Tata Harrier and Safari Stealth Edition : ભારતીય પ્રીમિયમ SUV સેગમેન્ટમાં પોતાની સ્થિતિ વધુ મજબૂત બનાવવા માટે Tata Motorsએ 2026 મોડેલ વર્ષ માટે Tata Harrier અને Tata Safariના નવા Stealth Editionને ભારતીય બજારમાં લોન્ચ કર્યા છે. કંપનીએ આ નવા એડિશનને તેના ટોપ-સ્પેક વેરિઅન્ટ્સ પર આધારિત બનાવ્યા છે, જેથી ગ્રાહકોને માત્ર અલગ દેખાવ જ નહીં પરંતુ તમામ પ્રીમિયમ ફીચર્સ પણ એકસાથે મળી રહે. નવા Stealth Editionનું મુખ્ય ફોકસ એવી ગ્રાહકવર્ગ પર છે, જે બોલ્ડ, એલિગન્ટ અને સંપૂર્ણ બ્લેક થીમ ધરાવતી SUV પસંદ કરે છે. આ નવા એડિશન સાથે કંપનીએ અગાઉ રજૂ કરાયેલા મર્યાદિત Stealth Editionની પરંપરાને આગળ વધારી છે, પરંતુ આ વખતે તેને વધુ વ્યાપક રીતે ઉપલબ્ધ બનાવવામાં આવ્યું છે. નવા મોડલ્સમાં યાંત્રિક રીતે કોઈ ફેરફાર કરવામાં આવ્યો નથી, પરંતુ તેની ડિઝાઇન, ઇન્ટિરિયર અને પ્રીમિયમ ફિનિશિંગ તેને સ્ટાન્ડર્ડ મોડલ્સથી અલગ ઓળખ આપે છે. કંપનીના જણાવ્યા અનુસાર નવા Stealth Editionનું મુખ્ય આકર્ષણ તેની વિશિષ્ટ ડિઝાઇન અને પ્રીમિયમ એક્સપિરિયન્સ છે.
કિંમત અને ઉપલબ્ધ વેરિઅન્ટ્સ
2026 Tata Harrier Stealth Editionની એક્સ-શોરૂમ કિંમત ₹23.43 લાખથી શરૂ થઈને ₹26.01 લાખ સુધી જાય છે. બીજી તરફ Tata Safari Stealth Editionની કિંમત ₹24.09 લાખથી શરૂ થઈને ₹26.76 લાખ (એક્સ-શોરૂમ) સુધી રાખવામાં આવી છે. આ બંને મોડલ્સ અનુક્રમે Fearless Ultra અને Accomplished Ultra જેવા ટોપ-એન્ડ વેરિઅન્ટ્સ પર આધારિત છે. એટલે કે ગ્રાહકોને અલગથી કોઈ ફીચર પેકેજ ખરીદવાની જરૂર રહેતી નથી અને તમામ ફ્લેગશિપ ફીચર્સ સીધા જ ઉપલબ્ધ થાય છે.
આ પણ ખાસ વાંચો : એન્જિન નહીં, કાર ખરીદતા પહેલા ભારતીયો સૌથી પહેલા જુએ છે આ 5 ફીચર્સ : સનરૂફથી ADAS સુધી... જાણો આ મોડર્ન ફીચર્સ વિશે
સંપૂર્ણ બ્લેક લુક સાથે વધુ પ્રીમિયમ હાજરી
નવા Stealth Editionનું સૌથી મોટું આકર્ષણ તેનો વિશેષ Stealth Black એક્સટિરિયર કલર છે. આ રંગ SUVને વધુ પ્રીમિયમ અને મસ્ક્યુલર રોડ પ્રેઝન્સ આપે છે. તેની સાથે 19-ઇંચના એલોય વ્હીલ્સને પણ ખાસ Matte Stealth Black ફિનિશ આપવામાં આવી છે, જે તેને અગાઉના Dark Edition અને Red Dark Edition કરતાં અલગ ઓળખ આપે છે. આ ઉપરાંત ફ્રન્ટ ફેન્ડર ઉપર આપવામાં આવેલું Stealth બેજ આ સ્પેશિયલ એડિશનની વિશિષ્ટ ઓળખ બનાવે છે. Tata Motorsએ બાકીની બોડી ડિઝાઇનમાં મોટા ફેરફાર કર્યા નથી, જેથી Harrier અને Safariની જાણીતી અને લોકપ્રિય ડિઝાઇન યથાવત રહે છે.
ઓલ-બ્લેક કેબિનમાં પ્રીમિયમ એક્સપિરિયન્સ
બાહ્ય ડિઝાઇનની જેમ કેબિનમાં પણ સંપૂર્ણ બ્લેક થીમ અપનાવવામાં આવી છે. કારની સીટોને Carbon Noir Leatherette અપહોલ્સ્ટ્રી આપવામાં આવી છે, જે કેબિનને વધુ લક્ઝરી એક્સપિરિયન્સ આપે છે. સેન્ટર કન્સોલ પર આપવામાં આવેલું જ્વેલ-ફિનિશ ટેરેન રિસ્પોન્સ ડાયલ પણ કેબિનની પ્રીમિયમનેસમાં વધારો કરે છે. કારણ કે બંને SUV ટોપ-સ્પેક વેરિઅન્ટ્સ પર આધારિત છે, તેથી તેમાં ઉપલબ્ધ તમામ આધુનિક સુવિધાઓ Stealth Editionમાં પણ યથાવત રાખવામાં આવી છે.
