સુરત શહેરના ગોડાદરા પોલીસ સ્ટેશન દ્વારા માદક દ્રવ્યો સામે હાથ ધરવામાં આવેલી કાર્યવાહી દરમિયાન અફીણ સાથે એક આરોપીને ઝડપી પાડવામાં આવ્યો છે. પોલીસે આરોપી ધર્મારામ ઘેવરરામ ફાડકેને અફીણના જથ્થા સાથે પકડ્યો હતો, જેની અંદાજિત કિંમત રૂ. 2,29,500 થાય છે.
459 ગ્રામ અફીણ ઝડપાયું
પોલીસ તપાસ મુજબ આરોપી પાસેથી કુલ 459 ગ્રામ અફીણ મળી આવ્યું હતું. ઉપરાંત આરોપી પાસેથી મોબાઈલ ફોન, ઇલેક્ટ્રિક વજન કાંટો સહિત કુલ રૂ. 2,75,760નો મુદ્દામાલ જપ્ત કરવામાં આવ્યો છે. આરોપી અફીણનો વેપાર કરતો હોવાની શંકાના આધારે પોલીસે કાર્યવાહી કરી હતી.
NDPS એક્ટ મુજબ ગુનો નોંધાયો
ગોડાદરા પોલીસે આ મામલે આરોપી વિરુદ્ધ NDPS એક્ટ મુજબ ગુનો નોંધ્યો છે અને અફીણ ક્યાંથી લાવવામાં આવ્યું હતું તથા કોને સપ્લાય કરવાનું હતું તે બાબતે વધુ તપાસ હાથ ધરવામાં આવી છે. પોલીસ દ્વારા જણાવ્યું છે કે નશીલા પદાર્થોના કારોબાર સામે કડક કાર્યવાહી ચાલુ રહેશે.
