ગુજરાતમાં છેલ્લા 24 કલાક દરમિયાન અનેક વિસ્તારોમાં ધોધમાર વરસાદ વરસ્યો છે. રાજ્યના 181 તાલુકાઓમાં વરસાદ નોંધાયો છે. જેમાં 72 તાલુકાઓમાં 1 ઇંચથી વધુ અને 37 તાલુકાઓમાં 2 ઇંચથી વધુ વરસાદ નોંધાયો છે.
વડગામમાં સૌથી વધુ 7.5 ઇંચ વરસાદ નોંધાયો
બનાસકાંઠાના વડગામમાં સૌથી વધુ 7.5 ઇંચ વરસાદ નોંધાયો છે. જ્યારે અરવલ્લીના મોડાસામાં 6.22 ઇંચ, સાબરકાંઠાના તલોદમાં 5.31 ઇંચ, દેહગામમાં 4.80 ઇંચ અને કપરાડામાં 4.62 ઇંચ વરસાદ નોંધાયો છે. મહેસાણા અને લુણાવાડામાં 3.9 ઇંચ, ધરમપુરમાં 3.7 ઇંચ અને પ્રાતિજમાં 3.6 ઇંચ વરસાદ પડ્યો છે.
જુઓ ક્યાં કેટલો વરસાદ વરસ્યો
2 કલાકમાં 103 તાલુકાઓમાં વરસાદ નોંધાયો
આજે સવારે 6 થી 8 કલાકના દરમિયાન માત્ર બે કલાકમાં 103 તાલુકાઓમાં વરસાદ નોંધાયો હતો. જેમાં ખેડાના મહેમદાવાદમાં 3.7 ઇંચ, ભીલોડામાં 2.6 ઇંચ, કઠલાલામાં 2.3 ઇંચ, વઘઈમાં 2.3 ઇંચ અને બાવળામાં 1.8 ઇંચ વરસાદ નોંધાયો છે.
સ્થાનિક નદીઓમાં જળ સ્તર વધ્યું
વરસાદને કારણે સ્થાનિક નદીઓમાં જળ સ્તર વધ્યું છે તેમજ વોકળા ફરી જીવંત થયા છે અને ગ્રામ્ય વિસ્તારોમાં કેટલીક જગ્યાએ પાણી ભરાઈ જવાની ઘટનાઓ સામે આવી છે.
