જાણો સોનાનો ભાવ : સતત પાંચમા દિવસે સોનાની કિંમતમાં ઘટાડો

જો તમે સોનામાં રોકાણ કરવાની યોજના બનાવી રહ્યા છો, તો ભારતમાં સોનાના રોજનાં ભાવ વિશે સચોટ માહિતી હોવી જરૂરી છે. સોનાના રોજના ભાવ (ગોલ્ડ પ્રાઇસ ટુડે) પર નજર રાખવાથી તમને રોકાણમાં મદદ મળી શકે છે.

આજે ભારતમાં 24 કેરેટ સોનાની કિંમત ₹89,450 પ્રતિ 10 ગ્રામ છે, 22 કેરેટની કિંમત ₹82,407 પ્રતિ 10 ગ્રામ અને 18 કેરેટની કિંમત ₹67,424 પ્રતિ 10 ગ્રામ છે.

શેરબજારમાં ઘટાડા વચ્ચે સોનાના ભાવમાં સતત વધારો જોવા મળી રહ્યો હતો. પરંતુ છેલ્લા 4 દિવસથી સોનું સસ્તું થઈ રહ્યું છે. જેના કારણે ભાવમાં 2500 રૂપિયાનો મોટો ઘટાડો જોવા મળી રહ્યો છે.

3 માર્ચે ટ્રેડિંગ દરમિયાન, MCX પર બેન્ચમાર્ક ગોલ્ડ કોન્ટ્રાક્ટ ઘટીને રૂ. 84,511ની નીચી સપાટીએ પહોંચી ગયો હતો. ગયા સપ્તાહે વૈશ્વિક બજારમાં સોનું 3 ટકાથી વધુ નબળું પડ્યું હતું. નિષ્ણાતોના મતે સોનાના ભાવમાં ઘટાડાનું મુખ્ય કારણ ઉપલા સ્તરેથી પ્રોફિટ બુકિંગ છે. આ ઉપરાંત અમેરિકી ડોલરમાં ઉછાળાથી પણ સોનાના ભાવ પર દબાણ જોવા મળ્યું છે.

સોનાના ભાવમાં વધારો થવાનું મુખ્ય કારણ એ છે કે ઘણી સેન્ટ્રલ બેંકો સોનાની ખરીદીમાં વધારો કરી રહી છે. પીપલ્સ બેંક ઓફ ચાઇના (PBoC) એ જાન્યુઆરીમાં 4.5 ટન સોનું ખરીદ્યું હતું. જેના કારણે જાન્યુઆરીના અંત સુધીમાં ચીનની ગોલ્ડ રિઝર્વ વધીને 2,285 ટન થઈ ગઈ છે, જે તેના કુલ ફોરેક્સ રિઝર્વના 5 ટકાથી વધુ છે.

સેન્ટ્રલ બેંક ઓફ ઈન્ડિયા પણ સોનાની ખરીદીમાં પાછળ નથી. સોનાના ભાવમાં વિક્રમી વૃદ્ધિ વચ્ચે આરબીઆઈએ નવા વર્ષની શરૂઆતમાં એટલે કે જાન્યુઆરીમાં ફરીથી સોનું ખરીદ્યું. જાન્યુઆરી 2025 સુધીમાં દેશમાં સોનાનો ભંડાર વધીને 879.01 ટન થયો છે, જે ગયા વર્ષ કરતાં 8 ટકા વધુ છે.