આ દેશમાં વહેંચવામાં આવી 60 હજાર હનુમાન ચાલીસા : દેશનું નામ સાંભળીને ચોંકી ઉઠશો

દક્ષિણ આફ્રિકાની એક અગ્રણી હિંદુ સંસ્થાએ દેશભરના આઠ મંદિરોમાં હનુમાન ચાલિસાની 60,000 નાની પુસ્તિકાઓનું વિતરણ કર્યું છે. ગૌતેંગ પ્રાંતમાં વિવિધ ક્લબના બાઇકરોના નેતૃત્વમાં એસએ હિંદુ સંગઠનના સભ્યોએ રવિવારે આ ઓપરેશન હાથ ધર્યું હતું. આ સાથે, તેમણે જરૂરિયાતમંદોને મદદ કરવા માટે લગભગ બે ટન કરિયાણાનો જથ્થો પણ એકત્રિત કરીને વહેંચ્યો હતો.

એસએ હિન્દુઓના સ્થાપક પંડિતા લ્યુસી સિગ્બાને પીટીઆઈને કહ્યું, "મંદિરોમાં આટલા બધા ભક્તો જોવા મળવાથી અમે ભાગ્યશાળી છીએ. ઘણા લોકો આવ્યા, ખાસ કરીને ક્વાઝુલુ-નાતાલ (કેઝેડએન) સહિત પડોશી પ્રાંતોમાંથી અને ઉત્સાહ સાથે આ અભિયાનને ટેકો આપ્યો.

'ભક્તોનો આભાર'

સિગ્બને કહ્યું, "અમે તમામ મંદિરોના નેતૃત્વ અને ભક્તોના આભારી છીએ જેમણે જરૂરિયાતમંદોને કરિયાણા આપીને તેમનું જીવન સુધારવામાં મદદ કરી". દક્ષિણ આફ્રિકાના હિંદુઓએ 24 ઓગસ્ટ, 2024ના રોજ ભક્તિ ઉત્સવ દરમિયાન શેરેનો પ્રિન્ટર્સ અને ઇલેક્ટ્રો ઓનલાઈન મીડિયાના સહયોગથી "વન મિલિયન હનુમાન ચાલીસા પહેલ" શરૂ કરી હતી. તેઓ 2029 સુધીમાં 10 લાખ હનુમાન ચાલીસા પુસ્તિકાઓનું વિતરણ કરવાનું લક્ષ્ય ધરાવે છે.

શેરેનો પ્રિન્ટર્સના માલિક નિરન સિંહે કહી આ વાત

શેરેનો પ્રિન્ટર્સના માલિક નિરન સિંહે કહ્યું, "અમે આ પહેલનો ભાગ બનીને અત્યંત ખુશ છીએ કારણ કે તે દક્ષિણ આફ્રિકાના હિંદુઓના આધ્યાત્મિક જ્ઞાન અને સેવાની ભાવનાને આગળ વધારવામાં મદદ કરે છે. થ્રોટલ કલેક્ટિવના સહ-સ્થાપક મૃણાલ ભગવાને કહ્યું, "આ પહેલ સમુદાયને એક સાથે લાવી રહી છે તે જોઈને આનંદ થાય છે. ગૌતેંગનો બાઇકિંગ સમુદાય અમારા આહ્વાન સાથે એકતા દર્શાવવા માટે મોટી સંખ્યામાં બહાર આવ્યો અને આ અભિયાનમાં મોટા પાયે ભાગ લીધો ".