અમદાવાદ જિલ્લાના ધંધુકા–ફેદરા રોડ પર આવેલા ઓનેસ્ટ હોટલ પાસે આજે બુધવાર મોડી સાંજે આશરે પાંચ વાગ્યાના સુમારે ડમ્પર અને મોટર સાયકલ વચ્ચે ગંભીર અકસ્માત સર્જાયો હતો. આ અકસ્માતમાં એક મહિલાનું ઘટનાસ્થળે જ મોત નિપજ્યું હતું, જ્યારે બાઈક ચાલક સહિત ત્રણના મોત થયા હતા.
ડમ્પર અને બાઈક વચ્ચે અકસ્માત
પ્રાપ્ત માહિતી મુજબ, ઓનેસ્ટ હોટલ પાસે આવેલા ડાયવર્ઝન નજીક ડમ્પર અને બાઈક વચ્ચે ટક્કર થતાં અકસ્માત થયો હતો. અકસ્માત એટલો ગંભીર હતો કે બાઈક પર સવાર મહિલાએ ઘટનાસ્થળે જ જીવ ગુમાવ્યો હતો. અકસ્માતની જાણ થતાં જ સ્થાનિક લોકો એકત્ર થયા હતા અને તાત્કાલિક 108 એમ્બ્યુલન્સને જાણ કરવામાં આવી હતી. 108ની ટીમ ઘટનાસ્થળે પહોંચી ગંભીર રીતે ઈજાગ્રસ્ત બાઈક ચાલકને સારવાર માટે ધંધુકા ખાતે આવેલી RMS હોસ્પિટલમાં ખસેડ્યો હતો, જ્યાં તેની સારવાર દરમિયાન મોત થયું હતું.
પોલીસે તપાસ હાથ ધરી
અકસ્માતની જાણ થતાં પોલીસ પણ ઘટનાસ્થળે પહોંચી હતી અને જરૂરી કાર્યવાહી હાથ ધરી છે. મૃતક મહિલાના મૃતદેહને પોસ્ટમોર્ટમ માટે મોકલવામાં આવ્યો છે. હાલ પોલીસ દ્વારા અકસ્માત અંગે વધુ તપાસ કરવામાં આવી રહી છે.
આ અકસ્માતના કારણે ધંધુકા–ફેદરા રોડ પર થોડા સમય માટે વાહનવ્યવહાર પણ પ્રભાવિત થયો હતો.
