FIFA World Cup 2026 : ફિફા વર્લ્ડ કપ 2026ના ગ્રુપ Gમાં બેલ્જિયમ અને ઈરાન વચ્ચે રમાયેલી મેચ ભારે રોમાંચક અને રસાકસીભરી રહી હતી. આ મુકાબલો 0-0થી ડ્રો પર સમાપ્ત થયો હતો, જેના કારણે બંને ટીમોના ખાતામાં 1-1 પોઈન્ટ આવ્યો છે. મેચ દરમિયાન કેટલીક એવી અસામાન્ય ઘટનાઓ બની જેણે દુનિયાભરના ફૂટબોલ ચાહકોનું ધ્યાન ખેંચ્યું હતું, જેમાં બેલ્જિયમની ટીમનો અનોખો સંઘર્ષ અને એક અદ્ભુત વ્યૂહરચના જોવા મળી હતી.
મેચનું પરિણામ અને ગોલકીપિંગ
બેલ્જિયમ અને ઈરાન વચ્ચેનો આ મુકાબલો ખૂબ જ રસાકસીભર્યો રહ્યો હતો. બેલ્જિયમની ટીમે ગોલ કરવા માટે ઘણી તકો બનાવી હતી, પરંતુ તેઓ તેનો લાભ ઉઠાવી શક્યા ન હતા. બીજી તરફ, ઈરાનના ગોલકીપર અલીરેઝા બેઇરાનવંદે શાનદાર ગોલકીપિંગનું પ્રદર્શન કર્યું હતું. તેમણે બેલ્જિયમના દરેક પ્રહારને રોકીને પોતાની ટીમને હારથી બચાવી લીધી હતી, જેના કારણે મેચ ગોલરહિત ડ્રોમાં સમાપ્ત થઈ.
આ પણ ખાસ વાંચો : મેસ્સીના ખોળામાં રમેલું આ બાળક આજે વર્લ્ડ કપમાં ચમક્યો : પહેલા ગોલ સાથે બન્યો એવો સંયોગ કે ફૂટબોલ ચાહકો પણ રહી ગયા આશ્ચર્યમાં
રેડ કાર્ડની મુશ્કેલી
મેચની 66મી મિનિટે બેલ્જિયમની ટીમને એક મોટો ઝટકો લાગ્યો હતો. ટીમના ખેલાડી નાથન ન્ગોયને અમ્પાયર દ્વારા રેડ કાર્ડ બતાવવામાં આવ્યું હતું. આ કારણે બેલ્જિયમે મેચની છેલ્લી મિનિટોમાં માત્ર 10 ખેલાડીઓ સાથે જ રમવું પડ્યું હતું. ઈરાનની ટીમ પાસે એક વધારાના ખેલાડીનો ફાયદો હતો, તેમ છતાં તેઓ બેલ્જિયમના મજબૂત સંરક્ષણને તોડી શક્યા નહીં અને આ તકનો લાભ ઉઠાવવામાં અસમર્થ રહ્યા.
આ પણ ખાસ વાંચો : 'વધુ વિચારીશ નહીં...' : કોચ કાનિટકરની આ સલાહે વૈભવને બનાવ્યો ફાઇનલનો હીરો
મેદાન પર અસામાન્ય ઘટના
આ મેચ દરમિયાન એક ખૂબ જ અજીબ પરિસ્થિતિ સર્જાઈ હતી. બેલ્જિયમના સ્ટાર ખેલાડી લીએન્ડ્રો ટ્રોસાર્ડ મેદાન પર ઈજાગ્રસ્ત થયા હતા. ફિફાના નિયમો અનુસાર, જો મેડિકલ ટીમ મેદાન પર આવીને ખેલાડીની સારવાર કરે, તો તે ખેલાડીએ ઓછામાં ઓછી 1 મિનિટ માટે મેદાનની બહાર જવું પડે છે. બેલ્જિયમની ટીમ તે સમયે 10 ખેલાડીઓ સાથે રમવાનું જોખમ લેવા માંગતી ન હતી, તેથી સાથી ખેલાડીઓએ મેડિકલ સ્ટાફને મેદાનમાં પ્રવેશતા મજબૂતીથી અટકાવ્યો હતો.
આ પણ ખાસ વાંચો : FIFAમાં મોં ઢાંકવા બદલ પહેલી વાર અપાયું રેડ કાર્ડ : રેફરીના નિર્ણયથી ખેલાડીઓ પણ ચોંક્યા, સોશિયલ મીડિયા પર શરૂ થઈ ભારે ચર્ચા
ટ્રોસાર્ડની ઈજા અને જુસ્સો
આ ઘટના મેચની શરૂઆતમાં ઈરાનના ખેલાડી અલીરેઝા જહાનબખ્શ અને 1994માં જન્મેલા ટ્રોસાર્ડ વચ્ચે થયેલી જોરદાર અથડામણ બાદ બની હતી. જહાનબખ્શના જૂતાનું તળિયું ટ્રોસાર્ડના પગની ઘૂંટી પર સીધું વાગ્યું હતું. આ ટક્કર એટલી જોરદાર હતી કે આર્સેનલના આ ખેલાડીના મોજાં ફાટી ગયા હતા અને પગ પર ઊંડા લાલ નિશાન પડી ગયા હતા. ભારે પીડા હોવા છતાં, સાથી ખેલાડીઓના કહેવાથી ટ્રોસાર્ડ થોડી જ સેકન્ડોમાં ઊભો થઈ ગયો અને કોઈ પણ તબીબી સહાય વિના રમત ચાલુ રાખી.
અગાઉની મેચની યાદો
આ પહેલા 16 જૂનની સવારે રમાયેલી ગ્રુપ Gની અન્ય એક મેચમાં પણ આવો જ રોમાંચ જોવા મળ્યો હતો. ઇજિપ્ત અને બેલ્જિયમ વચ્ચેની એ મેચ પણ 1-1થી ડ્રો રહી હતી. તે મેચમાં ઇમામ અશુરે પેનલ્ટી એરિયાની બહારથી એક એવો પાવરફુલ શોટ માર્યો હતો કે બેલ્જિયમના પ્રખ્યાત ગોલકીપર કોર્ટોઇસે પૂરી તાકાતથી ડાઇવ લગાવી હોવા છતાં તેઓ તે ગોલ બચાવવામાં લાચાર સાબિત થયા હતા.
