શું તમે જાણો છો? : ATM માંથી પૈસા ઉપાડવા સિવાય પણ કરી શકો છો આ 7 મહત્વપૂર્ણ કામ

એટીએમ યુઝર્સ માત્ર તેમના કાર્ડમાંથી રોકડ ઉપાડી શકતા નથી પરંતુ એટીએમ દ્વારા મિની સ્ટેટમેન્ટ, બેલેન્સ ઇન્ક્વાયરી, ફંડ ટ્રાન્સફર વગેરે જેવા અન્ય ઘણા કાર્યો પણ કરી શકે છે.

1. Mini Statement
તમને જણાવી દઈએ કે મિની સ્ટેટમેન્ટ માટે તમારે બેંકની શાખામાં જવાની જરૂર નથી. તમે ATM પર જઈને તમારા કાર્ડની મદદથી મિની સ્ટેટમેન્ટ મેળવી શકો છો.

2. Balance Inquery
તમે એટીએમ મશીનથી ગમે ત્યારે તમારું બેંક બેલેન્સ ચેક કરી શકો છો. આ સેવા 24 કલાક ઉપલબ્ધ છે. આ માટે લાઈનમાં ઉભા રહેવાની કે કોઈ ફોર્મ ભરવાની જરૂર નથી.

3. ફંડ ટ્રાન્સફર
SBI અને PNB જેવી કેટલીક બેંકોના ATMમાં કાર્ડ-ટુ-કાર્ડ ફંડ ટ્રાન્સફરની સુવિધા ઉપલબ્ધ છે. તમે એક એટીએમ કાર્ડમાંથી બીજા એટીએમ કાર્ડમાં પૈસા ટ્રાન્સફર કરી શકો છો.

4. ATM પિન બદલવો
તમને જણાવી દઈએ કે જો તમે તમારો પિન ભૂલી ગયા છો અથવા તેને બદલવા માંગો છો, તો તમારે બેંક જવાની જરૂર નથી. ATM પર જાઓ અને PIN બદલવાનો વિકલ્પ પસંદ કરો, OTP વડે વેરિફિકેશન કરો અને નવો PIN સેટ કરો.

5. મોબાઈલ અપડેટ નંબર
SBI જેવી કેટલીક બેંકો એટીએમ દ્વારા જ મોબાઈલ નંબર અપડેટ કરવાની સુવિધા આપે છે. એટીએમમાં ​​તમારું કાર્ડ દાખલ કરો અને સર્વિસેસ પર જાઓ. તમે મોબાઈલ નંબર રજીસ્ટ્રેશન પસંદ કરીને નંબર બદલી શકો છો.

6. મોબાઈલ રિચાર્જ અને બિલ પેમેન્ટ
HDFC, AXIS જેવા કેટલાક હાઇ-ટેક એટીએમ મશીનો હવે પ્રીપેડ મોબાઇલ રિચાર્જ, વીજળી બિલની ચુકવણી વગેરે જેવી યુટિલિટી સેવાઓ પણ પ્રદાન કરે છે. તમે એટીએમમાંથી સીધી ચુકવણી પણ કરી શકો છો.

7. Income Tax, fastag અને Insurance Premium
એસબીઆઈ અને કેટલીક સરકારી બેંકોની સુવિધાઓને એટીએમ સાથે જોડવામાં આવી છે. આમાં, તમે આવકવેરો, ફાસ્ટેગ અને વીમા પ્રીમિયમ ચૂકવી શકો છો. જો કે, આ તમામ સુવિધાઓ દરેક ATM પર ઉપલબ્ધ નથી.