GIFT (ગુજરાત ઇન્ટરનેશનલ ફાઇનાન્સ ટેક સિટી) ગાંધીનગર ગુજરાત સ્થિત ભારતનું પ્રથમ ચાલતું સ્માર્ટ સિટી અને પ્રથમ ઇન્ટરનેશનલ ફાઇનાન્સ સર્વિસ સેન્ટર છે, જેણે વૈશ્વિક નાણાકીય કેન્દ્ર તરીકે તેની વિશિષ્ટ અને મજબૂત ઓળખ બનાવી છે. ગ્લોબલ ફાઇનાન્શિયલ સેન્ટર ઇન્ડેક્સ (GFIT 37)ના નવા વર્ઝનમાં GIFT સિટીએ અલગ અલગ કેટેગરીમાં સુધારો હાંસલ કર્યો છે.
GFIT 37 માં ગિફ્ટ સિટી કમાલ
GIFT સિટી એ GFIT 37 માં રેપ્યુટેશન ગેઇન રેન્કિંગમાં ટોચનું સ્થાન મેળવ્યું છે. જ્યારે, ફિનટેક રેન્કિંગમાં 45માં સ્થાનેથી 40માં સ્થાને પહોંચી ગયું છે. વધુમાં ગિફ્ટ સિટીએ એશિયા-પેસિફિક ક્ષેત્રના ટોચના 15 નાણાકીય કેન્દ્રોમાં પોતાનું સ્થાન બનાવ્યું છે. આ તમામ બાબતો ગિફ્ટ સિટીની મજબૂત કામગીરી દર્શાવે છે.
🇮🇳🏙️Gujarat's GIFT City climbs to 46th in the Global Financial Centres Index, up from 52nd. A rising star in fintech and finance, it’s cementing its status as a global hub. pic.twitter.com/SNSoy1vAzz
— The Indian Index (@Indian_Index) March 26, 2025
શું કહ્યું મેનેજિંગ ડિરેક્ટરે?
આ અંગે ગિફ્ટ સિટીના મેનેજિંગ ડિરેક્ટર અને ગ્રૂપ સીઇઓ તપન રેએ જણાવ્યું હતું કે GFIT રેન્કિંગમાં ગિફ્ટ સિટીની સતત પ્રગતિ વૈશ્વિક ફાઇનાન્સમાં ભારતના વધતા પ્રભાવને દર્શાવે છે. પ્રતિષ્ઠાના લાભમાં અમારું ટોચનું રેન્કિંગ, ફિનટેકમાં નોંધપાત્ર સુધારો અને મજબૂત કામગીરીએ GIFT સિટીમાં વૈશ્વિક રોકાણકારો અને વ્યવસાયોનો વિશ્વાસ મજબૂત કર્યો છે. અમે બિઝનેસ કરવાની સરળતા, ઈન્ફ્રાસ્ટ્રક્ચર, નિયમનકારી માળખું અને એક ઉત્તમ ઈકો-સિસ્ટમ વધારવા માટે પ્રતિબદ્ધ છીએ. આમ ગિફ્ટ સિટીને અગ્રણી આંતરરાષ્ટ્રીય નાણાકીય કેન્દ્ર બનાવવાનું લક્ષ્ય છે.
દરમિયાન, જેડ/યેન ગ્રૂપના સીઈઓ માઈક વોર્ડલે જણાવ્યું હતું કે ગિફ્ટ સિટી મજબૂત બિઝનેસ માહોલ સાથે આંતરરાષ્ટ્રીય નાણાકીય કેન્દ્ર તરીકે વિકાસ કરી રહ્યું છે અને એશિયા/પેસિફિક પ્રદેશમાં વેપારની સતત વૃદ્ધિ દ્વારા તેને સમર્થન મળી રહ્યું છે.
