Reliance Jio : Reliance Jio એ પોતાના ગ્રાહકો માટે નવું OTT એન્ટરટેઇનમેન્ટ પાસ લોન્ચ કર્યો છે, જે માત્ર 200 રૂપિયામાં ઉપલબ્ધ છે. કંપનીએ આ પ્લાન ખાસ કરીને એવા યુઝર્સને ધ્યાનમાં રાખીને રજૂ કર્યો છે, જેઓ એક જ રિચાર્જમાં ડેટા, લાઇવ ટીવી અને અનેક OTT પ્લેટફોર્મનો લાભ મેળવવા માંગે છે. 28 દિવસની વેલિડિટી ધરાવતા આ OTT પાસમાં ગ્રાહકોને 15 OTT પ્લેટફોર્મ્સ, 1000 થી વધુ લાઇવ ટીવી ચેનલ્સ અને 30GB હાઇસ્પીડ ડેટા આપવામાં આવશે. ગરમીની રજાઓ દરમિયાન મોબાઇલ એન્ટરટેઇનમેન્ટ અને OTT સ્ટ્રીમિંગનો વપરાશ નોંધપાત્ર રીતે વધે છે. આવી સ્થિતિમાં જિયોએ ઓછા ખર્ચે વધુ કન્ટેન્ટ ઓફર કરીને બજારમાં સ્પર્ધાત્મક દાવ રમ્યો હોવાનું માનવામાં આવે છે. ખાસ વાત એ છે કે, આ પ્લાનમાં યુઝર્સને અલગ-અલગ એપ્સના સબ્સ્ક્રિપ્શન માટે અલગથી ખર્ચ કરવો નહીં પડે.
કયા OTT પ્લેટફોર્મ્સ મળશે?
જિયોના આ OTT પાસમાં ગ્રાહકોને લોકપ્રિય પ્રીમિયમ OTT સેવાઓનો સમાવેશ કરવામાં આવ્યો છે. તેમાં YouTube Premium, JioHotstar Mobile+Hollywood અને Prime Video Mobile Edition જેવી મુખ્ય સેવાઓ સામેલ છે. તે સિવાય SonyLiv, ZEE5, Lionsgate Play, Discovery+, Sun NXT, FanCode, Kanccha Lannka, Planet Marathi, Chaupal, Hoichoi, TimesPlay અને Tarang Plus જેવા અન્ય પ્લેટફોર્મ્સને પણ JioTV મારફતે ઍક્સેસ કરી શકાશે. જોકે, આ પ્લાનમાં Netflix સામેલ નથી. એટલે કે, જે ગ્રાહકો ખાસ કરીને Netflix માટે પ્લાન શોધી રહ્યા છે, તેમના માટે આ ઓફર સંપૂર્ણ રીતે ઉપયોગી સાબિત નહીં થાય. છતાં અન્ય મોટા OTT પ્લેટફોર્મ્સના સંયોજનને કારણે સામાન્ય એન્ટરટેઇનમેન્ટ યુઝર્સ માટે આ પેકેજ કિફાયતી માનવામાં આવી રહ્યું છે.
1000 થી વધુ ટીવી ચેનલ્સનો લાભ
જિયોના જણાવ્યા મુજબ, આ OTT પાસ દ્વારા ગ્રાહકો 1000 થી વધુ લાઇવ ટીવી ચેનલ્સ સ્ટ્રીમ કરી શકશે. તેમાં Star, Sony, Sun TV અને Discovery નેટવર્કના મનોરંજન, ફિલ્મ, સ્પોર્ટ્સ અને પ્રાદેશિક ચેનલ્સનો સમાવેશ થાય છે. ભારતમાં OTT અને લાઇવ ટીવી કન્ટેન્ટનો વપરાશ સતત વધી રહ્યો છે. ખાસ કરીને મોબાઇલ પર ક્રિકેટ, વેબ સિરીઝ અને રિયાલિટી શોઝ જોતાં યુઝર્સની સંખ્યા વધી રહી છે. આવી સ્થિતિમાં ટેલિકોમ કંપનીઓ હવે માત્ર ડેટા પ્લાન નહીં પરંતુ “કન્ટેન્ટ બંડલ” મોડલ તરફ આગળ વધી રહી છે.
