દિલ્હીથી બેંગકોક જતી એર ઈન્ડિયાની ફ્લાઈટમાં એક મુસાફરે અન્ય મુસાફર પર કથિત રીતે પેશાબ કર્યો હતો. સૂત્રોએ જણાવ્યું કે એર ઈન્ડિયાએ ડિરેક્ટોરેટ જનરલ ઓફ સિવિલ એવિએશન (DGCA)ને આ ઘટના અંગે જાણ કરી છે. જ્યારે આ ઘટના વિશે પૂછવામાં આવ્યું ત્યારે, નાગરિક ઉડ્ડયન મંત્રી કે. રામ મોહન નાયડુએ કહ્યું કે મંત્રાલય આ ઘટનાની નોંધ લેશે અને ઉડ્ડયન કંપની સાથે વાત કરશે. નાયડુએ દિલ્હીમાં એક કાર્યક્રમ દરમિયાન કહ્યું હતું કે, જો કંઈક ખોટું થયું હશે તો અમે જરૂરી પગલાં લઈશું.
એર ઈન્ડિયાએ કહ્યું ફ્લાઈટમાં શું થયું?
એર ઈન્ડિયાએ આ ઘટના પર એક નિવેદન જારી કર્યું છે, જેમાં કહેવામાં આવ્યું છે કે 9 એપ્રિલના રોજ દિલ્હીથી બેંગકોક જઈ રહેલી ફ્લાઈટ (AI2336)ના કેબિન ક્રૂને પેસેન્જરની ક્રિયાઓ વિશે જાણ કરવામાં આવી હતી. નિયમોને અનુસરીને, આ બાબતની જાણ અધિકારીઓને કરવામાં આવી હતી. પેસેન્જરને ચેતવણી આપવા ઉપરાંત, અમારા ક્રૂએ પીડિતને બેંગકોકના અધિકારીઓને ફરિયાદ કરવામાં મદદ કરવાની ઓફર પણ કરી હતી, જે તેણે તે સમયે નકારી કાઢી હતી. જો આ કેસમાં આરોપીઓ સામે કોઈ કાર્યવાહીની જરૂર પડશે તો તેના માટે સ્વતંત્ર કમિટી બોલાવવામાં આવશે. એર ઈન્ડિયા આવા કિસ્સાઓમાં DGCA દ્વારા નિર્ધારિત SOPનું પાલન કરે છે.
આવી જ ઘટના 3 વર્ષ પહેલા બની હતી
આ ઘટનાથી લગભગ 3 વર્ષ પહેલા બનેલા આવા જ કિસ્સાની યાદો તાજી થઈ ગઈ છે. આ ઘટના 26 નવેમ્બર 2022ની છે. એર ઈન્ડિયાની ફ્લાઈટ (AI-102) ન્યૂયોર્કથી દિલ્હી આવી રહી હતી. બિઝનેસ ક્લાસમાં મુસાફરી કરી રહેલા શંકર મિશ્રાએ દારૂના નશામાં એક વૃદ્ધ મહિલા મુસાફર પર પેશાબ કર્યો હતો. આ મામલો ત્યારે ચર્ચામાં આવ્યો જ્યારે મહિલાએ ઘટનાના લગભગ એક મહિના પછી એર ઈન્ડિયા અને DGCAમાં ફરિયાદ નોંધાવી.
એરલાઇનને દંડ પણ ફટકારવામાં આવ્યો હતો
આ પછી મામલો વધી ગયો. ત્યારબાદ જાન્યુઆરી 2023માં શંકર મિશ્રાની ધરપકડ કરવામાં આવી હતી. એટલું જ નહીં આ કેસમાં એર ઈન્ડિયાને પણ બદનામ કરવામાં આવી હતી. એર ઈન્ડિયા પર બેદરકારીનો આરોપ લાગ્યો હતો. આના પર કાર્યવાહી કરતા ડિરેક્ટોરેટ જનરલ ઓફ સિવિલ એવિએશન (DGCA) એ એરલાઇન પર દંડ પણ લગાવ્યો હતો.
ત્યારે કંપનીના CEOએ શું કહ્યું?
આ મામલામાં કર્મચારીઓને કંપનીના સીઈઓના રોષનો પણ સામનો કરવો પડ્યો હતો. સીઈઓએ કર્મચારીઓને ઈમેલ મોકલ્યો હતો. જેમાં કહેવામાં આવ્યું હતું કે જે રીતે રજૂઆત કરવામાં આવી છે તેના કરતા મામલો મોટો છે. કોઈપણ ખોટી પ્રવૃત્તિ સાથે યોગ્ય રીતે વ્યવહાર કરવો જોઈએ. ડીજીસીઆઈએ એર ઈન્ડિયાને પત્ર લખીને આ બાબતે નારાજગી વ્યક્ત કર્યા બાદ સીઈઓ તરફથી આ મેલ આવ્યો છે.
આરોપીની કબૂલાત
આરોપીએ આ ઘૃણાસ્પદ કૃત્ય કર્યા પછી, ક્રૂએ તેને મહિલાની માફી માંગવા કહ્યું. ફ્લાઈટ લેન્ડ થયા બાદ તેણે આ માટે માફી માંગી હતી. તેણે મને પોલીસ ફરિયાદ ન કરવા પણ કહ્યું. એર ઈન્ડિયાએ 28 ડિસેમ્બરે આ મામલે કેસ નોંધ્યો હતો. બીજી તરફ, નાગરિક ઉડ્ડયન મહાનિર્દેશાલયે એર ઈન્ડિયાને કારણ બતાવો નોટિસ પાઠવી હતી અને બે અઠવાડિયામાં જવાબ માંગ્યો હતો.
US ફેડનો મોટો નિર્ણય: અમેરિકી ફેડરલ રિઝર્વે વ્યાજ દરોમાં કોઈ ફેરફાર ન કર્યો
