Kutch Crime News : કચ્છના નખત્રાણા તાલુકાના મુરુ ગામમાં થયેલી કરૂણ હત્યાનો ભેદ નખત્રાણા પોલીસે ઉકેલી લીધો છે. રમેશ મહેશ્વરી નામના યુવકની કરપીણ રીતે હત્યા થયેલી મળી આવતા વિસ્તારમાં ચકચાર મચી હતી.
મુરુ ગામે યુવકની હત્યા
પોલીસે તપાસ શરૂ કરતા સૌથી મોટો પુરાવો મૃતકનો મોબાઈલ ફોન સાબિત થયો, જે તેના મિત્ર કિશોર પાસેથી મળતાં આખું કૌભાંડ બહાર આવ્યું. પોલીસના જણાવ્યા મુજબ, રમેશ અને કિશોર બંને એક જ યુવતીને પ્રેમ કરતા હતા અને આ બાબતે બંને વચ્ચે અગાઉ ઝઘડો પણ થયો હતો. પ્રેમસંબંધની દ્વેષભાવના કારણે કિશોરે રમેશની હત્યા કરી હોવાનો ખુલાસો થયો છે.
પ્રેમ સંબંધમાં યુવકની હત્યા
આક્ષેપ મુજબ, કિશોરે હત્યા બાદ પુરાવા છુપાવવા માટે લાશના ટુકડા કરી ત્રણ અલગ–અલગ બોરામાં નાખી દીધી હતી. નખત્રાણા પોલીસે આરોપીને ઝડપી લઈને કસ્ટડીમાં લીધો છે અને સમગ્ર મામલે વધુ તપાસ હાથ ધરવામાં આવી રહી છે.
