ગાઝામાં કફનની કમી : મૃત્યુ પામનારને ધાબળામાં વીંટીમાં કરાય છે દફન

ગાઝા પટ્ટી આજે ભયાનક માનવ સંકટમાંથી પસાર થઈ રહી છે. સતત ઇઝરાયલી હુમલાઓ અને ગહન ભૂખમરાને કારણે સ્થિતિ એટલી ગંભીર બની ગઈ છે કે મૃતદેહોને દફનાવવા કફન પણ ઉપલબ્ધ નથી. હોસ્પિટલો, શમશાન અને રાહત કેન્દ્રો ભરાઈ ચૂક્યા છે, જ્યારે જીવતા લોકો ભુખ અને ભય વચ્ચે જીવવાનો સંઘર્ષ કરી રહ્યાં છે.

સફેદ કફનની અછત, હવે ધાબળામાં દફનાઈ રહ્યા મૃતદેહો

ગાઝાના આરોગ્ય અધિકારીઓએ જણાવ્યું કે હવે મૃતદેહોને પરંપરાગત સફેદ કફનના બદલે રંગીન જાડા ધાબળામાં લપેટી દફનાવવાની ફરજ પડી રહી છે. ઇસ્લામિક અંતિમ વિધિમાં આ દૃશ્ય દુઃખદ અને અસ્વીકાર્ય ગણાય છે, પરંતુ પરિસ્થિતિએ લોકોને મજબૂર કરી દીધા છે.

4 ઓગસ્ટના હવાઈ અને સ્થલ હુમલાઓ: 40થી વધુના મોત

સોમવારે ઇઝરાયલી સૈન્યના ગોળીબાર અને હવાઈ હુમલાઓમાં ઓછામાં ઓછા 40 પેલેસ્ટિનિયનોએ જીવ ગુમાવ્યો, જેમાંથી 10 લોકો એવા હતા કે જેમણે યુએસ સમર્થિત ‘ગાઝા હ્યુમેનિટેરિયન ફાઉન્ડેશન (GHF)’ના રાહત કેન્દ્રોમાં શરણ લીધી હતી. દક્ષિણ અને મધ્ય ગાઝાની બે જુદી-જુદી ઘટનાઓમાં આ મૃત્યુ થયા.

ભૂખમરા અને ગોળીબારના બેहरा દ્રશ્યો

પેલેસ્ટિનિયન નાગરિક બિલાલ થારીએ કહ્યું:

“જે કોઈ લોટ લેવા જાય છે, તે કાં તો લોટની બોરી લઈને પાછું આવે છે, ના તો મૃતદેહ તરીકે. સુરક્ષિત પાછું ફરવાનું કોઈ ગેરંટી નથી.”

ઝિકિમ ક્રોસિંગ પર રાહતની રાહ જોતા 13 લોકો પણ ઇઝરાયલી ગોળીબારમાં મૃત્યુ પામ્યા હતા. બીજીતરફ, ગાઝામાં છેલ્લા 24 કલાકમાં ભૂખમરા અને કુપોષણથી વધુ 5 લોકોનાં મોત થયા છે. કુલ મૃત્યુઆંક હવે 180ના પાર પહોંચી ગયો છે, જેમાં 93 બાળકોનો સમાવેશ થાય છે.

ઇઝરાયલની વ્યૂહરચના અને જવાબદારી

ઇઝરાયલ સોમવારના હુમલાઓ અંગે કોઈ સીધી ટિપ્પણી કરી નથી. વડા પ્રધાન બેન્જામિન નેતન્યાહૂએ જણાવ્યું છે કે તેઓ આ અઠવાડિયે સુરક્ષા મંત્રીમંડળ સાથે ભવિષ્યની વ્યૂહરચનાની ચર્ચા કરશે.

રાહત પહોંચતી નથી, રસ્તામાં લૂંટાઈ રહી છે

ઇઝરાયલી લશ્કરી એજન્સી COGAT મુજબ ગયા અઠવાડિયે 1,200 ટ્રક દ્વારા 23,000 ટન સહાય ગાઝા મોકલવામાં આવી, પરંતુ વાસ્તવિક વિતરણ અધૂરુ છે. યૂએન અનુસાર, દરરોજ ઓછામાં ઓછા 600 ટ્રકની જરૂરિયાત છે, જ્યારે અસલમાં આવી પહોંચતાં ટ્રક સંખ્યાબંધ છે. ઘણીવાર ટ્રકોને રસ્તામાં લૂંટી લેવામાં આવે છે.

યુદ્ધનો પડઘો: 60,000 થી વધુ મૃત્યુ પામ્યા

2023ની 7 ઓક્ટોબરે હમાસના હુમલા બાદ શરૂ થયેલા યુદ્ધમાં અત્યાર સુધી 60,000થી વધુ પેલેસ્ટિનિયનોએ જીવ ગુમાવ્યો છે, જ્યારે ઇઝરાયલ અનુસાર ગાઝામાં હજી પણ 50 બંધકીઓ છે, જેમાંથી લગભગ 20ના જીવિત હોવાનો અંદાજ છે.