Kangana Controversy: ભાજપ સાંસદ કંગના રનૌતની નિવેદનબાજી અવારનવાર વિવાદોમાં રહી છે. કંગના સતત બે દિવસથી કોકરોચ જનતા પાર્ટી અને તેમાં સામેલ પ્રદર્શનકારીઓને લઈને એવા નિવેદન આપી રહી છે, જેના પર બબાલ થઈ રહ્યો છે. એક દિવસ પહેલાં જ તેમણે ઈન્સ્ટાગ્રામ પર એક સ્ટોરી શેર કરીને પ્રદર્શનકારીઓ માટે 'ગટર જનરેશન' શબ્દનો ઉપયોગ કર્યો હતો. હવે તેમણે એક વાર ફરી સવાલ ઉઠાવ્યો છે કે આ કયા પ્રકારના વિદ્યાર્થીઓ છે?
કંગના રનૌતે બુધવારે કહ્યું કે 'આપણા 75 વર્ષના વડાપ્રધાનને અને તેમની દિવંગત માતાને અત્યંત ગંદી ગાળો આપવામાં આવી. અમે પણ વિદ્યાર્થી આંદોલનોમાં ભાગ લીધો છે... પરંતુ આ કયા પ્રકારના વિદ્યાર્થીઓ છે અને કેવી અશ્લીલ ભાષાનો ઉપયોગ કરી રહ્યા છે? આ કઈ રીતે વિદ્યાર્થીઓ લાગે છે?...અમે 16 વર્ષની ઉંમરથી જ આપણું કરિયર બનાવવાનું શરૂ કરી દીધું હતું. અમે ક્યારેય પણ આપણા માતા-પિતા પર બોજ ન બન્યા...એક સમાજ તરીકે આ આપણા માટે બિલકુલ પણ સ્વીકાર્ય નથી.'
PM મોદીનો VIDEO બ્લોક કરતાં ફેસબુક વિવાદમાં! : કેન્દ્ર સરકારનું METAને સમન્સ, કંપનીએ આપી સ્પષ્ટતા
આ પહેલાં કંગનાએ ઈન્સ્ટાગ્રામ હેન્ડલ પર એક પછી એક ઘણી સ્ટોરી શેર કરતા દિલ્હીના જંતર-મંતર પર CJP પ્રોટેસ્ટ દરમિયાન વાયરલ થયેલી રીલ્સ અને વીડિયોની ભાષા પર નારાજગી વ્યક્ત કરતા લખ્યું, 'મેં મારા જીવનમાં આટલું અટપટું કંઈ નથી જોયું, આટલું ભદ્દુ કંઈ નથી જોયું, આમને કોણે જન્મ આપ્યો, આમને કણ ઉછેરી રહ્યું છે? આ તો ગટરવાળી પેઢી છે. આ છોકરીઓ તો ગૃહિણી પણ ન બની શકે.
કંગના રનૌતે પ્રદર્શનકારીઓના ઉછેર પર પણ સવાલો ઉઠાવ્યા છે. તેમણે કહ્યું 'મેં મારી પૂરી જીંદગીમાં ક્યારેય પણ એક જગ્યા પર આટલું અટપટું અને આટલું ભદ્દુ કંઈ નથી જોયું. GEN-Z ના વિરોધ પ્રદર્શનોની રીલ્સ જોઈને હું હેરાન રહી ગઈ અને બહુ ખરાબ પણ લાગી રહ્યું છે. કારણ કે જે પ્રકારની ભાષાનો આ ઉપયોગ કરી રહ્યા છે, તે બહુ જ અસભ્ય છે. આમને કોણે જન્મ આપ્યો અને ઉછેરી રહ્યું છે? મને સમજ નથી આવતું કે લોકો આ પ્રકારની સોચ અને વ્યવહાર ક્યાંથી શીખી રહ્યા છે, આપણું ભારત હંમેશાંથી વિવિધતા, સુંદરતા, સંસ્કૃતિ અને શાલિનતા માટે ઓળખાય છે. પરંતુ કોઈ અપમાનજનક નામોથી બોલાવે છે અને એ જ પ્રકારનો વ્યવહાર કરે છે તો આ આપણી સંસ્કૃતિની ગરિમાથી બિલકુલ અલગ દેખાવા લાગે છે.'
કંગના રનૌતના આ નિવેદન પછી રાજકીય બબાલ થઈ ગયો છે. આ પહેલી વાર નથી જ્યારે કંગનાના કોઈ નિવેદનને લઈને બબાલ થઈ રહ્યો હોય. પહેલાં પણ કંગનાએ ઘણા એવા નિવેદનો આપ્યા છે, જેના પર રાજકીય બખેડો ઊભો થયો છે.
કિસાન આંદોલન પર બોલી હતી કંગના
26 ઓગસ્ટ 2024ના રોજ એક મીડિયા ઈન્ટરવ્યુમાં ભાજપ સાંસદ કંગના રનૌતે કહ્યું કે જો આપણું શીર્ષ નેતૃત્વ નબળું હોત તો ભારતમાં બાંગ્લાદેશ જેવી સ્થિતિ થઈ શકતી હતી. સૌએ જોયું કે કિસાન આંદોલન દરમિયાન શું થયું. પ્રદર્શનના નામે હિંસા ફેલાવવામાં આવી. ત્યાં રેપ થઈ રહ્યા હતા, લોકોને મારીને લટકાવવામાં આવી રહ્યા હતા. કેન્દ્ર સરકાર તરફથી કૃષિ કાયદાઓને પાછા લેવાના નિર્ણયને યોગ્ય ઠેરવતા કંગનાએ કહ્યું કે જ્યારે બિલને પાછું લેવામાં આવ્યું તો બધા ઉપદ્રવીઓ ચોંકી ગયા. કારણ કે તેમની પ્લાનિંગ તો બહુ લાંબી હતી.
