ગુજરાત સરકારે રાજ્ય વિકાસ લોન (ગુજરાત રાજ્ય વિકાસ લોન-2021)ના ધારકો માટે મહત્વપૂર્ણ જાહેરાત કરી છે. નાણા વિભાગ દ્વારા જાહેર કરાયેલી અધિકારી યાદી મુજબ રાજ્ય વિકાસ લોનની બાકી રકમ 1 ઓગસ્ટ, 2025ના રોજ તેની મુદત પૂર્ણ થતાં લોનધારકોને વ્યાજ સહિતની રકમ પરત ચૂકવવામાં આવશે. સરકારે સ્પષ્ટ કર્યું છે કે લોનધારકોએ નિર્ધારિત પ્રક્રિયા પૂર્ણ કરીને સમયસર નોંધણી કરાવવી જરૂરી રહેશે, જેથી ચુકવણીમાં કોઈ વિલંબ ન થાય.
સરકારે જાહેર કરેલા પરિપત્ર મુજબ 7.40 ટકા વ્યાજદર ધરાવતી ગુજરાત રાજ્ય વિકાસ લોન-2021ની મુદત પૂર્ણ થવા જઈ રહી છે. આ લોનની બાકી રકમ અને તેના પરનું વ્યાજ 1 ઓગસ્ટના રોજ ધારકોના ખાતામાં જમા કરવાની પ્રક્રિયા હાથ ધરવામાં આવશે. જો કોઈ કારણસર તે દિવસે રજા જાહેર કરવામાં આવે તો તેની આગલી કાર્યકારી તારીખે ચુકવણી કરવામાં આવશે.
નોંધાયેલ ધારકોને જ મળશે સમયસર ચુકવણી
નાણા વિભાગે જણાવ્યું છે કે સરકારી જામીનગીરી (Government Securities) ધરાવતા રોકાણકારોએ પોતાની વિગતો સંબંધિત બેંક, ટ્રેઝરી અથવા જાહેર દેવું કાર્યાલય (Public Debt Office)માં નોંધાવવી જરૂરી રહેશે. જે રોકાણકારોની વિગતો પહેલેથી જ નોંધાયેલી હશે, તેમને પરિપક્વતા (મેચ્યોરિટી)ના દિવસે સીધી જ ચુકવણી કરવામાં આવશે. સરકારે તમામ બેંકો અને સંબંધિત નાણાકીય સંસ્થાઓને પણ સૂચના આપી છે કે તેઓ રાજ્ય વિકાસ લોનના ધારકોને સમયસર માહિતી આપે અને ચુકવણીની પ્રક્રિયા સરળતાથી પૂર્ણ થાય તે માટે જરૂરી વ્યવસ્થા કરે.
નોંધણી માટે પણ અપાઈ ખાસ સમયમર્યાદા
સરકારી પરિપત્રમાં જણાવ્યા મુજબ જો કોઈ લોનધારકે હજુ સુધી પોતાની બેંક વિગતો અથવા જરૂરી માહિતી નોંધાવી નથી, તો તેઓએ લોનની પરિપક્વતાના ઓછામાં ઓછા 20 દિવસ પહેલાં સંબંધિત કચેરીમાં સંપર્ક કરીને નોંધણી પૂર્ણ કરાવવાની રહેશે. લોનધારકો તેમની બેંક, ટ્રેઝરી અથવા રિઝર્વ બેંકની જાહેર દેવું કચેરી મારફતે જરૂરી પ્રક્રિયા પૂર્ણ કરી શકશે. નોંધણી પૂર્ણ થયા બાદ જ તેમની ચુકવણી સીધી બેંક ખાતામાં જમા કરવામાં આવશે.
