Makar Sankranti 2026: સૂર્યના મકર રાશિમાં પ્રવેશ સાથે શરૂ થતી તહેવારોની મોસમની શુભ શરૂઆત મકરસંક્રાંતિથી થાય છે. આ તહેવાર 14 કે 15 જાન્યુઆરીએ ઉજવવામાં આવે છે અને તે અંધકારથી પ્રકાશ તરફના સંક્રમણનું પ્રતીક છે. સમગ્ર ભારતમાં આ તહેવાર વિવિધ નામો અને પરંપરાઓ સાથે ઉજવાય છે – ગુજરાતમાં ઉત્તરાયણ તરીકે પતંગોના રંગોથી આકાશ રંગાય છે, તો પ્રયાગરાજમાં સંગમના પવિત્ર સ્નાનથી આધ્યાત્મિક શુદ્ધિ થાય છે.આ તહેવાર દરેક પ્રદેશમાં અલગ અલગ રંગો લાવે છે – નવી લણણીનો આનંદ, તલ-ગોળની મીઠાશ અને સમુદાયની એકતા. ચાલો, જાણીએ ભારતના પાંચ સૌથી રંગીન સ્થળો વિશે, જ્યાં મકરસંક્રાંતિ અત્યંત ઉત્સાહ અને વૈવિધ્ય સાથે ઉજવવામાં આવે છે.
1. ગુજરાત (અમદાવાદ, સુરત, વડોદરા)
ગુજરાતમાં મકરસંક્રાંતિ એટલે ઉત્તરાયણ – આકાશમાં રંગબેરંગી પતંગોનો મેળો! અમદાવાદમાં આંતરરાષ્ટ્રીય પતંગ ઉત્સવ યોજાય છે, જ્યાં છત પરથી "કાઈ પો છે!"ના નાદ ગુંજે છે. ઊંધિયુ, જલેબી અને ચીક્કી જેવા વાનગીઓનો સ્વાદ અને રાત્રે તુક્કલ પતંગોનો જાદુ આને અનોખો બનાવે છે.
2. રાજસ્થાન (જયપુર)
રાજસ્થાનમાં પતંગ ઉડાવવાની સ્પર્ધાઓ અને લોક સંસ્કૃતિનો સંગમ જોવા મળે છે. જયપુરના આકાશમાં રંગીન પતંગો ઉડે છે, લોકગીતો ગવાય છે અને પરંપરાગત પોશાકમાં સ્ત્રીઓ સૂર્યને પ્રાર્થના કરે છે. વાઇબ્રન્ટ ફેર અને રાજસ્થાની ભોજન આને ખાસ બનાવે છે.
3. મહારાષ્ટ્ર
મહારાષ્ટ્રમાં મકરસંક્રાંતિ સામાજિક સંવાદિતાનો તહેવાર છે. લોકો તિલગુલની આપ-લે કરે છે કડવાશ છોડીને મીઠાશ અપનાવવાનો સંદેશ. મેળા, નૃત્ય અને તલ-ગોળની મીઠાઇઓ આને રંગીન બનાવે છે.
4. તમિલનાડુ
દક્ષિણ ભારતમાં મકરસંક્રાંતિને પોંગલ તરીકે ચાર દિવસ ઉજવવામાં આવે છે. ભોગી, થાઈ પોંગલ, મટ્ટુ પોંગલ અને કાનુમ પોંગલમાં રંગોળી (કોલમ), ગાય-બળદની પૂજા અને મીઠી પોંગલનો સમાવેશ થાય છે. ઘર આગળની રંગબેરંગી રંગોળી અને ખેડૂતોની ઉજવણી આને વિશેષ રંગીન બનાવે છે
5. પ્રયાગરાજ (ઉત્તર પ્રદેશ)
પ્રયાગરાજમાં મકરસંક્રાંતિનો અર્થ પવિત્ર સ્નાન છે. ગંગા, યમુના અને સરસ્વતીના સંગમ ખાતે લાખો ભક્તો ડૂબકી લગાવે છે. ખિચડી, તલ અને દાનનું મહત્વ છે. મહા કુંભ કે માઘ મેળા દરમિયાન આ ઉજવણી વિશાળ અને આધ્યાત્મિક રંગ ધારણ કરે છે.
મકરસંક્રાંતિ ભારતની વિવિધતા અને એકતાનું પ્રતીક છે. આ તહેવાર દરેકને નવી ઉર્જા અને આનંદ આપે!
