Dual WhatsApp: આજકાલ મોટાભાગના લોકો એક સ્માર્ટફોનમાં બે સિમ કાર્ડનો ઉપયોગ કરે છે. એક નંબર વ્યક્તિગત વાતચીત માટે અને બીજો ઓફિસ અથવા બિઝનેસ માટે. પરંતુ ઘણીવાર પ્રશ્ન થાય છે કે એક જ મોબાઇલમાં બે અલગ-અલગ WhatsApp એકાઉન્ટ કેવી રીતે ચલાવવાના? ઘણા લોકો તેના માટે થર્ડ-પાર્ટી એપ્સ ડાઉનલોડ કરે છે, જેનાથી ડેટા લીક અને પ્રાઇવસીનું જોખમ વધી શકે છે. સારી વાત એ છે કે હવે કોઈપણ અનધિકૃત એપની જરૂર નથી. WhatsApp અને સ્માર્ટફોન કંપનીઓએ જ એવા ફીચર્સ આપ્યા છે, જેના દ્વારા તમે સરળતાથી બે અલગ નંબરથી WhatsApp ચલાવી શકો છો.
WhatsAppનું 'Add Account' ફીચર
WhatsApp હવે એક જ એપમાં બે અલગ-અલગ એકાઉન્ટ ઉમેરવાની સુવિધા આપે છે.
કેવી રીતે કરશો?
WhatsApp ખોલો.
ઉપર જમણી બાજુ દેખાતા ત્રણ ડોટ (⋮) પર ટેપ કરો.
Settingsમાં જાઓ.
તમારા નામ અથવા પ્રોફાઇલ પર ટેપ કરો.
હવે Add Account વિકલ્પ પસંદ કરો.
બીજો મોબાઇલ નંબર દાખલ કરીને OTP દ્વારા વેરિફાય કરો.
ત્યારબાદ તમે જ્યારે ઇચ્છો ત્યારે એક જ એપમાં બંને એકાઉન્ટ વચ્ચે સરળતાથી સ્વિચ કરી શકો છો.
ફોનનું 'Dual Apps' અથવા 'App Clone' ફીચર
મોટાભાગના Android સ્માર્ટફોનમાં પહેલેથી જ Dual Apps, Clone App, App Twin અથવા Dual Messenger જેવા ફીચર્સ આપવામાં આવે છે.
આ રીતે ઉપયોગ કરો:
ફોનની Settingsમાં જાઓ.
Dual Apps, Clone Apps, App Twin અથવા સમાન વિકલ્પ શોધો.
તેમાં WhatsApp પસંદ કરીને ફીચર ચાલુ કરો.
હવે તમારા ફોનમાં WhatsAppનું બીજું આઇકન દેખાશે.
તેમાં બીજા નંબરથી લોગિન કરો.
આ રીતે બંને WhatsApp અલગ-અલગ એપ તરીકે કામ કરશે.
WhatsApp Business પણ છે શ્રેષ્ઠ વિકલ્પ
જો તમારો બીજો નંબર ઓફિસ અથવા બિઝનેસ માટે છે તો WhatsApp Business સૌથી સુરક્ષિત વિકલ્પ છે.
આ માટે:
Google Play Store અથવા Apple App Store પરથી WhatsApp Business ડાઉનલોડ કરો.
તમારો ઓફિસ અથવા બિઝનેસ નંબર તેમાં રજિસ્ટર કરો.
વ્યક્તિગત નંબર સામાન્ય WhatsAppમાં જ રાખો.
આથી પર્સનલ અને પ્રોફેશનલ ચેટ્સ સંપૂર્ણપણે અલગ રહેશે.
થર્ડ-પાર્ટી એપ્સથી દૂર રહો
ઘણા લોકો ઇન્ટરનેટ પરથી અનધિકૃત WhatsApp ક્લોન એપ્સ ડાઉનલોડ કરે છે, પરંતુ તે જોખમી બની શકે છે.
આવી એપ્સનો ઉપયોગ કરવાથી:
વ્યક્તિગત માહિતી ચોરી થઈ શકે છે.
બેન્કિંગ અથવા અન્ય સંવેદનશીલ ડેટા જોખમમાં આવી શકે છે.
તમારું WhatsApp એકાઉન્ટ બ્લોક થઈ શકે છે.
ફોનમાં માલવેર અથવા વાયરસ આવી શકે છે.
તેથી હંમેશા WhatsAppના ઓફિશિયલ ફીચર્સ અથવા તમારા ફોનમાં ઉપલબ્ધ ઇન-બિલ્ટ ફીચર્સનો જ ઉપયોગ કરો.
આ પણ વાંચો: હેલ્મેટ પહેર્યું છે છતાં કપાશે ચલણ : આ બે ભૂલો તમને પડી શકે છે ભારે! જાણો નવા નિયમો
શા માટે આ રીતો વધુ સુરક્ષિત છે?
WhatsAppનું Add Account, ફોનનું Dual Apps ફીચર અને WhatsApp Business – ત્રણેય ઓફિશિયલ અને સુરક્ષિત વિકલ્પો છે. આ રીતોથી તમારો ડેટા સુરક્ષિત રહે છે અને અલગ-અલગ નંબર માટે સરળતાથી WhatsApp ચલાવી શકાય છે.
