ગુજરાત રાજ્યમાં સાયબર ગુનાખોરી સામે સ્ટેટ સાયબર ક્રાઈમે મોટી કાર્યવાહી હાથ ધરી છે. તાજેતરમાં રૂપિયા 190 કરોડથી વધુની સાયબર ઠગાઈનો પર્દાફાશ કરવામાં આવ્યો છે અને આ કેસમાં 6 આરોપીઓને પોલીસે ધરપકડ કરી છે. માહિતી મુજબ, આરોપીઓ વિવિધ બેંકોમાં મ્યુલ એકાઉન્ટ ખોલાવીને ઠગાઈના નાણાં તેમાં ટ્રાન્સફર કરતા હતા. આ એકાઉન્ટો દ્વારા નાણાં દુબઈ મોકલવામાં આવતા હતા, જેમાં ક્રિપ્ટોકરન્સી તથા આંગડિયા મારફતે રોકડ રકમ રૂપે પૈસા ટ્રાન્સફર કરવામાં આવતા હતા.
ગુજરાત સાયબર ક્રાઈમની મોટી કાર્યવાહી
સાયબર ક્રાઈમ ટીમને તપાસ દરમિયાન મોરબી અને સાવરકુંડલા વિસ્તારમાં આવેલા કેટલાક બેંક એકાઉન્ટ શંકાસ્પદ જણાયા હતા. પોલીસે આ એકાઉન્ટ ધારકોની વિગતવાર પૂછપરછ કરી હતી. અત્યાર સુધીમાં 386 ગુનાઓ નોંધાઈ ચૂક્યા છે અને કુલ 200 કરોડ રૂપિયા જેટલી છેતરપિંડીની ફરિયાદ મળી છે. ઠગો લોકો સાથે પાર્ટ ટાઈમ જોબ, ઓનલાઈન ઇન્વેસ્ટમેન્ટ અને ઊંચા નફાના લાલચ આપી ઠગાઈ કરતા હતા. અનેક લોકો સાથે નકલી વેબસાઈટ્સ અને લિંક મારફતે સંપર્ક કરી, પૈસા વિવિધ એકાઉન્ટમાં ટ્રાન્સફર કરાવતા હતા. ત્યારબાદ તે નાણાં ક્રિપ્ટોકરન્સી રૂપે વિદેશ, ખાસ કરીને દુબઈ મોકલવામાં આવતા હતા.
190 કરોડથી વધુની સાયબર ઠગાઈનો પર્દાફાશ
પોલીસ તપાસમાં બહાર આવ્યું છે કે, આરોપીઓ એપીએમસીમાં પેઢીના નામે અને એનજીઓના નામે બેંક એકાઉન્ટ ખોલાવતા હતા. આ એકાઉન્ટનો ઉપયોગ ફ્રોડ રકમ ટ્રાન્સફર કરવા માટે થતો હતો. સાયબર ટીમે જણાવ્યું છે કે, મૂળ છેતરપિંડી કરનારા વિદેશમાં બેઠેલા માસ્ટરમાઈન્ડ સુધી પહોંચવા માટે તપાસ ચાલુ છે. પોલીસના જણાવ્યા મુજબ, એકાઉન્ટ ધારકોને પણ હવે સહજ રીતે વિશ્વાસમાં લેવામાં આવતું નથી, કારણ કે ઠગો પહેલેથી નાણાં ઉઘરાવી ફ્રોડ અમાઉન્ટ ખાતામાં ટ્રાન્સફર કરાવતાં હતા. ગુજરાત સાયબર ક્રાઈમ વિભાગે નાગરિકોને ચેતવણી આપી છે
