એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)માંથી પૈસા ઉપાડવાની પ્રક્રિયામાં ફેરફાર કરવામાં આવી રહ્યા છે. આ ફેરફાર બાદ પીએફ સભ્યો તેમના જમા કરાવેલા નાણાં તરત જ ઉપાડી શકશે. આ ફેરફાર કરવાનો હેતુ પૈસાની લેવડદેવડનો સમય ઘટાડવાનો છે. શ્રમ અને રોજગાર સચિવ સુમિતા ડાવરાએ આ જાહેરાત કરી હતી.
તેમણે કહ્યું કે યુઝર્સ UPI દ્વારા 1 લાખ રૂપિયા સુધી ઉપાડી શકે છે. તેઓ આ સુવિધા મેના અંતમાં અથવા જૂનની શરૂઆતમાં મેળવી શકે છે. આ ઉપરાંત પીએફના પૈસા ઉપાડવા માટે એટીએમ કાર્ડ લાવવાની પણ તૈયારી કરવામાં આવી છે. આના દ્વારા તમારા પીએફમાંથી બચત ખાતાની જેમ જ પૈસા ઉપાડી શકાય છે. જાણો આમાં બીજા કયા નવા અપડેટ્સ સામે આવ્યા છે.
UPIથી નીકળશે 1 લાખ રૂપિયા
હાલમાં પીએફમાંથી પૈસા ઉપાડવા માટે ઘણી લાંબી પ્રક્રિયામાંથી પસાર થવું પડે છે. આના પર રાહત આપતા સુમિતા ડાવરાએ કહ્યું કે મે અથવા જૂનના અંત સુધીમાં EPFO સભ્યો તેમના પીએફના પૈસા સરળતાથી ઉપાડી શકશે. UPI દ્વારા તે પોતાના ખાતામાં જમા થયેલી રકમ જોઈ શકે છે. UPI દ્વારા એક સમયે 1 લાખ રૂપિયા સુધી ઉપાડી શકાય છે. આ માટે તે પોતાની મનપસંદ બેંક પસંદ કરી શકે છે. UPI અને ATMમાંથી પૈસા ઉપાડવાનું આ પગલું યુઝર્સ માટે મોટી રાહત સાબિત થશે.
બનશે ATM કાર્ડ
ઘણા સમયથી પીએફના પૈસા ઉપાડવા માટે એટીએમ કાર્ડને લઈને ઘણી માહિતી બહાર આવી રહી છે. PFના પૈસા ઉપાડવા માટે એક કાર્ડ બનાવવામાં આવશે, જે PF એકાઉન્ટ સાથે લિંક કરવામાં આવશે. જો કે, તેમાંથી પૈસા ઉપાડવા માટે એક મર્યાદા નક્કી કરવામાં આવશે. EPFOનો દાવો છે કે આ સુવિધા 24 કલાક ઉપલબ્ધ રહેશે, જેમાં તમે જરૂરિયાતના સમયે તરત જ પૈસા ઉપાડી શકશો.
હાલ કેવી રીતે નીકળે છે પૈસા
હાલમાં પીએફના પૈસા ઉપાડવા માટે ઈપીએફઓની સાઈટ પર જવું પડે છે. લોગ ઇન કર્યા પછી તમારે તમારી માહિતી સ્ટેપ બાય સ્ટેપ ભરવાની રહેશે. ક્લેમ સબમિટ કર્યા પછી તમારા ખાતામાં પૈસા આવવામાં 7 થી 8 દિવસનો સમય લાગી શકે છે. ઘણી વખત તમે જે રકમ માટે ક્લેમ કરો છો તેના કરતા ઘણી ઓછી રકમ તમને પરત મળે છે. આવી તમામ સમસ્યાઓને દૂર કરવા માટે જ EPFO આ ફેરફારો કરવા જઈ રહ્યું છે.
ખેડૂતોને પણ ભેટ: હવે 9,000 થશે PM કિસાન સન્માન નિધિ!: PM મોદીએ બંગાળમાં કરી હતી જાહેરાત
