રાહુલ ગાંધી 15 એપ્રિલના રોજ ગુજરાત આવી રહ્યા છે, તે પહેલા ગુજરાત કોંગ્રેસના 183 નિરીક્ષકોની યાદી જાહેર થઈ ગઈ છે. જિલ્લા પ્રમુખોની નિમણૂંક માટે તમામ નિરીક્ષકોની પ્રથમ બેઠક 15 એપ્રિલને મંગળવારે યોજાશે.
કોંગ્રેસ પ્રમુખે ગુજરાત માટે AICC અને PCC નિરીક્ષકોની નિમણૂકને, "સંગઠન સૃજન અભિયાન" હેઠળ તાત્કાલિક અસરથી મંજૂરી આપી છે. AICC નિરીક્ષકોને જિલ્લા કોંગ્રેસ સમિતિઓના પ્રમુખોની પસંદગી અને નિમણૂકની પ્રક્રિયા પર દેખરેખ રાખવાનું કામ સોંપવામાં આવ્યું છે. AICC ઓબ્ઝર્વર સાથે ચાર પીસીસી નિરીક્ષકોનું જૂથ 41 જિલ્લા કોંગ્રેસ સમિતિઓમાંની દરેકને સોંપવામાં આવશે. AICC ઓબ્ઝર્વર જૂથના કન્વીનર હશે. ગુજરાતને પહેલાથી જ સોંપાયેલ ચાર AICC સચિવ પોતપોતાના ઝોનમાં કામગીરીનું સંકલન કરશે.
તમામ નિરીક્ષકોની પ્રથમ બેઠક મંગળવાર, 15મી એપ્રિલ 2025ના રોજ બપોરે 3:00 વાગ્યે અરવલ્લી જિલ્લાના મોડાસા શહેરમાં યોજાશે.
"ખાડિયાના ધારાસભ્ય અને આખી કોગ્રેસની માનસિકતા અસ્થિર થઈ ગઈ છે": ઈમરાન ખેડાવાલાના નિવેદન બાદ ભૂષણ ભટ્ટનો વળતો જવાબ