ભારત બાદ હવે પાકિસ્તાનમાં પણ CJPનો પડઘો! : Gen Z બોલ્યા- 'પ્રદર્શન કરીશું તો આર્મી ઉઠાવી જશે'
ભાજપને આપવી પડી હતી સફાઈ
ભાજપે કંગનાના નિવેદન પર કહ્યું હતું કે, 'ભાજપ તેમના નિવેદનથી અસહમતિ વ્યક્ત કરે છે. પાર્ટી તરફથી, પાર્ટીના નીતિગત વિષયો પર બોલવા માટે કંગના રનૌતને ન તો પરવાનગી છે અને ન તો તેઓ નિવેદન આપવા માટે અધિકૃત છે.' ભાજપે કહ્યું, 'ભારતીય જનતા પાર્ટી તરફથી કંગના રનૌતને નિર્દેશિત કરવામાં આવ્યા છે કે તેઓ આ પ્રકારના કોઈ નિવેદન ભવિષ્યમાં ન આપે.' પાર્ટીએ આગળ કહ્યું હતું કે 'ભારતીય જનતા પાર્ટી 'સબકા સાથ, સબકા વિકાસ, સબકા વિશ્વાસ અને સબકા પ્રયાસ' અને સામાજિક સમરસતાના સિદ્ધાંતો પર ચાલવા માટે કૃતસંકલ્પિત છે.'
'1947માં મળેલી આઝાદી ભીખ હતી'
11 Nov 2021ના રોજ એક સમાચાર ચેનલના કાર્યક્રમમાં બોલતા કંગના રનૌતે એ કહીને વિવાદ ઊભો કરી દીધો કે ભારતને ‘અસલી આઝાદી' 2014માં મળી, જ્યારે નરેન્દ્ર મોદી સરકાર સત્તામાં આવી, તો બીજી તરફ 1947માં દેશને જે સ્વતંત્રતા મળી હતી તે ‘ભીખ'માં મળી હતી. કંગનાના નિવેદન પર ભારતીય જનતા પાર્ટીના તત્કાલીન સાંસદ વરુણ ગાંધી સમેત ઘણા નેતાઓ સહિત સોશિયલ મીડિયા પર લોકોએ તેમના નિવેદન પર તીખી પ્રતિક્રિયા વ્યક્ત કરી હતી.
કિસાન આંદોલનકારીઓ પર નિવેદન
ડિસેમ્બર 2020માં એક અગ્રણી ચેનલે 88 વર્ષના વયોવૃદ્ધ મહિલા કિસાન મહિંદર કૌરનો એક વીડિયો પોસ્ટ કર્યો હતો. મહિંદર વળેલી કમર હોવા છતાં ઝંડો લઈને પંજાબના કિસાનો સાથે માર્ચ કરતી જોવા મળી રહી હતી. મહિંદર કૌરની આ તસવીર પછી સોશિયલ મીડિયા પર તેમની સરખામણી શાહીન બાગ પ્રદર્શનની અગવાઈ કરનારી બિલકીસ દાદી સાથે પણ કરવામાં આવવા લાગી હતી. તે સમયે કંગના રનૌતે બિલકીસ અને મહિંદર કૌર બંનેની તસવીરો એકસાથે ટ્વીટ કરતા કટાક્ષ કરતા કહ્યું હતું, 'હા હા. આ એ જ દાદી છે, જેમને ટાઈમ મેગેઝિનની 100 સૌથી પ્રભાવશાળી વ્યક્તિઓની લિસ્ટમાં સામેલ કરવામાં આવ્યા હતા... અને આ 100 રૂપિયામાં ઉપલબ્ધ છે.' ચંડીગઢ એરપોર્ટ પર સીઆઈએસએફની મહિલા કોન્સ્ટેબલે કંગનાના આ જ નિવેદનથી નારાજ થઈને થપ્પડ મારી હતી.
રાહુલ ગાંધીને કહ્યા હતા 'ટપોરી'
18 માર્ચ 2026ના રોજ કંગના રનૌતે સંસદ પરિસરમાં મીડિયા સાથે વાત કરતા કહ્યું હતું, 'અમે મહિલાઓ તેમને જોઈને બહુ વધારે અસહજતા અનુભવીએ છીએ, કારણ કે એકદમ તેઓ જેવા ટપોરીની જેમ આવે છે. અને કોઈને પણ એ તું એવું કરીને તું-તડાક કરે છે. કોઈ ઈન્ટરવ્યુ આપી રહ્યું હોય તો તેમને તેઓ હૂટિંગ કોલ્સ કરે છે.'
'E20 સાથે મારો કોઈ સંબંધ નથી!' : નિતિન ગડકરી એક્શનમાં, મેટા-ગૂગલ અને X સામે કેસની મંજૂરી
કંગનાએ કહ્યું હતું કે રાહુલ ગાંધીએ પોતાની બહેન, વાયનાડ સાંસદ પ્રિયંકા ગાંધી વાડ્રાના આચરણ અને વ્યવહારને જોવો જોઈએ, જે બહુ સારો છે. તેમણે કહ્યું, 'રાહુલ ગાંધી પોતે એક શરમજનકતાનું કારણ છે.'