આ પણ વાંચો: પેટ્રોલ ભરાવતા પહેલાં આ વાંચી લો : આજે બદલાયા ઈંધણના ભાવ, જાણો અમદાવાદ-સુરત સહિતના શહેરોનાં નવા રેટ
રજા હોય તો આગામી કાર્યકારી દિવસે મળશે રકમ
સરકારે સ્પષ્ટતા કરી છે કે જો 1 ઓગસ્ટના રોજ જાહેર રજા જાહેર કરવામાં આવે તો લોનની ચૂકવણી આગામી કાર્યકારી દિવસે કરવામાં આવશે. તે દિવસે પણ લોનધારકોને વ્યાજ સહિતની સંપૂર્ણ રકમ ચૂકવવામાં આવશે અને ત્યારબાદ આ લોન પર કોઈ વધારાનું વ્યાજ ચૂકવવામાં આવશે નહીં. આ જોગવાઈનો મુખ્ય હેતુ એ છે કે લોનધારકોને કોઈપણ પ્રકારનું આર્થિક નુકસાન ન થાય અને સમયસર રકમ પરત મળી રહે.
બેંકો અને ટ્રેઝરીને અપાયા સૂચનો
નાણા વિભાગે તમામ બેંકો, ટ્રેઝરી કચેરીઓ અને જાહેર દેવું કાર્યાલયોને આદેશ આપ્યો છે કે તેઓ પોતાના રેકોર્ડની ચકાસણી કરીને તમામ પાત્ર લોનધારકોની વિગતો અપડેટ કરે. જ્યાં જરૂરી હોય ત્યાં રોકાણકારોને સંપર્ક કરીને તેમની બેંક ખાતાની માહિતી અને અન્ય જરૂરી દસ્તાવેજો પૂર્ણ કરાવવા સૂચના આપવામાં આવી છે. સાથે જ લોનધારકોને પણ અનુરોધ કરવામાં આવ્યો છે કે તેઓ છેલ્લી ઘડીએ દોડધામ ટાળીને સમયસર તમામ પ્રક્રિયા પૂર્ણ કરે, જેથી મેચ્યોરિટી સમયે કોઈ મુશ્કેલી ઉભી ન થાય.
આ પણ વાંચો: અમદાવાદ બ્લાસ્ટ કેસમાં ઐતિહાસિક ચુકાદો : 38 દોષિતોની ફાંસીની સજા યથાવત, હાઈકોર્ટે આપી મંજૂરી
રાજ્ય વિકાસ લોન શું છે?
રાજ્ય વિકાસ લોન (State Development Loan - SDL) એ રાજ્ય સરકારો દ્વારા વિકાસલક્ષી યોજનાઓ માટે ભંડોળ એકત્ર કરવા માટે બહાર પાડવામાં આવતી સરકારી જામીનગીરી છે. આ લોનમાં રોકાણ કરનારને નિશ્ચિત વ્યાજદર મુજબ વ્યાજ મળે છે અને મુદત પૂર્ણ થયા બાદ મૂળ રકમ પરત આપવામાં આવે છે. ગુજરાત સરકાર દ્વારા બહાર પાડવામાં આવેલી 7.40 ટકા વ્યાજદરવાળી રાજ્ય વિકાસ લોન-2021 હવે તેની પરિપક્વતા નજીક હોવાથી રોકાણકારોને તેમની રકમ પરત આપવાની પ્રક્રિયા શરૂ કરવામાં આવી છે..
લોનધારકો માટે મહત્વની સલાહ
નાણા વિભાગે તમામ લોનધારકોને સલાહ આપી છે કે તેઓ પોતાની બેંક ખાતાની વિગતો, નોંધણીની સ્થિતિ અને જરૂરી દસ્તાવેજોની ચકાસણી કરી લે. જો કોઈ માહિતી અધૂરી હોય તો તાત્કાલિક સંબંધિત બેંક, ટ્રેઝરી અથવા જાહેર દેવું કચેરીનો સંપર્ક કરીને જરૂરી પ્રક્રિયા પૂર્ણ કરવી. સમયસર નોંધણી કરાવનાર લોનધારકોને પરિપક્વતાના દિવસે કોઈ વિલંબ વિના વ્યાજ સહિતની સંપૂર્ણ રકમ તેમના બેંક ખાતામાં જમા કરવામાં આવશે. તેથી સરકારની આ જાહેરાત રાજ્ય વિકાસ લોનમાં રોકાણ કરનારાઓ માટે મહત્વપૂર્ણ માનવામાં આવી રહી છે.
