કેવી રીતે થયું સુશાંતસિંહ રાજપૂતની મેનેજર : દિશા સાલિયાનનું મૃત્યુ? જાણો આખો ઘટનાક્રમ

દિશા સાલિયાનના પિતા સતીશ સાલિયાને બોમ્બે હાઈકોર્ટમાં એક અરજી દાખલ કરી છે. તેમણે આ મામલે ફરીથી તપાસની માગ કરી છે. તેમણે આ કેસ સીબીઆઈને સોંપવાની માગ કરી હતી. એટલું જ નહીં તેમણે દાવો પણ કર્યો છે કે તેની દીકરી પર ગેંગરેપ કરવામાં આવ્યો હતો. ત્યારબાદ તેની હત્યા કરવામાં આવી હતી.

સતીશ સાલિયાને આદિત્ય ઠાકરે, સૂરજ પંચોલી અને ડિનો મોરિયા પર ગંભીર આરોપ લગાવ્યા છે. મુંબઈ પોલીસ સત્ય છુપાવવાનો પ્રયાસ કરી રહી છે. આ કેસમાં અત્યાર સુધી શું શું થયું તેની પર નજર કરીએ.

8 જૂન 2020-દિશા સાલિયનનું મુંબઈના મલાડના 14મા માળેથી પડી જવાથી મૃત્યુ થયું. મુંબઈ પોલીસે આત્મહત્યા તરીકે કેસની તપાસ શરૂ કરી હતી.

9 જૂન 2020-મુંબઈ પોલીસે દિશાના મિત્રો અને પાર્ટીમાં હાજર લોકોની પૂછપરછ કરી, પરંતુ કોઈ ષડયંત્રની શંકા નહોતી કરી.

10 જૂન 2020-દિશાના મૃત્યુ અંગે મીડિયામાં પ્રશ્નો ઉભા થવા લાગ્યા, કેટલાક અહેવાલોએ તેને એક મોટા ષડયંત્ર સાથે જોડ્યું.

14 જૂન 2020-અભિનેતા સુશાંત સિંહ રાજપૂતના મૃત્યુએ દિશા સાલિયાન કેસને ફરી ચર્ચામાં લાવ્યો, જેમાં બંને કેસોને જોડતી અટકળોએ જોર પકડ્યું.

16 જૂન 2020-દિશાના પરિવારે મીડિયાને અપીલ કરી કે તેઓ તેમની પુત્રીના મૃત્યુ વિશે અફવા ન ફેલાવે.

20 જૂન 2020-મુંબઈ પોલીસે ફરીથી પુનરાવર્તન કર્યું કે દિશાનું મૃત્યુ આત્મહત્યા હતી અને તેમાં કોઈ કાવતરું મળ્યું ન હતું.

જુલાઈ-ઓગસ્ટ 2020-સુશાંત અને દિશાના કેસો અંગે અનેક કાવતરાના સિદ્ધાંતો બહાર આવ્યા, પરંતુ મુંબઈ પોલીસે દિશાના મૃત્યુને આત્મહત્યા ગણાવી.

સપ્ટેમ્બર 2020: સીબીઆઈએ સુશાંત સિંહ રાજપૂત કેસની તપાસ શરૂ કરી, પરંતુ દિશાનો કેસ મુંબઈ પોલીસ પાસે જ રહ્યો.

ઓક્ટોબર 2020-પોલીસે દિશા સાલિયાન કેસને આત્મહત્યા તરીકે બંધ કર્યો, જોકે કાવતરાની અટકળો ચાલુ રહી.

માર્ચ 2021-મુંબઈ પોલીસે અંતિમ અહેવાલમાં દિશાના મૃત્યુને આત્મહત્યા જાહેર કરી, કોઈ ગુનાહિત પુરાવા મળ્યા નથી.

જૂન 2024-ભાજપ નેતા નિતેશ રાણેએ દાવો કર્યો કે દિશાની હત્યા કરવામાં આવી હતી અને પુરાવાનો નાશ કરવામાં આવ્યો હતો. તેમણે આદિત્ય ઠાકરે સામે ગંભીર આક્ષેપો કર્યા હતા.

19 માર્ચ, 2025: દિશા સાલિયાનના પિતા સતીશ સાલિયાને બોમ્બે હાઈકોર્ટમાં અરજી દાખલ કરીને કેસની ફરીથી તપાસ અને આદિત્ય ઠાકરે સામે એફઆઈઆરની માંગ કરી.

20 માર્ચ, 2025: પોતાની સામેના આરોપોને ફગાવી દેતા આદિત્ય ઠાકરેએ મહારાષ્ટ્ર સરકાર પર તેમની છબી ખરાબ કરવાનો આરોપ લગાવ્યો અને કહ્યું કે તેઓ કોર્ટમાં પોતાનો બચાવ કરશે.