સુરતમાં વધુ એક નકલી પત્રકાર બની ગેરકાયદેસર રીતે ખંડણી માંગતી ટોળકીની પોલીસે ધરપકડ કરી છે. આ ટોળકી ફેકટરીમાં કામ કરતી મહિલા પોતાના બાળકને સાથે લઈ ગઈ હતી.આ દરમિયાન આરોપીઓએ મોબાઈલમાં મહિલા તથા બાળકના વીડિયો બનાવ્યા હતા.
સુરતમાં ગેરકાયદેસર ખંડણી માંગતા પત્રકારોની કરાઈ ધરપકડ
નકલી પત્રકારોએ મહિલાનો સંપર્ક કરી પ્રેસ રિપોર્ટની ઓળખ આપી જણાવ્યું કે, તમારી ફેક્ટરીમા બાળમજૂરોને કામે રાખો છો. તેથી આ વિડીયો ચેનલમાં નહી ચડાવા માટે આરોપીઓએ 5100 રૂપિયાની ખંડણી માંગી હતી.જો ખંડણી નહીં આપતો તમારે ધંધો કરવો મુશ્કેલ થઈ જશે તેવું કહી ફરિયાદીને ડરાવી ધમકાવી દબાણ કરી તેમના પાસેથી ઓનલાઈન ખંડણી પેટે રૂપિયા.5100 પડાવી લીધા હતા. જેને લઈ મહિલાએ ઉધના પોલીસ સ્ટેશનમાં ફરીયાદ નોંધાવી હતી.
ફેક્ટરીમા બાળમજૂરીના નામે 5100ની માંગી હતી ખંડણી
ઘટનાની ગંભીરતા સમજી પોલીસે બાતમીના આધારે આરોપી સુરજ સિંઘ, વિરેન્દ્ર રાજપુત તથા મનોજકુમાર તથા રવિશંકર શર્માની ધરપકડ કરી હતી. પોલીસે તમામ આરોપીઓની સુરત શહેરમાંથી ધરપકડ કરી હતી.
