બજેટમાં મોદી સરકારની મોટી જાહેરાત : કરદાતાઓને સૌથી મોટી ભેટ; હવે 2 વર્ષને બદલે 4 વર્ષમાં ફાઇલ કરી શકશે ITR-U

Union Budget 2025: કેન્દ્રીય નાણામંત્રી નિર્મલા સીતારમણે શનિવારે દેશનું સામાન્ય બજેટ રજૂ કર્યું. મોદી સરકાર 3.0નું આ પહેલું પૂર્ણ સામાન્ય બજેટ છે. આ બજેટમાં મોદી સરકારે કરદાતાઓ માટે મોટી જાહેરાત કરી છે. વાસ્તવમાં નાણામંત્રીએ ITR ફાઈલ કરવાની સમયમર્યાદા વધારી દીધી છે.

આ અંગે સ્પષ્ટતા કરતાં CA મનીષ મલ્હોત્રાએ જણાવ્યું હતું કે અગાઉ અપડેટેડ રિટર્ન (ITR-U) ફાઇલ કરવાની સમય મર્યાદા બે વર્ષની હતી. પરંતુ હવે સરકારે આ સમયગાળો વધારીને 4 વર્ષ કરી દીધો છે. તમને જણાવી દઈએ કે, હાલમાં 30 ડિસેમ્બર સુધી રિટર્ન ફાઈલ ન કરવા પર 1000 રૂપિયાનો દંડ છે અને 30 ડિસેમ્બર પછી રિટર્ન ફાઈલ કરનારા માટે 5000 રૂપિયાનો દંડ છે.

મોટી સંખ્યામાં કરદાતાઓને લાભ મળશે
સીએ મનીષ મલ્હોત્રાના જણાવ્યા અનુસાર કેન્દ્ર સરકારના આ નિર્ણયથી મોટી સંખ્યામાં લોકોને ફાયદો થશે. ઘણી વખત લોકો કોઈને કોઈ કારણોસર આવકવેરા રિટર્ન ફાઈલ કરી શકતા ન હતા. આમ કરનારાઓ પર દંડની જોગવાઈ પણ છે, પરંતુ હવે ITR નિયમોમાં સુધારા બાદ તેમને અપડેટેડ રિટર્ન ફાઈલ કરવા માટે 4 વર્ષ સુધીનો સમય મળશે.

તમને રિટર્ન ફાઈલ કરવા માટે 45 દિવસનો સમય મળશે
સીએએ વધુમાં જણાવ્યું હતું કે લોકો હવે કોઈપણ આકારણી વર્ષ માટે 2ને બદલે 4 વર્ષમાં ITR-U ફાઇલ કરી શકશે. તેમણે કહ્યું કે હાલમાં 31મી જુલાઈ સુધીમાં રિટર્ન ભરવાનું રહેશે. આ માટેનું ફોર્મ 16 15મી જૂન સુધીમાં મેળવી લેવાશે. રિટર્ન ફાઈલ કરવા માટે તમને 45 દિવસ સુધીનો સમય મળે છે. અત્યાર સુધી અપડેટેડ રિટર્ન 2 વર્ષ સુધી ફાઇલ કરી શકતા હતા, પરંતુ હવે તેના માટે 4 વર્ષનો સમય મળશે.