ગુજરાત રાજ્યના વ્યક્તિઓને ઉંચા પગારે વિદેશમાં નોકરી આપવાની લાલચ આપી પાકિસ્તાની એજન્ટો મારફતે દક્ષિણ પૂર્વ એશિયાઇ દેશોમાં મોકલી માનવ તસ્કરી કરી લાંબા સમય સુધી બંધક બનાવી શારિરીક - માનસિક ત્રાસ આપી સાયબર ક્રાઇમના ગુનાઓ કરાવી આર્થિક લાભ મેળવી આંતરરાજય તથા આંતરરાષ્ટ્રીય સાયબર ક્રાઈમના ગુના આચરતી ગેંગના સભ્યોને સાયબર સેન્ટર ઓફ એક્સીલન્સ દબોચી લીધા છે.
ગેરકાયદેસર રીતે બળપુર્વક મોઇ નદી મારફતે સરહદ પાર કરાવતા
વર્તમાન સમયમાં વધી રહેલા સાયબર ક્રાઇમના ગુનાઓને અટકાવા સાયબર સેન્ટર ઓફ એક્સીલન્સ સ્પેશિયલ ડ્રાઈવ શરૂ કરી છે. ત્યારે આરોપીઓ દ્વારા તેમના સબ એજન્ટો સાથે મળી તેઓનો સમાન ઇરાદો પુરો પાડવાના હેતુથી એકસંપ થઈ ગુજરાતના નાગરિકોને વિદેશમાં ઉંચા પગારે ડેટા એન્ટ્રીની જોબ પ્લેસમેન્ટ આપવાની લાલચ આપી દક્ષિણ પુર્વ એશિયાઇ દેશોની ટીકીટ બુક કરાવી તેઓને પાકિસ્તાની એજન્ટ મીયાઝઅલી અને તનવીર મારફતે મ્યાનમાર- 05, દુબઈ-15, વિયેતનામ-15, મલેશિયા-06 એમ કુલ્લે-41 નાગરીકોને મોકલી ભોગ બનનાર જેવા એરપોર્ટ પહોંચે ત્યારે ચીની ગેંગના એજન્ટો મારફતે તેઓના પાસપોર્ટ, મોબાઇલ ફોન, તથા અન્ય દસ્તાવેજો જપ્ત કરી તેઓને બંધક બનાવી ગેરકાયદેસર રીતે બળપુર્વક મોઇ નદી મારફતે સરહદ પાર કરાવી માનવ તસ્કરી કરી મ્યાનમારના સરહદી વિસ્તારમાં કે.કે.પાર્ક, મ્યાવાડી ટાઉનશિપ ખાતે લઈ જઈ ગેરકાયદેસર રીતે ચાલતા ચાઇનીઝ હબમાં ફિશીંગ, ક્રિપ્ટો સ્કેમ, પોન્ઝી સ્કીમ, ડેટીંગ એપ દ્વારા છેતરપીંડી જેવા વિવિધ સાયબર ગુનાઓ કરવા મજબુર કરી સાયબર સ્લેવરીનો ભોગ બનાવી તેમજ ભોગ બનનાર સહકાર ન આપે તો તેઓને શારીરીક તેમજ માનસિક હેરાન-પરેશાન કરી ગેરકાયદેસર રીતે લાંબા સમયગાળા સુધી અટકાયતમાં રાખી વિવિધ સાયબર ગુનાઓ કરવા માટે મજબુર
સાયબર સીડીકેટ તથા ચાઇનીઝ સાયબર માફીયા
આરોપીએ આંતરરાષ્ટ્રીય સાયબર સીડીકેટ તથા ચાઇનીઝ સાયબર માફીયાની સાથે મળી સાયબર ક્રાઇમના ગુનાઓ કરી આર્થિક લાભ મેળવી આંતરરાજ્ય તથા આંતરરાષ્ટ્રીય સાયબર ક્રાઇમના ગુના આચરેલ છે. આરોપીઓ પાસેથી 03 મોબાઇલ કબજે કરવામાં આવ્યા છે.
અટકાયત કરાયેલા આરોપીઓના નામ
(1) સોનલ સંજયભાઈ ફડદુ રહે.એ/104, અક્ષર ટાઉનશીપ, ચોબારી રોડ, ઉમિયા નગર, ઝાંઝરડા રોડ, તા.જી-જૂનાગઢ
(2) સંજયભાઇ હરીભાઇ ફળદુ રહે.એ/104, અક્ષર ટાઉનશીપ, ચોબારી રોડ, ઉમિયા નગર, ઝાંઝરડા રોડ, તા.જી-જૂનાગઢ
(3) શૈલેશભાઈ વાલજીભાઈ ડાભી રહે. ગામ-કાવીઠા. તા.બોરસદ,જિ. આણંદ.
