gandhinagar flower show: ગાંધીનગરમાં પ્રથમ વખત ભવ્ય ફ્લાવર શો યોજવાની કવાયત હાથ ધરાઈ છે. આ કાર્યક્રમ સરિતા ઉદ્યાન ખાતે નવા વર્ષની અનોખી ઉજવણી તરીકે કરવામાં આવશે. ગાંધીનગર મ્યુનિસિપલ કોર્પોરેશન દ્વારા આ ફ્લાવર શોનું આયોજન કરવામાં આવ્યું છે, જેનો પ્રારંભ ડિસેમ્બર મહિનાના છેલ્લા અઠવાડિયામાં થશે અને જાન્યુઆરીના પ્રથમ સપ્તાહ સુધી ચાલુ રહેશે.
રંગબેરંગી ફૂલોનું અનોખું પ્રદર્શન જોવા મળશે
આ શોમાં દેશ-વિદેશના રંગબેરંગી ફૂલોનું અનોખું પ્રદર્શન જોવા મળશે. પિટુનિયા, ગજેનિયા, બિગોનિયા, તોરણીયા, મેરીગોલ્ડ, લિલિયમ, ઓર્ચિડ, ડહેલિયા, એમરન્સ લીલી, કેક્ટસ પ્લાન્ટ અને જરબેરા જેવા અનેક દેશી-વિદેશી ફૂલોનું સૌંદર્ય દર્શકોને મંત્રમુગ્ધ કરશે.
ભવ્ય ફ્લાવર શોનું આયોજન
અમદાવાદમાં યોજાયેલા વાઈબ્રન્ટ ફ્લાવર શોમાં દેશ-વિદેશના 15 લાખથી વધુ ફૂલ-છોડના રોપા મૂકવામાં આવે છે, જે સૌના આકર્ષણનું કેન્દ્ર બન્યા હતા. તેવી જ રીતે, હવે ગાંધીનગરમાં પણ સરિતા ઉદ્યાન ખાતે એવા જ ભવ્ય ફ્લાવર શોનું આયોજન કરવામાં આવી રહ્યું છે.
ઉત્સવમૂડી ઉજવણી
શહેરના મુખ્ય માર્ગો પર અગાઉ કરવામાં આવેલી ફૂલોની સજાવટ દેશ-વિદેશના મહાનુભવોને પણ મોહી ગઈ હતી. આથી, હવે નવા વર્ષના આગમન પ્રસંગે ગાંધીનગરવાસીઓ રંગબેરંગી ફૂલોની વચ્ચે ઉત્સવમૂડી ઉજવણી કરી શકશે.
