Union Budget 2026 Live: સાંસદમાં નાણામંત્રી નિર્મલા સીતારમણ બજેટ રજૂ કર્યું. ભારતની અર્થવ્યવસ્થાની દિશા નક્કી કરનારું વર્ષ 2026નું હશે. નાણામંત્રીએ ભાષણમાં જણાવ્યું કે સરકારે હંમેશા દેખાડા કરતાં જન કલ્યાણને પ્રાથમિકતા આપી છે. દરેક નિર્ણય સામાન્ય લોકોના હિતોને ધ્યાનમાં રાખીને લેવામાં આવ્યો છે. સાથે નાણામંત્રીએ 7 હાઇ સ્પીડ કોરિડોર, સેમિકન્ડક્ટર મિશન અને MSME માટે 10 હજાર કરોડની જાહેરાત કરી.
નાણામંત્રીએ કહ્યું- ઇલેક્ટ્રોનિક ઇક્વિપમેન્ટ માટે 40 હજાર કરોડ આપશે
1000 માન્ય ક્લિનિકલ સાઇટ્સ બનાવવામાં આવશે, જ્યાં વૈજ્ઞાનિક સમીક્ષા થઈ શકશે. સેમિકન્ડક્ટર મિશન - ઉત્પાદન અને ભારતીય IP બનાવવા, સપ્લાય ચેઇન બનાવવા માટે જોગવાઈ કરવામાં આવી છે. ઇલેક્ટ્રોનિક સાધનો બનાવવા માટે 40 હજાર કરોડ રૂપિયાની જોગવાઈ કરવામાં આવી છે. રેર અર્થ મટિરિયલ માટે ઓડિશા, તમિલનાડુ, આંધ્ર પ્રદેશમાં ડેડિકેટેડ ફેસિલિટી બનાવવાની પહેલ કરવામાં આવી છે. આ માટે ડેડિકેટેડ મિનરલ પાર્ક બનાવવામાં આવશે.
'7 હાઇસ્પીડ રેલ કોરિડોર બનાવવામાં આવશે'
7 હાઈસ્પીડ રેલ કોરિડોર બનાવવામાં આવશે, જેમાં પૂનાથી હૈદરાબાદ, મુંબઈથી પૂના, હૈદરાબાદથી ચેન્નઈ, હૈદરાબાદથી બેંગલુરુ, સિલિગુડીથી વારાણસી બનાવવામાં આવશે. વિકસિત ભારત માટે હાઈ લેવલ બેંકિંગ કમિટી બનાવવામાં આવશે.
MSME માટે 10 હજાર કરોડ રૂપિયાની જાહેરાત, બે રાજ્યોમાં રેર અર્થ કોરિડોર બનશે
લઘુ ઉદ્યોગો માટે 7 હજાર કરોડ રૂપિયા, MSME માટે 10 હજાર કરોડ રૂપિયા, ઈલેક્ટ્રોનિક ઈક્વિપમેન્ટ માટે 40 હજાર કરોડ રૂપિયા, દેશભરમાં ODOP લાગૂ થશે, આત્મનિર્ભર ભારત માટે 2 હજાર કરોડ રૂપિયા, મહાત્મા ગાંધી હેન્ડલૂમ યોજના શરૂ કરાશે, ટેક્સટાઈલ્સમાં કૌશલ વિકાસ યોજના, 4 રાજ્યોમાં ખનિજ કોરિડોર બનશે, 200 વિરાસતોનો કાયાકલ્પ થશે, ટીયર 2 અને ટીયર 3 શહેરો માટે વિકાસ પ્લાન, આંધ્ર પ્રદેશ અને તમિલનાડુમાં રેર અર્થ કોરિડોર બનશે.
ભારત બાયોફાર્માનું હબ બનશે
નાણામંત્રીએ જાહેરાત કરીકે સેમીકન્ડક્ટર ઉદ્યોગ માટે પણ મોટી જાહેરાત કરી. જેમાં કન્ટેનર નિર્માણ માટે 10 હજાર કરોડની જાહેરાત. આ સાથે જ મોદી સરકાર 3 નવા કેમિકલ પાર્ક બનાવશે. દેસી કપડા માટે વિશેષ મદદ કરવામાં આવશે.
