લોન લેનારા ગ્રાહકો માટે મહત્વના સમાચાર : આ 6 બેકોમાં હોમલોન પર વ્યાજ દરો સૌથી ઓછા, જાણો કઈ બેંકમાં કેટલા છે વ્યાજ દર

Home Loan Interest Rate 2025: ભારતીય રિઝર્વ બેંક (RBI) એ 7 ફેબ્રુઆરી 2025 ના રોજ તેની મોનેટરી પોલિસી કમિટી (MPC)ની બેઠકમાં રેપો રેટમાં 25 બેસિસ પોઈન્ટ્સ (0.25%) નો ઘટાડો કર્યો, જેનાથી 6.25% પર આવી ગયો છે. છેલ્લા બે વર્ષથી આ દર સ્થિર હતો, પરંતુ હવે તેમાં ફેરફાર થયો છે. આ નિર્ણય બાદ દેશની 6 મોટી બેંકોએ હોમ લોન પરના વ્યાજ દરોમાં ઘટાડો કર્યો છે, જેનાથી નવા અને વર્તમાન લોન ધારકોને રાહત મળશે. ચાલો તેના વિશે જાણીએ.

શું છે રેપો લિંક્ડ લેન્ડિંગ રેટ(RLLR)?
રેપો લિંક્ડ લેન્ડિંગ રેટ (આરએલએલઆર) એ દર છે કે જેના પર બેંકો તેમના ગ્રાહકોને લોન આપે છે. તમને જણાવી દઈએ કે આ દર સીધો RBIના રેપો રેટ સાથે જોડાયેલો છે. ઑક્ટોબર 2019માં RBIએ તમામ બેંકોને તેમની છૂટક લોનને એક્સટર્નલ બેન્ચમાર્ક રેટ (E-BLR) સાથે લિંક કરવાનો નિર્દેશ આપ્યો હતો. આ કારણે મોટાભાગની હોમ લોન ફ્લોટિંગ રેટ પર આપવામાં આવે છે, જે RBI રેપો રેટમાં ફેરફાર સાથે વધે છે અથવા ઘટે છે. હવે જ્યારે વ્યાજ દરોમાં ઘટાડો કરવામાં આવ્યો છે, ત્યારે ગ્રાહકો તેમની હોમ લોનની EMI ઘટાડી શકે છે અથવા લોનની મુદત ઘટાડીને વ્યાજ પર બચત કરી શકે છે. ચાલો તેના વિશે જાણીએ.

આ બેંકોએ કર્યો હોમ લોનના વ્યાજદરમાં ઘટાડો

કેનેરા બેંકઃ
આ યાદીમાં પ્રથમ નામ કેનેરા બેંકનું છે, જેની જૂની RLLR 9.25% હતી. જો કે, રેપો રેટમાં ઘટાડા પછી નવો RLLR 9.00% થશે. નવો વ્યાજ દર 12 ફેબ્રુઆરી 2025થી અમલમાં આવ્યો છે.

બેંક ઓફ બરોડા:
તેનો જૂનો રેપો લિંક્ડ ધિરાણ દર 9.15% હતો, જે હવે ઘટાડીને 8.90% કરવામાં આવ્યો છે. આ વ્યાજ દર 10 ફેબ્રુઆરી 2025 થી લાગુ થશે.

બેંક ઓફ ઈન્ડિયા:
તેનો જૂનો RLLR 9.35% હતો, જે ઘટાડીને 9.10% કરવામાં આવ્યો છે અને તે 7મી ફેબ્રુઆરીથી અમલી છે.

યુનિયન બેંક ઓફ ઈન્ડિયા:
આ બેંકનો જૂનો RLLR 9.25% છે, જે હવે ઘટાડીને 9.00% કરવામાં આવ્યો છે. તેનો અમલ 11 ફેબ્રુઆરીથી કરવામાં આવ્યો છે.

ઇન્ડિયન ઓવરસીઝ બેંક:
IOB નો જૂનો RLLR 9.35% હતો, જે ઘટાડીને 9.10% કરવામાં આવ્યો છે. આ નવો દર પણ 11 ફેબ્રુઆરીથી લાગુ થઈ ગયો છે.

પંજાબ નેશનલ બેંકઃ
આ યાદીમાં છેલ્લું નામ PNB છે, જેની જૂની RLLR 9.25% હતી અને હવે તેને ઘટાડીને 9.00% કરી દેવામાં આવી છે. તેનો અમલ 10 ફેબ્રુઆરી 2025ના રોજ કરવામાં આવ્યો છે.

ગ્રાહકોને ફાયદો થશે
RBIના રેપો રેટમાં ઘટાડા બાદ બેંકો દ્વારા RLLRમાં ઘટાડાથી નવી હોમ લોન સસ્તી થશે. આ સાથે વર્તમાન ગ્રાહકોની EMI પણ ઘટી શકે છે. હવે ગ્રાહકો તેમની લોનની માસિક EMI ઘટાડીને અથવા લોનની મુદતમાં ઘટાડો કરીને વ્યાજ પર બચત કરી શકે છે.