ઈરાન અને ઇઝરાયલ વચ્ચેનો તણાવ ફરી ઉગ્ર બન્યો છે. ઈરાનના સર્વોચ્ચ નેતા આયાતુલ્લાહ અલી ખામેનીએ રાષ્ટ્રને સંબોધન કરતા એક રેકોર્ડેડ સંદેશમાં કહ્યું કે, "અમે ઈઝરાયલને લાચાર બનાવીશું, તેનો બદલો લઈશું." આ નિવેદન બાદ ઈરાનની સત્તાવાર સમાચાર એજન્સીઓએ જણાવ્યું કે દેશે ઇઝરાયલ તરફ સેંકડો બેલિસ્ટિક મિસાઇલો ફાયર કરી છે. જેમાં કેટલાક મિસાઇલો યરુશાલેમ નજીક ફાટ્યા હતા અને વિસ્ફોટના અવાજ સાંભળાયા હતા.
વિડિઓઝ સોશિયલ મીડિયા પર વાયરલ
ઈરાનના હુમલાના દ્રશ્યો સોશિયલ મીડિયા પર ઝડપથી ફેલાઈ રહ્યા છે. વીડિયોમાં રાત્રિના સમયે આકાશમાં તેજસ્વી રોશની અને વિસ્ફોટના દ્રશ્યો જોવા મળે છે. જેરુસલેમ પોસ્ટના અહેવાલ મુજબ, આ હુમલામાં સાત લોકો ઘાયલ થયા છે.
ઇઝરાયલનો જવાબી હુમલો:
ઇઝરાયલ ડિફેન્સ ફોર્સ (IDF) એ તરત જ ઈરાન પર જવાબી હુમલો શરૂ કર્યો છે. તેઓએ કહ્યું કે, ફોર્ડો પરમાણુ સ્થળ અને કોમ શહેરને નિશાન બનાવવામાં આવ્યા છે. ત્યાર બાદ ઈરાનની મીડિયા રિપોર્ટ્સ મુજબ, ઇઝરાયલે શિરાઝ, તાબ્રીઝ અને નાતાન્ઝ પરમાણુ કેન્દ્રો પર પણ હુમલા શરૂ કર્યા છે.
હિઝબુલ્લાહે લીધો પછાતપંથ:
હિઝબુલ્લાહ, જે ઈરાનનો સમર્થક ગ્રુપ માનવામાં આવે છે, તેણે આ સંઘર્ષમાં સીધી ભાગીદારી નહીં લેવાની ઘોષણા કરી છે. રોઇટર્સના અહેવાલ મુજબ, "હિઝબુલ્લાહ ઈરાનના આ પગલાને સમર્થન આપશે નહીં અને પોતે એકપક્ષીય રીતે ઇઝરાયલ પર હુમલો નહીં કરે," એવું એક અધિકારીએ જણાવ્યું.
