Gujarat Weather Update: ગુજરાતમાં હવામાને મિજાજ સંપૂર્ણપણે બદલી નાખ્યો છે. જો કે રાજ્યમાં આજે પણ સવાર અને રાત્રે ઠંડીનો અહેસાસ થઈ રહ્યો છે. પરંતુ, બપોર બાદ ગરમીએ લોકોને પરેશાન કરવાનું શરૂ કર્યું છે. છેલ્લા કેટલાક દિવસોમાં રાજ્યના અનેક શહેરોમાં તાપમાનમાં નોંધપાત્ર વધારો નોંધાયો છે. તે દરમિયાન હવામાન વિભાગે રાજ્યના કેટલાક જિલ્લાઓમાં આગામી 4 દિવસ માટે હીટ વેવનું એલર્ટ જાહેર કર્યું છે. આ સાથે રાજ્યના દરિયાકાંઠાના જિલ્લાઓમાં ગરમ અને ભેજવાળું વાતાવરણ રહેવાની શક્યતા વિભાગે વ્યક્ત કરી છે.
આ 5 જિલ્લાઓ માટે હીટ વેવનું એલર્ટ
હવામાન વિભાગની આગાહી મુજબ 9મી માર્ચે કચ્છ અને રાજકોટમાં હીટવેવની ચેતવણી જાહેર કરવામાં આવી હતી. જ્યારે, દરિયાકાંઠાના જિલ્લાઓમાં ગરમ અને ભેજવાળું વાતાવરણ રહેવાની સંભાવના છે. વિભાગના જણાવ્યા અનુસાર રાજ્યના કચ્છ, રાજકોટ, અમરેલી, ભાવનગર અને બનાસકાંઠામાં 9 થી 12 માર્ચ સુધી હીટ વેવ એલર્ટ જાહેર કરવામાં આવ્યું છે. આ સમયગાળા દરમિયાન દરિયાકાંઠાના જિલ્લાઓમાં ગરમ અને ભેજવાળું વાતાવરણ રહેવાની શક્યતા છે. IMD એ કચ્છ અને રાજકોટ સહિત આ તમામ જિલ્લાઓમાં આગામી 2 દિવસ માટે યલો હીટવેવ એલર્ટ જાહેર કર્યું છે.
માર્ચ મહિનામાં વધ્યું હતું રાજ્યનું તાપમાન
સામાન્ય રીતે માર્ચ મહિનામાં રાજ્યનું તાપમાન 32 ડિગ્રીની આસપાસ રહે છે. પરંતુ માર્ચના પ્રથમ સપ્તાહમાં સક્રિય બનેલા વેસ્ટર્ન ડિસ્ટર્બન્સની અસરને કારણે તેમાં 1 થી 2 ડિગ્રીનો વધારો થયો છે. હવામાનમાં આવેલા ફેરફારને કારણે તાપમાનમાં 1 થી 2 ડિગ્રીનો વધારો થયો છે. હવામાન વિભાગે જણાવ્યું કે બપોર બાદ પવનની ગતિમાં નોંધપાત્ર ઘટાડો થશે. અમદાવાદમાં રવિવારથી તાપમાન 20 થી 39 ડિગ્રી વચ્ચે રહેવાની સંભાવના છે.
સુરેન્દ્રનગર કલેક્ટર કચેરીના નાયબ મામલતદાર સામે ACBની મોટી કાર્યવાહી: 1.22 કરોડની અપ્રમાણસર સંપત્તિનો કેસ નોંધાયો