30GB હાઇસ્પીડ ડેટા અને અનલિમિટેડ 5G
આ OTT પાસમાં ગ્રાહકોને કુલ 30GB હાઇસ્પીડ ડેટા મળશે. સાથે જ કંપનીએ અનલિમિટેડ 5G ડેટાનો પણ દાવો કર્યો છે, જોકે તેનો લાભ માત્ર 5G કવરેજ અને 5G ડિવાઇસ ધરાવતા ગ્રાહકોને જ મળશે. મહત્વપૂર્ણ વાત એ છે કે, આ પ્લાન standalone નથી. એટલે કે ગ્રાહકો પાસે પહેલેથી જ એક એક્ટિવ જિયો બેઝ પ્લાન હોવો જરૂરી રહેશે. તે બેઝ પ્લાન સાથે આ OTT પાસ રિચાર્જ કરવાથી વધારાના એન્ટરટેઇનમેન્ટ લાભ મળશે.
રિચાર્જ વગર કેટલા દિવસ એક્ટિવ રહે છે Jio SIM?: TRAI ના નિયમે દૂર કરી મૂંઝવણ
OTT પાસ કેવી રીતે એક્ટિવ કરવો?
ગ્રાહકો આ 200 રૂપિયાનો OTT પાસ અનેક માધ્યમો દ્વારા ખરીદી શકે છે. તેમાં MyJio App, Jio.com, રિટેલ સ્ટોર અને અન્ય રિચાર્જ એપ્સનો સમાવેશ થાય છે. પાસ એક્ટિવ કરવા માટે ગ્રાહકોના નંબર પર પહેલેથી જ વેલિડિટી અને ડેટા લાભ ધરાવતો જિયો પ્લાન સક્રિય હોવો જરૂરી છે. ત્યારબાદ OTT પાસ ઉમેરવાથી મોબાઇલમાં સીધી OTT અને લાઇવ ટીવી સ્ટ્રીમિંગની સુવિધા મળશે.
Jio-Airtel ની ફ્રી Google One ઓફરથી સાવધાન!: તમારી એક ભૂલ અને Gmail એકાઉન્ટ થઈ જશે બંધ, જાણો કેવી રીતે
ખરીદવો જોઈએ કે નહીં?
જો તમે એવા યુઝર છો જે અલગ-અલગ OTT પ્લેટફોર્મ માટે અલગ સબ્સ્ક્રિપ્શન લેવાનું ટાળવા માંગો છો, તો જિયાનો આ OTT પાસ કિફાયતી વિકલ્પ બની શકે છે. ખાસ કરીને Prime Video Mobile Edition, JioHotstar અને SonyLiv જેવા પ્લેટફોર્મ્સ એક જ પ્લાનમાં મળતા હોવાથી સ્પોર્ટ્સ અને વેબ સિરીઝ પ્રેમીઓ માટે આ ઓફર આકર્ષક બની શકે છે. પરંતુ જો તમારો મુખ્ય ઉપયોગ Netflix માટે છે, તો આ પ્લાન તમારી જરૂરિયાત પૂર્ણ નહીં કરે. ઉપરાંત Prime Video નું મોબાઇલ એડિશન માત્ર મોબાઇલ ડિવાઇસ સુધી મર્યાદિત હોઈ શકે છે, તેથી મોટા સ્ક્રીન પર કન્ટેન્ટ જોતાં ગ્રાહકો માટે મર્યાદાઓ રહી શકે છે. ટેલિકોમ ક્ષેત્રમાં વધતી OTT સ્પર્ધા વચ્ચે જિયાનો આ પગલું ગ્રાહકોને વધુ સમય સુધી પોતાના ઇકોસિસ્ટમમાં રાખવાની વ્યૂહરચના તરીકે પણ જોવામાં આવી રહ્યું છે. આગામી સમયમાં અન્ય ટેલિકોમ કંપનીઓ પણ આવા બંડલ પ્લાન્સ રજૂ કરે તેવી શક્યતા છે.
