Air India: ટાટા ગ્રુપની 'Air India' એ મુસાફરોને મોટો ફટકો આપ્યો છે. વૈશ્વિક જેટ ઇંધણ (ATF)ના ભાવમાં તીવ્ર વધારાને કારણે કંપનીએ 8 એપ્રિલ, 2026થી ઇંધણ સરચાર્જમાં ફેરફાર કરવાની જાહેરાત કરી છે. આનાથી ઘરેલુ તેમજ આંતરરાષ્ટ્રીય બંને રૂટ પર ટિકિટના ભાવ વધી શકે છે.
નવો સરચાર્જ કોને લાગુ પડશે?
પહેલાં જારી કરાયેલી ટિકિટો પર આ નવો સરચાર્જ લાગુ થશે નહીં, સિવાય કે તમે તારીખ અથવા મુસાફરીના કાર્યક્રમમાં ફેરફાર કરો અને ભાડાની પુનઃગણતરી જરૂરી પડે.
ઘરેલુ ફ્લાઇટ્સ માટે નવા ઇંધણ સરચાર્જના દર (અંતરના આધારે)એર ઇન્ડિયાએ ઘરેલુ ફ્લાઇટ્સ માટે અગાઉનો ફ્લેટ રેટ દૂર કરીને અંતર આધારિત નવી સિસ્ટમ લાગુ કરી છે.
0 થી 500 કિમી : ₹299
501 થી 1,000 કિમી : ₹399
1,001 થી 1,500 કિમી : ₹549
1,501 થી 2,000 કિમી : ₹749
2,000 કિમીથી વધુ : ₹899
આ પણ વાંચો: LPG કટોકટી વચ્ચે મોટો નિર્ણય : કેન્દ્રએ 5 કિલોના સિલિન્ડર અંગે રાજ્ય સરકારોને લખ્યો પત્ર, જાણો શું કહ્યું
આંતરરાષ્ટ્રીય ફ્લાઇટ્સ પર પણ અસર
આંતરરાષ્ટ્રીય રૂટ પર પણ ઇંધણ સરચાર્જમાં સુધારો કરવામાં આવ્યો છે, જેનાથી ત્યાંના ટિકિટ ભાવ પણ વધી શકે છે.
ઇંધણના ભાવમાં કેમ આટલો વધારો?
27 માર્ચ, 2026ના અઠવાડિયામાં જેટ ઇંધણનો સરેરાશ વૈશ્વિક ભાવ $195.19 પ્રતિ બેરલ પહોંચ્યો હતો, જ્યારે ફેબ્રુઆરીના અંતમાં તે માત્ર $99.40 હતો. આ લગભગ 100% નો મોટો વધારો છે. ક્રૂડ ઓઇલના ભાવ અને રિફાઇનરી માર્જિન (ક્રેક સ્પ્રેડ)માં વધારો એ મુખ્ય કારણ છે. આ ફેરફારથી એર ઇન્ડિયા સાથે મુસાફરીનું આયોજન કરતા મુસાફરોને વધુ ખર્ચ થઈ શકે છે. જો તમે ટિકિટ બુક કરવાનું વિચારી રહ્યા છો, તો વહેલી તકે તપાસ કરી લો અને જરૂરી હોય તો તારીખ પહેલાં બુકિંગ પૂર્ણ કરી લો.
