આજકાલ ક્રેડિટ કાર્ડ માત્ર લક્ઝરી નહીં પરંતુ જરૂરિયાત બની ચૂક્યા છે. ખાસ કરીને યુવા પેઢી ખરીદારીથી લઈને બિલ પેમેન્ટ સુધી દરેક કામમાં ક્રેડિટ કાર્ડનો ઉપયોગ કરતી થઈ છે. રિવોર્ડ પોઈન્ટ, કેશબેક, ડિસ્કાઉન્ટ અને ખાસ ઑફર્સને કારણે તેનો ઉપયોગ ફાયદાકારક બને છે. પરંતુ, જો તેનો યોગ્ય ઉપયોગ ન થાય તો તે દેવું વધારવાનું સાધન બની શકે છે.
ક્રેડિટ કાર્ડ વપરાશકર્તાઓએ નાણાકીય નુકસાન ટાળવા માટે કેટલીક પરિસ્થિતિમાં તેનો ઉપયોગ ક્યારેય ન કરવો જોઈએ. નીચેની ત્રણ ભૂલો ખાસ કરીને ખતરનાક ગણાય છે:
1. ક્યારેય ક્રેડિટ કાર્ડથી રોકડ ઉપાડશો નહીં
ક્રેડિટ કાર્ડમાંથી રોકડ ઉપાડવું સૌથી મોટી ભૂલોમાંની એક છે.
રોકડ ઉપાડવા પર પ્રથમ જ દિવસથી વ્યાજ લાગુ પડે છે.
સાથે જ કેશ એડવાન્સ ફી જેવા વધારાના શુલ્ક વસૂલવામાં આવે છે.
આ બંને ખર્ચ મળીને તમારું દેવું ઝડપથી વધી શકે છે. તેથી ATMમાંથી ક્યારેય ક્રેડિટ કાર્ડ વડે કેશ ન કાઢવું.
2. મર્યાદાથી વધુ ખર્ચ ક્યારેય ન કરો
દરેક કાર્ડની એક વ્યક્તિગત ક્રેડિટ લિમિટ હોય છે.
જો તમારી મર્યાદા ₹30,000 છે તો તેનાથી વધુ કે લગભગ બરોબર સુધી પહોંચતો ખર્ચ પણ જોખમી બની શકે છે.
મર્યાદા પાર કરતાં ઓવર-લિમિટ ફી લાગી શકે છે.
વધારામાં, તે ક્રેડિટ સ્કોર પર નકારાત્મક અસર કરે છે.
તમારો ઉપયોગ લિમિટના 30–40% સુધી રાખશો તો સૌથી સારું.
3. ફક્ત ‘Minimum Due’ ચૂકવવાની ભૂલ ન કરો
ઘણા લોકો સંપૂર્ણ બિલ ચૂકવવાને બદલે ફક્ત ન્યૂનતમ બાકી રકમ (Minimum Due) ચૂકવે છે.
આમ કરવાથી તમે દિવસે દિવસે વ્યાજ ભરતા રહો છો અને તમારું બિલ સતત વધી જાય છે.
જો તમે આખું બિલ ચૂકવી શકતા નથી તો કાર્ડનો ઉપયોગ ઘટાડવો કે તાત્કાલિક બંધ કરવો સમજદારીભર્યો નિર્ણય છે.
