50% HRA Claim Hike: નવા નાણાકીય વર્ષ (1 એપ્રિલ 2026) ની શરૂઆત નોકરિયાત લોકો માટે એક મોટા સમાચાર લઈને આવી છે. જો તમે બેંગલુરુ, પુણે અથવા હૈદરાબાદ જેવા શહેરોમાં રહો છો અને મોંઘા ભાડાથી પરેશાન હતા, તો સરકારે તમને એક શાનદાર ભેટ આપી છે. હવે દિલ્હી-મુંબઈની જેમ જ અન્ય 4 મોટા શહેરોના કર્મચારીઓને 50% HRA (House Rent Allowance) ટેક્સ છૂટનો લાભ મળશે. ચાલો વિગતવાર સમજીએ કે આ નિર્ણયથી તમારા હાથમાં આવતા પગાર (Take-home salary) પર શું અસર પડશે.
મેટ્રો શહેરોની યાદી થઈ બમણી: 4 થી વધીને થઈ 8
અત્યાર સુધીના ઇન્કમ ટેક્સના નિયમો મુજબ, માત્ર ચાર મોટા મહાનગરો દિલ્હી, મુંબઈ, કોલકાતા અને ચેન્નાઈમાં રહેતા કર્મચારીઓ જ તેમના બેઝિક પગારના 50% સુધી HRA ટેક્સ છૂટ મેળવી શકતા હતા. બાકીના શહેરો માટે આ મર્યાદા 40% હતી. પરંતુ, ઇન્કમ-ટેક્સ રૂલ્સ, 2026 હેઠળ હવે આ યાદીમાં વધુ 4 પ્રગતિશીલ શહેરો ઉમેરાયા છે. જેમાં બેંગલુરુ (Bengaluru), હૈદરાબાદ (Hyderabad), પુણે (Pune) અને અમદાવાદ (Ahmedabad)નો સમાવેશ થાય છે. હવે આ 8 શહેરોમાં કામ કરતા લોકો તેમના બેઝિક પગારનો અડધો હિસ્સો HRA તરીકે ક્લેમ કરી શકશે, જેનાથી તેમની ટેક્સની જવાબદારી ઘટશે અને ઘરે લઈ જવાનો પગાર વધી જશે.
કેમ જરૂરી હતો આ નિર્ણય?
છેલ્લા કેટલાક વર્ષોમાં બેંગલુરુ, પુણે અને હૈદરાબાદ જેવા શહેરોમાં ઘરના ભાડા રોકેટની ગતિએ વધ્યા છે. ઘણા વિસ્તારોમાં તો ભાડું મુંબઈ અને દિલ્હીની બરાબર પહોંચી ગયું હતું. નિષ્ણાતોનું માનવું છે કે આ ફેરફારથી મધ્યમ વર્ગ પાસે ખર્ચ કરવા માટે વધુ પૈસા બચશે અને શહેરી વિસ્તારોમાં રેન્ટલ હાઉસિંગની માંગ પણ વધશે.
જૂની ટેક્સ વ્યવસ્થા (Old Regime) પસંદ કરનારાઓ માટે અન્ય ભેટ
જો તમે હજી પણ જૂની ટેક્સ વ્યવસ્થામાં છો, તો સરકારે અન્ય કેટલાક મોરચે પણ રાહત આપી છે:
ચિલ્ડ્રન એજ્યુકેશન અને હોસ્ટેલ એલાઉન્ ની છૂટ મર્યાદા વધારી દેવામાં આવી છે.
ઓફિસમાં મળતા મીલ કૂપન અથવા મફત ભોજન પર પણ ટેક્સ રાહત આપવામાં આવી છે.
વિદેશમાં અભ્યાસ કે ફરવા પર લાગતા TCS (Tax Collected at Source) માં ઘટાડો કરવામાં આવ્યો છે.
નિયમોમાં કડકાઈ પણ જરૂરી
જોકે એક તરફ રાહત મળી છે, તો બીજી તરફ સરકારે નિયમો વધુ કડક પણ કર્યા છે. હવે ટેકનોલોજી દ્વારા HRA ક્લેમની ઝીણવટભરી તપાસ થશે. જો તમે નકલી ભાડાની પહોંચ (Fake Rent Receipts) લગાવીને ટેક્સ બચાવો છો, તો પકડાઈ જવાનો ખતરો વધી ગયો છે. આ ઉપરાંત, શેરબજારમાં ફ્યુચર્સ એન્ડ ઓપ્શન્સ (F&O) માં સટ્ટાખોરી ઘટાડવા માટે STT (Securities Transaction Tax) માં 150% સુધીનો વધારો કરવામાં આવ્યો છે.
