ તેમને મદદ કરી નહીં.