ટેક્નોલોજી અને કમ્ફર્ટમાં કોઈ સમાધાન નહીં
નવી Tata Harrier Stealth Edition અને Tata Safari Stealth Editionમાં 14.9-ઇંચની મોટી ટચસ્ક્રીન ઇન્ફોટેનમેન્ટ સિસ્ટમ આપવામાં આવી છે, જે વાયરલેસ Apple CarPlay અને Android Autoને સપોર્ટ કરે છે. તેની સાથે Dolby Atmos સપોર્ટ ધરાવતી 13-સ્પીકર JBL પ્રીમિયમ સાઉન્ડ સિસ્ટમ લાંબી મુસાફરીને વધુ આનંદદાયક બનાવે છે. તે ઉપરાંત ડ્યુઅલ-ઝોન ઓટોમેટિક ક્લાઈમેટ કંટ્રોલ, વેન્ટિલેટેડ અને પાવર્ડ ફ્રન્ટ સીટ્સ, એડજસ્ટેબલ સેન્ટર આર્મરેસ્ટ, વોઈસ-અસિસ્ટેડ પેનોરામિક સનરૂફ, Alexa કનેક્ટિવિટી, Arcade એપ સ્યુટ, 360-ડિગ્રી કેમેરા અને Level-2 ADAS જેવી અદ્યતન સુવિધાઓ પણ ઉપલબ્ધ છે. ડ્રાઇવિંગને વિવિધ રસ્તાઓ માટે અનુકૂળ બનાવવા ટેરેન રિસ્પોન્સ સિસ્ટમમાં વિવિધ ડ્રાઇવિંગ મોડ્સ આપવામાં આવ્યા છે, જે અલગ-અલગ રોડ કન્ડિશનમાં વધુ સારી કામગીરી કરવામાં મદદ કરે છે.
આ પણ ખાસ વાંચો : 90% લોકો કાર ખરીદતી વખતે કરે છે આ ભૂલ : માત્ર મોડલ અને કિંમત નહીં, ડ્રાઇવ સિસ્ટમ પણ નક્કી કરે છે તમારી કાર કેટલી ઉપયોગી સાબિત થશે
પેટ્રોલ અને ડીઝલ બંને એન્જિન વિકલ્પ
યાંત્રિક રીતે નવા Stealth Editionમાં કોઈ ફેરફાર કરવામાં આવ્યો નથી. ગ્રાહકોને અગાઉની જેમ બે એન્જિન વિકલ્પો ઉપલબ્ધ રહેશે. પ્રથમ વિકલ્પ તરીકે 1.5-લિટર Turbo GDi પેટ્રોલ એન્જિન આપવામાં આવ્યું છે, જે 170hpનો પાવર અને 280Nmનો ટોર્ક ઉત્પન્ન કરે છે. જ્યારે 2.0-લિટર ટર્બો ડીઝલ એન્જિન 170hpનો પાવર અને 350Nmનો ટોર્ક જનરેટ કરે છે. બંને એન્જિન સાથે 6-સ્પીડ મેન્યુઅલ તેમજ 6-સ્પીડ ઓટોમેટિક ગિયરબોક્સનો વિકલ્પ આપવામાં આવ્યો છે, જેથી ગ્રાહકો પોતાની જરૂરિયાત મુજબ ટ્રાન્સમિશન પસંદ કરી શકે છે.
ભારતીય SUV બજારમાં વધુ મજબૂત દાવ
ભારતમાં પ્રીમિયમ SUV સેગમેન્ટમાં સ્પર્ધા સતત વધી રહી છે. Mahindra, MG, Hyundai અને Jeep જેવી કંપનીઓ વચ્ચે ગ્રાહકોને આકર્ષવા માટે હવે ડિઝાઇન અને ટેક્નોલોજી બંને મહત્વપૂર્ણ બની ગયા છે. એવા સમયમાં Tata Motors દ્વારા રજૂ કરવામાં આવેલું Stealth Edition એવા ખરીદદારોને ધ્યાનમાં રાખીને તૈયાર કરવામાં આવ્યું છે, જેઓ સ્ટાન્ડર્ડ મોડલ કરતાં વધુ અલગ, આકર્ષક અને પ્રીમિયમ દેખાવ ધરાવતી SUV ઇચ્છે છે પરંતુ મિકેનિકલ પરફોર્મન્સમાં કોઈ ફેરફાર વગર તમામ ફ્લેગશિપ સુવિધાઓ મેળવવા માંગે છે. નવી Tata Harrier Stealth Edition અને Tata Safari Stealth Edition આ જ જરૂરિયાતને ધ્યાનમાં રાખીને રજૂ કરવામાં આવી છે, જ્યાં મુખ્ય ભાર સ્ટાઇલ, પ્રીમિયમ એક્સપિરિયન્સ અને આધુનિક ફીચર્સ પર આપવામાં આવ્યો છે.
