Most Expensive T20I Spell for New Zealand : ભારત સામે ચાલી રહેલી 5 મેચની T20I સિરીઝની બીજી મેચ ન્યૂઝીલેન્ડ હારી ગયું. ટોસ હારીને પહેલા બેટિંગ કરવાનો નિર્ણય લીધા પછી, ન્યૂઝીલેન્ડે ટીમ ઈન્ડિયા માટે 209 રનનો લક્ષ્યાંક મૂક્યો હતો, પરંતુ ભારતીય ટીમે આ લક્ષ્યાંકને 16 મી ઓવરમાં જ હાંસલ કરી લીધો હતો. જોકે ભારતીય બેટ્સમેનોએ ન્યૂઝીલેન્ડના દરેક બોલરને મુશ્કેલીમાં મુકી દીધા હતા, પરંતુ જેક ફોલ્ક્સ માટે, આ મેચ અવિસ્મરણીય બની ગઈ. આ મેચમાં, જેક ફોલ્ક્સ ન્યૂઝીલેન્ડ માટે અને T20I મેચોમાં 3 ઓવરનો સૌથી મોંઘો સ્પેલ ફેંકનાર બોલર બન્યો.
T20I મેચમાં સૌથી મોંઘો ત્રણ ઓવરનો સ્પેલ
રાયપુરમાં રમાયેલી બીજી T20I મેચમાં, જેક ફોલ્કસે ન્યૂઝીલેન્ડ માટે ત્રણ ઓવર ફેંકી, તેના સ્પેલમાં 67 રન આપ્યા. આ હવે T20I ક્રિકેટમાં સૌથી મોંઘો ત્રણ ઓવરનો સ્પેલ બની ગયો છે. જેક ફોલ્ક્સ પહેલા, સર્બિયાના એલેક્ઝાન્ડર ડ્ઝિજાએ 2022 માં બલ્ગેરિયા સામે ત્રણ ઓવરમાં 63 રન આપ્યા હતા. સાઉથ આફ્રિકાના લિઝાર્ડ વિલિયમ્સે ગયા વર્ષે ઇંગ્લેન્ડ સામે ત્રણ ઓવરમાં 62 રન આપ્યા હતા. એકંદરે, T20 ક્રિકેટમાં ફક્ત એક જ બોલરે જેક ફોલ્કેસ કરતાં ત્રણ ઓવરમાં વધુ રન આપ્યા છે. 2025 ના T20 બ્લાસ્ટમાં, નોર્થમ્પ્ટનશાયરના લિયામ ગુથરીએ ત્રણ ઓવરમાં 68 રન આપ્યા હતા.
જેક ફોલ્ક્સની ઓવરમાં કોણે કેટલા રન ફટકાર્યા?
જેક ફોલ્ક્સે ત્રીજી ઓવરમાં પહેલી વાર બોલિંગ કરવા આવ્યા અને તે ઓવરમાં 24 રન આપ્યા. જેમા ઇશાન કિશનએ ત્રણ ચોગ્ગા અને એક છગ્ગો ફટકાર્યો. જેક ફોલ્ક્સે તેની બીજી ઓવરમાં 25 રન આપ્યા, જે સૂર્યકુમાર યાદવએ ફટકાર્યા હતા. સૂર્યકુમાર યાદવએ તેની ઓવરમાં 4 ચોગ્ગા અને 1 છગ્ગો ફટકાર્યો હતો. ભારતે ત્રીજી ઓવરમાં 18 રન બનાવ્યા. જેમા સૂર્યકુમાર યાદવએ આ ઓવરમાં 2 ચોગ્ગા અને 1 છગ્ગો ફટકાર્યો હતો.
ન્યૂઝીલેન્ડનો સૌથી મોંઘો સ્પેલ
T20I ક્રિકેટમાં ન્યૂઝીલેન્ડના બોલર દ્વારા આ સૌથી મોંઘો સ્પેલ છે. અગાઉ બેન વ્હીલરના નામે આ રેકોર્ડ હતો, તેમણે 2018 માં ઓકલેન્ડમાં ઓસ્ટ્રેલિયા સામે 3.1 ઓવરમાં 64 રન આપ્યા હતા. 6 વર્ષ પછી, તેમનો રેકોર્ડ તૂટી ગયો છે.
